கட்டுரைகள்

New Picasa Web Albums Activity

2010-09-30T02:46:00.001-07:00

Recent Uploads

Arunabharathi added 30 photos to என் திருமணம்..!

Sep 29, 2010 2:41:53 AM


Post Comment	Unsubscribe from this user.

To share your photos or receive notification when your friends share photos, get your own free Picasa Web Albums account.

Check out IN.com

2008-09-23T03:27:00.001-07:00

Dear à®à®à¯à®à¯à®°à¯à®à®³à¯-1,

I want to invite you to join IN.com.

Click here to accept the invitation

IN.com lets you discover the hottest news, music, videos and games, and you also get the coolest, shortest email address on the planet @IN.com.

By the way, my new email address is <arun_kr@in.com>. Please add this to your address book. If you add me as a friend, you can also send me personal messages on IN.com.

Thanks,
Arun K

Check out IN.com

2008-09-23T03:25:00.001-07:00

ஆனந்த விகடனில் கோ.சுகுமாரன் நேர்காணல்

2007-07-12T21:10:00.001-07:00

ஆனந்த விகடனில் கோ.சுகுமாரன் நேர்காணல்

ஆனந்த விகடன் இதழில் மக்கள் உரிமைக் கூட்டமைப்புச் செயலாளர்

கோ.சுகுமாரன் நேர்காணல் வெளிவந்துள்ளது.

நேர்காணல் கண்டவர்: டி.அருள் எழிலன்.

புகைப்படங்கள்: கே.ராஜசேகரன்.

குறிப்பு: தெளிவாக படிக்க படத்தைக் கிளிக் செய்யவும்.

இது அல்லவா பத்திரிக்கை தர்மம்?!-நீ-தீ

2007-06-04T01:19:00.001-07:00

இது அல்லவா பத்திரிக்கை தர்மம்?!

நீ-தீ

மே 30 ? 2007 ல் வெளிவந்த ஆனந்தவிகடனில் இதுஅல்லவா போர் தர்மம்! (பக்கம்-154) என்ற ஆசிரியரின் கட்டுரையை படிக்க நேர்ந்தது. அதில் குறிப்பிட்டுள்ள கடைசி வரிகள்தான் என்னை இந்த கட்டுரையை எழுத தூண்டியது.

அந்த கடைசி வரிகள்: ''போர் தர்மம் மீறப்படும் போதும் புலி ஆதரவுக் குரலை ஒலிக்கும் தலைவர்கள் முற்றிலுமாக நம் மண்ணையும் மனதையும் விட்டு அந்நியப்பட்டுபோவார்கள்.''

ஆக ஆனந்த விகடன் சொல்லவருவது நம் மண் என்று உன் வீட்டோடு வைத்துக்கொள் அடுத்த வீட்டின் துன்பங்களில் அக்கறை எடுக்காதே என்றா? போர் தர்மம் மீறப்படும்போது என்று இங்கே ஆசிரியர் யாரை குறிப்பிட வருகிறார்?

சரி இதவிடுங்க மே 23 -2007 ல் வெளிவந்த ஆனந்தவிகடன் அட்டைப்படத்தில் ? இப்போ நான் செக்கச் சிவப்பே ? ரஜினி பாலிஸ் ரகசியம்? என்று பம்மாத்து தலைப்புகளை கொடுத்து 10ரூபாய்க்கு ஆனந்தவிகடனை வாங்கத் தூண்டுகிறது. சரி அதிகம் வாங்குபவர்கள் யாரையா? நடுத்தரவர்க்க மக்கள் . வாங்கி வாங்கியே சில வருடங்களில் நடுத்தெருவுக்கு வருகிறார்கள். சரினு வாங்கி உள்ளப்பார்த்தா ரஜினி கெட்டபழக்கங்களை மாத்திட்டாராம்! இதுவாய்யா நாட்டுக்கு தேவை? சிவாஜி? படத்துக்கான அறிவிப்பூ வெளியான நாளிலிருந்தே தலைகீழ்மாற்றம் என்று ரஜினி பற்றி அக்கட்டுரை குறிப்பிடுகிறது. அறிவிப்பு வெளியான நாளிலிருந்தே தலைகீழ்மாற்றம் இது ரஜினிக்கு பொருந்துவதைவிட விகடனுக்கு நன்றாகவே பொருந்துகிறது. சிவாஜி படம் ஆரம்பித்ததிலிருந்து இன்று வரை ரஜினி பற்றி சொன்னசெய்திஅளவாவது ஈழத்தில் சாதரணமான தமிழ்மக்கள் படும் அவலநிலையை சொல்லியிருக்கிறீர்களா?

பிரேமானந்தாவின் ரகசியங்களை கண்டறிந்த விகடனுக்கு சங்கராசாரியாரின் ரகசியத்தை கண்டுபிடிப்பதில் என்ன சிக்கல் இருக்ககூடும்? தமிழனின் முகவரி என்று ஆனந்தவிகடனின் அட்டைப்படம் சொல்கிறது. சரி அது இருக்கட்டும் ஆனந்தவிகடனின் முகவரி எது?

போர்தளங்களுக்கே சென்று அங்கு நடக்கம் நிகழ்வுகளை வெளியிடுவதற்கென்றே சில பத்திரிக்கைகள் இருக்கின்றன. அவர்கள் எழுதட்டும் ?இது அல்ல போர் தர்மம் என்று? கோடம்பாக்கத்தைபற்றி எழுதினோமாஇ கோட்டையைப்பற்றி எழுதினோமா என்று அந்த அளவில் நி??..

எழுத்து: நீ ? தீ?

இது அல்லவா பத்திரிக்கை தர்மம்

மே 30 ? 2007 ல் வெளிவந்த ஆனந்தவிகடனில் இதுஅல்லவா போர் தர்மம்! (பக்கம்-154) என்ற ஆசிரியரின் கட்டுரையை படிக்க நேர்ந்தது. அதில் குறிப்பிட்டுள்ள கடைசி வரிகள்தான் என்னை இந்த கட்டுரையை எழுத தூண்டியது.

அந்த கடைசி வரிகள்
? போர் தர்மம் மீறப்படும் போதும் புலி ஆதரவுக் குரலை ஒலிக்கும் தலைவர்கள் முற்றிலுமாக நம் மண்ணையும் மனதையும் விட்டு அந்நியப்பட்டுபோவார்கள்.?

ஆக ஆனந்த விகடன் சொல்லவருவது
நம் மண் என்று உன் வீட்டோடு வைத்துக்கொள் அடுத்த வீட்டின் துன்பங்களில் அக்கறை எடுக்காதே என்றா?

போர் தர்மம் மீறப்படும்போது என்று இங்கே ஆசிரியர் யாரை குறிப்பிட வருகிறார்?

சரி இதவிடுங்க
மே 23 -2007 ல் வெளிவந்த ஆனந்தவிகடன் அட்டைப்படத்தில் ? இப்போ நான் செக்கச் சிவப்பே ? ரஜினி பாலிஸ் ரகசியம்? என்று பம்மாத்து தலைப்புகளை கொடுத்து 10ரூபாய்க்கு ஆனந்தவிகடனை வாங்கத் தூண்டுகிறது. சரி அதிகம் வாங்குபவர்கள் யாரையா? நடுத்தரவர்க்க மக்கள் . வாங்கி வாங்கியே சில வருடங்களில் நடுத்தெருவுக்கு வருகிறார்கள். சரினு வாங்கி உள்ளப்பார்த்தா ரஜினி கெட்டபழக்கங்களை மாத்திட்டாராம்! இதுவாய்யா நாட்டுக்கு தேவை?
?சிவாஜி? படத்துக்கான அறிவிப்பூ வெளியான நாளிலிருந்தே தலைகீழ்மாற்றம் என்று ரஜினி பற்றி அக்கட்டுரை குறிப்பிடுகிறது. அறிவிப்பு வெளியான நாளிலிருந்தே தலைகீழ்மாற்றம் இது ரஜினிக்கு பொருந்துவதைவிட விகடனுக்கு நன்றாகவே பொருந்துகிறது. சிவாஜி படம் ஆரம்பித்ததிலிருந்து இன்று வரை ரஜினி பற்றி சொன்னசெய்திஅளவாவது ஈழத்தில் சாதரணமான தமிழ்மக்கள் படும் அவலநிலையை சொல்லியிருக்கிறீர்களா?

பிரேமானந்தாவின் ரகசியங்களை கண்டறிந்த விகடனுக்கு சங்கராசாரியாரின் ரகசியத்தை கண்டுபிடிப்பதில் என்ன சிக்கல் இருக்ககூடும்?

தமிழனின் முகவரி என்று ஆனந்தவிகடனின் அட்டைப்படம் சொல்கிறது. சரி அது இருக்கட்டும் ஆனந்தவிகடனின் முகவரி எது?

போர்தளங்களுக்கே சென்று அங்கு நடக்கம் நிகழ்வுகளை வெளியிடுவதற்கென்றே சில பத்திரிக்கைகள் இருக்கின்றன. அவர்கள் எழுதட்டும் ?இது அல்ல போர் தர்மம் என்று?

கோடம்பாக்கத்தைபற்றி எழுதினோமாஇ கோட்டையைப்பற்றி எழுதினோமா என்று அந்த அளவில் நி??..

இராமர் பாலமும் மதவாத பூச்சாண்டியும்

2007-05-26T05:12:00.000-07:00

இராமர் பாலமும் மதவாத பூச்சாண்டியும்

(சில ஆதாரங்களுடன்)

க.அருணபாரதி

தமிழக மக்களின் நீண்ட காலக் கனவான சேது சமுத்திரக் கால்வாய் திட்டத்தை செயல்பட வைக்க பல ஆண்டுகள் தொடர்ந்து கோரிக்கைகள் வைக்கப்பட்டு ஒரு வழியாக தற்பொழுது தான் செயல்படுத்தப்பட்டு வருகிறது. தற்பொழுது அத்திட்டத்தை செயல்படுத்தினால் இராமர் பல லட்ச வருடங்களுக்கு முன்பு கட்டியதாக மதவாதிகளால் சொல்லும் இராமர் பாலம் இடிபடும் என்று கூறி மதவாத சக்திகள் பூச்சாண்டிகள் காட்டி வருகின்றன.

கடந்த 2002ம் ஆண்டு, இலங்கைக்கும் தமிழகத்திற்கும் நடுவே இயற்கையாகவே உருவான சில தொடர்ச்சியானதும் விட்டுவிட்டுமாய் இருக்கக்கூடிய மணல் திட்டுகளை அமெரிக்காவின் நாசா விண்வெளி நிலையம் புகைப்படமெடுத்து வெளியிட்டது. பழைமைவாத கருத்துக்களில் ஊறிய மத கும்பல்கள் 'அது நிச்சயம் இராமர் கட்டிய பாலம் தான்.. அதே தான்..' என புல்லரித்து கிளம்பின. வைஷ்ணவா நெட்வொர்க் மற்றும் இந்தோ லிங்க் ஆகிய இணையங்கள் தாம் முதன் முதலில் அதனை இராமர் பாலம் என நாசா ஒத்துக்கொண்டுவிட்டதாக கூறி பொய்களை அவிழ்த்துவிட்டது. (வைஷ்ணவ நெட்வொர்க் தளத்தின் செய்தி: http://www.vnn.org/world/WD0210/WD07-7592.html ).

தற்பொழுது சேது சமுத்திரதிட்டத்தை செயல்படுத்தப்படும் பொழுது இச்சர்ச்சை மீண்டும் எழுந்துள்ளது. சங்கராச்சாரியார்கள் நால்வர் பெங்களூரில் இராமர் பாலம் குறித்து விவாதித்தனர். இது குறித்த துவாரகா பீட சங்கராச்சாரியார் வரூபானந்த ஜி மகராஜ் கூறியுள்ள கருத்து `தினமணி'யில் வெளிவந்தது (சென்னை, 24.5.2007, பக்கம் 5) அச்செய்தி வருமாறு:

``இக்கூட்டத்தில் சேது சமுத்திரத் திட்டம் குறித்து விவாதிக்கப்பட்டது. ராமர் கட்டிய பாலத்தை காக்கக் கோரி மத்திய அரசிடம் மனு அளிக்க இக்கூட்டத்தில் தீர்மானிக்கப்பட்டது. இது தொடர்பாக பிரதமர் மன்மோகன்சிங்குக்கு ஏற்கெனவே தெரிவிக்கப்பட்டுள்ளது. அவர் இதுபற்றி விசாரிக்கும்படி டி.ஆர். பாலுவுக்கு அறிவுறுத்தியிருந்தார். ஆனால், இந்தப் பிரச்சினையைத் தீர்ப்பதில் பாலு அதிக ஆர்வம் காட்டவில்லை. மாறாக பாலத்தை இடித்து சேது கால்வாய் அமைக்கவே அவர் தீவிரம் காட்டி வருகிறார். இப்பிரச்சினையில் அரசியல் கலப்படமில்லை.

பாலத்தை இடிப்பது இந்துக்களின் மனதைப் புண்படுத்தும். அப்படியிருந்தும் பாலத்தை இடிக்க மத்திய அரசு முடிவு செய்தால், அதை எதிர்த்து, வீதியில் இறங்கிப் போராடவும் தயாராக உள்ளோம் என்று எச்சரிக்கை விடுக்க விரும்புகிறேன். இதுபோல் நான்கு சங்கர மடத்தின் சார்பிலும் நீதிமன்றத்தில் வழக்குத் தொடரவும் தீர்மானித்துள்ளோம்.

பாலத்தை இடிக்காமல், வேறு பாதையில் இத்திட்டத்தை செயல்படுத்த ஆட்சேபணை இல்லை. இது தொடர்பாக மத்திய அரசுப் பிரதிநிதிகளுடன் பேச்சுவார்த்தை நடத்தவும் தயாராக உள்ளோம்.

இந்தப் பாலத்தை அமெரிக்காவைச் சேர்ந்த நாசா விண்வெளி ஆராய்ச்சி நிலையம் புகைப்படம் எடுத்துள்ளது. ராமர் பாலம் 17.5 லட்சம் ஆண்டுகளுக்கு முன் கட்டப்பட்டது.

இது இயற்கையாக அமைந்த பாலம் அல்ல.

மனிதர்களால் கட்டப்பட்ட பாலமாகும்.

விஷ்ணு பகவானின் அவதாரமான ஸ்ரீராமரால் மட்டுமே இந்தப் பாலத்தைக் கட்டி முடிக்க முடிந்தது.

இந்திய செயற்கைக்கோள் எடுத்த புகைப்படங்களிலும் இந்தப் பாலம் இன்னும் வலுவுள்ளதாக இருப்பது தெரிய வந்துள்ளது.

கடலுக்கு அடியில் 6 அடி கீழே இது கட்டப்பட்டுள்ளது. அதிக குளிர்ச்சி நீரையும், அதிக வெப்ப நீரையும் தாங்கக் கூடியது இந்தப் பாலம்.

இந்தப் பாலத்தை இடித்தால் சுனாமி போன்ற இயற்கைப் பேரழிவுகள் ஏற்பட விசையைத் தூண்டிவிட்டதுபோல் ஆகிவிடும். இதனால் தமிழ்நாடு, கேரளம், மகாராஷ்டிரா மாநிலங்களுக்குப் பெரும் அழிவு ஏற்படும் என்று அவர் எச்சரிக்கை விடுத்தார். இந்தப் பாலத்தை இடிக்கும் நடவடிக்கை எடுப்பதன்மூலம் நாட்டுக்குத் தீங்கு ஏற்படுத்துகிறார் மத்திய அமைச்சர் பாலு.''
இவ்வாறு கூறியிருக்கிறார் துவாரகா பீடாதிபதி. (பார்க்க:

http://viduthalai.com/20070525/news04.htm)

மேலுள்ள காரணங்களுக்காகத் தான் சேது சமுத்திரத் திட்டத்தில் தொய்வு ஏற்பட்டுள்ளது. இது குறித்து விரிவாக ஆராய்வோம்.

ராமர் பாலம் 17.5 லட்சம் ஆண்டுகளுக்கு முன் கட்டப்பட்டது.

முதலில் அறிவியல் படித்தவர்களுக்கு, தெரிந்தவர்களுக்கு எத்தனை வருடங்களாக மனிதன் இருக்கிறான் என்பதற்கு விடை தெரிந்தால் இந்த கூற்று பொய்யென சுளீரென மண்டையில் உரைக்கும். அதையும் மறுத்து 17.5 லட்சம் ஆண்டுகளுக்கு முன்பு மனிதர்கள் இருந்தார்கள் என்று இன்னும் நம்புபவர்கள், இதற்கு எதையேனும் ஆதாரமாக காட்டினால் உலகத்திற்கே அது பெரும் பரிசாக அமையும். உலகமே அவர்களை பாராட்டும். எவரேனும் செய்வார்களா என தெரியவில்லை... வெறும் நம்பிக்கையை மட்டும் வைத்துக் கொண்டு ஒரு நல்ல திட்டத்தை எதிர்க்கும் மதவாதிகளுக்கு அறிவியல் தெரிந்திருந்தும் இவ்வாறு கற்பனைகளைக் கூறுவது மத உணர்வுகளை தூண்டி ஆதாயமடைவதுவே அன்றி வேறில்லை...

இது இயற்கையாக அமைந்த பாலம் அல்ல. மனிதர்களால் கட்டப்பட்ட பாலமாகும். விஷ்ணு பகவானின் அவதாரமான ஸ்ரீராமரால் மட்டுமே இந்தப் பாலத்தைக் கட்டி முடிக்க முடிந்தது.

இதற்கு நான் விளக்கமளிப்பதை விட அந்த புகைப்படத்தை எடுத்த நாசா விண்வெளி நிலைய அதிகாரி ஹெஸ் சொல்வதைக் கேட்போம்.

NASA said the mysterious bridge was nothing more than a 30 km long, naturally-occuring chain of sandbanks called Adam's bridge. Hess said his agency had been taking pictures of these shoals for years.

(ஆதாரம்: http://www.laputanlogic.com/articles/2002/11/03-83975630.html )

அவை வெறும் இயற்கையாகவே உருவான மணல்திட்டுகள் தாம் என நாசாவே சொன்ன பிறகும் அதை நம்பிக் கொண்டிருப்பது, "தான் பிடித்த முயலுக்கு மூணே கால்" என்று வாதிடும் சிறுபிள்ளைத்தன வாதமாகும். ஒருவேளை இதனையும் மறுப்போர் எனது முதல் கேள்விக்கான பதிலை பூர்த்தி செய்துவிட்டு இவற்றை திரும்ப படிக்கவும்.

There is no evidence of a human presence in the subcontinent, he says, before roughly 250,000 to 300,000 years ago. It is generally believed man's hominid ancestors did not leave their African home until about two million years ago

Communication experts say that false, suspect news finds much greater circulation than normal because of the internet.

அந்த தகவல் எப்படி வெளியானது எப்படி அதனை வைஷ்ணவ நெட்வொர்க் - இந்தோ லிங்க் போன்ற பார்ப்பன பாசிச சக்திகள் வேண்டுமென்றே தவறான நோக்கத்தில் வெளியிட்டனர் என்பது குறித்தும் அந்த பக்கத்தில் குறிப்பிடப்பட்டுள்ளது. அந்த செய்தி பணம் சம்பாதிக்க உதவியது என்பதையும் மேலே குறிப்பிடப்பட்டுள்ளதை கவனிக்க. அந்த புகைப்படத்தை எடுத்த நாசாவே அதனை இயற்கையாகவே உருவான பாலம் என்று சொல்கிறது. ஆனால், அதனை நம்ப மறுத்து அதனை சாட்சாத் " விஷ்ணு பகவானின் அவதாரமான ஸ்ரீராமரால் மட்டுமே இந்தப் பாலத்தைக் கட்டி முடிக்க முடிந்தது" என்று சிலர் சொல்லும் பொழுது, நாசாவில் உள்ளவர்களின் கருத்துக்களை விட அறிவியல் தெரிந்த ''அதிமேதாவிகள்'' இந்தியாவில் உள்ளதை காண முடிகிறது.

"ஒழுங்கா சாமியை கும்பிடு.. இல்லைனா சாமி கண்ணை குத்திடும்" என்று சிறுபிள்ளைகளை மிரட்டும் பூச்சாண்டி வகை சார்ந்த இந்த வாதத்தை எந்த வகையில், எந்த அடிப்படையில் அவர் குறிப்பிட்டார் என்பது அவருக்கே வெளிச்சம். கடலோரம் வசிக்கும் பாமர மக்கள் பயங்கொள்ளும் வகையில் இக்கருத்தை தெரிவித்து அதன் மூலம் மக்கள் மனதில் மத உணர்வுகளை தூண்டிவிட்டு, பாபர் மசூதி, குஜராத் போல மதவெறிக் கலவரத்தை நடத்த திட்டமிடும் இந்து மத வெறியர்களை என்ன சொல்லி திருத்துவது?

மேலும் இது குறித்த இந்திய விண்வெளி ஆராய்ச்சி நிலையத்தின் புகைப்படத்தை கீழே காண்க.

அதில் தொடர்ச்சியாகவா மணல் திட்டுகள் உள்ளன? என்று தங்கள் கண்களை உற்று நோக்கிக் கண்டு தெளிவு பெறுக.

http://www.isro.org/pressrelease/ph2.jpg

கடந்த சில வருடங்களுக்கு முன்பு வெளிவந் ஜெயலலிதாவின் அறிக்கை இது.

Jaya ridicules MDMK leader's claim on Sethusamudram projectChennai, Sep 8 (UNI) Dismissing as ''pathetic, comical and absurd''

Minister J Jayalalithaa today asserted that if anyone could claim credit for bringing the project to fruition it was only her and no one else

ஆதாரம்: http://www.my-tamil.com/n/a/2004/9.shtml

இத்திட்டத்தை கொண்டு வந்தது "நான் தான்! நான் தான்! நானே தான்" என்று மார்தட்டி அறிக்கை விட்டு வைகோ, டி.ஆர் பாலு என அனைவரிடமும் சண்டை போட்ட ஜெயலலிதாவின் இன்றைய காலகட்ட அறிக்கை இதோ உங்கள் பார்வைக்கு...

ஜெயலலிதா அறிக்கை

பார்க்க: http://www.tamilnadutalk.com/portal/index.php?showtopic=6608

அவரது அறிக்கையிலிருந்து....

ராமர் பாலம் 17 லட்சத்து 50 ஆயிரம் ஆண்டுகள் பழமையானது என்றும் நாசா கூறி உள்ளது. நாம் இந்த பாலத்தை ராமர்பாலம் என்று அழைக்கின்றோம். ஆங்கிலேயர்கள் இதை ஆடம்ஸ் பிரிட்ஜ் என்று அழைக்கின்றார்கள். ஆக இதன் உண்மையை நாசாவே துல்லியமான புகைப்படங்கள் மூலம் உறுதி செய்திருக்கிறது.

இந்த எந்த அளவிற்கு பொய் என்பதனை மேலேயே விரிவாக் கண்டு விட்டோம்..

இது போன்ற பொய்களையும் புரட்டுகளையும் அறிக்கையாக வெளியிடும் ஜெயலலிதாவிற்கு அன்று சேது சமுத்திரத் திட்டத்தை கொண்டு வந்தது நான் தான் என்று சொல்லும் பொழுது ''ராமர் பாலம்" கண்ணுக்கு தெரியவில்லையா? அல்லது சேது சமுத்திரத் திட்டம் பற்றி எதுவுமே தெரியாத தமிழக முதல்வராக அவர் இருந்துள்ளாரா? என்பவற்றுக்கான பதிலை தங்களிடமே விட்டுவிடுகிறோம்...

'ஆரிய மாயை' எழுதி ஆரியர்களைப் பற்றி புட்டுபுட்டு வைத்த அறிஞர் அண்ணாவின் பெயரால் கட்சி நடத்தும் அம்மையார், அண்ணா வழியில் தான் நடந்ததாக உதாரணம் சொல்ல ஒரு நிகழ்வு கூட காட்டமுடியாது என்பது அவருக்கே தெரியும். தான் ஒரு பாப்பாத்தி தான் என்று ஆரியத் திமிரோடு தனது சாதியை சட்டப்பேரவையிலேயே பேசிய இந்த திராவிடக் கட்சித் தலைவர், இராமர் பெயரால் இத்திட்டத்தை தடுப்பது ஒன்றும் வியப்பில்லை. பா.ச.க, விஷ்வ ஹிந்து பரிசித், சிவசேனை, சங்பர்வார் போன்ற மதவாத பாசிச கும்பல்களுடன் தானும் உண்டு என்பதை இது போன்ற நிகழ்வுகளின் மூலம் ஜெயலலிதா அடிக்கடி நினைவுபடுத்துகிறார்.

பெரியாரின் சமூகநீதி பகுத்தறிவு சிந்தனையால் சிவந்த நம் தமிழ் மண்ணில் மதவாத கும்பல்களின் ஒப்பாரியை அடக்கி வைக்க வேண்டியது நம் கடமையாகும்.

மேலும் சில செய்திகள்:

http://www.thinnai.com/?module=displaystory&story_id=20210132&format=print

http://www.hindu.com/2007/03/17/stories/2007031713280200.htm

-
-----------------------------------------------------------
"பாதையை தேடாதே.. உருவாக்கு"
- புரட்சியாளர் லெனின் -
-----------------------------------------------------------
தோழமையுடன்
க.அருணபாரதி
www.arunabharathi.blogspot.com
-----------------------------------------------------------

இறைவனை விடவும் உயர்வானவள் பெண் - நீ “தீ”

2007-05-15T20:55:00.001-07:00

இறைவனை விடவும் உயர்வானவள் பெண்!

நீ "தீ"

உறுப்புச்சுதந்திரம் என்று இன்று பெண்ணியவாதிக் கவிஞர்கள் (கவிதாயினிகள்) எழுதிக் கொண்டிருக்கிறார்கள். அதில் எனக்கு எந்த வெறுப்பும் கிடையாது. ஆண்டாண்டு காலமாக பல்வேறு தளங்களில் அடிமைப்பட்ட அடிமைபட்பட்டுக் கொண்டிருக்கும் பெண்கள் தங்களின் உணர்வுகளையும் உணர்ச்சிகளையும் கவிதையாக புனைவதில் எனக்கு எந்த குற்றமும் இருப்பதாக தெரியவில்லை. ( வலி என்பது உடல் சார்ந்ததா அல்லது மனம் சார்ந்ததா எனும் கேள்விக்குறி எழுகிறது) அதே நேரத்தில் பெண்ணிய கவிஞர்கள் பெண்களை பற்றி ஆண்கள் எழுதிய பல நல்ல கவிதைகளை முன் மொழிந்துள்ளனரா? நான் சொல்ல வருவது மானே! தேனே! நிலவே! எனும் அலங்கார வரிகளையல்ல.

கவிஞர் கோ.கண்ணனின் பெண் எனும் கவிதையை படிக்க நேர்ந்தது. இந்த கவிதை மூலம் பெண்களை உயர்வான நிலைக்கு எடுத்துச்சென்றுள்ளார்.

கவிஞரோ பெண்னை இறைவனை விடவும் உயர்நிலை என்று வர்ணிக்கிறார். கவிஞருக்கு உயிர்களை இறைவன் படைத்ததாக நம்பிக்கையில்லை

எந்த இறைவனும்
தன்னுள்
இன்னுமொரு
உயிர் சுமந்ததாய்
சான்றுகளில்லை என்று

நம்மை சிந்திக்கச் செய்கிறார்.

எல்லா சாமிகளும் கருவறைக்குள் அடைந்திருக்கும்போது
கருவறையே உனக்குள் அடைந்திருக்கிறது என்கிறார்

பெண்ணியவாத கவிஞர்களுக்காக இதோ கவிஞர் கோ.கண்ணன் அவர்கள் எழுதிய கவிதை

பெண்

உளி வேண்டாம்.

ஒரு
துளி மட்டும்
என்னிடம்
தந்தால் போதும்

உயிர்ச் சிலை
செய்து தரும்
அதிசய சிற்பி நீ!

என்னிடம்
இறைவனைவிடவும்
உயர்நிலை
உனக்குத்தான்

உலகையும்
உயிர்களையும்
இறைவன் படைத்ததாய் - ஒரு
நம்பிக்கை

எந்த இறைவனும்
தன்னுள்
இன்னுமொரு
உயிர் சுமந்ததாய்
சான்றுகளில்லை

எல்லா சாமிகளும்
கருவறைக்குள்
அடைந்திருக்கும் போது,

கருவறையே
உனக்குள்
அடைந்திருக்கிறது.

இப்போதாவது
ஒப்புக்கொள்
நீ
இறைவனைவிடவும்
உயர்நிலையானவள்!

கவிஞர் இறைவனைவிடவும் உயர்நிலை உனக்குத்தான் என்கிறார். பெரும்பாலனவர்கள் (என்னையும் சேர்த்துக்கங்க) தாயைத்தான் இறைவனை விட உயர்வானவள் என்பார்கள் - இங்கு தாய் என்பது பெண் என்றாலும் பொதுவாக ஒட்டுமொத்த பெண்களை குறிக்காமல் அவரவரின் தாயை மட்டுமே குறிக்கும்) ஆனால் கவிஞரோ ஒட்டுமொத்த பெண்களையுமே உயர்நிலைப் படுத்தியிருப்பதாக எனக்கு தோன்றுகிறது

இன்று பெண்ணியவாத கவிஞர்கள் மறுப்புக் கொள்கை உடையவர்களாகவே எனக்கு காட்சிதருகின்றனர். காரணம் சமிபகாலமாக ஆண்கவிஞர்கள் பெண் சார்ந்த கவிதையோ கட்டுரையோ எழுதும்போது மறுப்பு ஆட்சேபம் தெரிவிக்கின்றனர். (நிலவென்றால் நாங்கள் நிலா அல்ல சூரியன் என்கிறார்கள்; - நிலவும் நீங்கள் தான் சூரியனும் நீங்கள்தான் புரிந்துகொள்ளுங்கள்) கவிஞர் கோ.கண்ணனின் இந்த கவிதைக்கு மறுப்பு ஏதுமிருக்காது என்பது என் எண்ணம்.

படைப்பின் சாராம்சமே பெண்மையே இங்கு உங்களால்தான் எல்லாமுமாய் பொருத்திப்பார்க்க முடியும். அன்னை தெரசாவின் வழிவந்தவர்கள் உங்களுக்குள்ளே ஒரு வட்டம் போட்டுக்கொண்டு எழுதாமல் வட்டத்தை விட்டு வெளியே வாருங்கள் (வலி என்று சொல்லி வழிதவறி போய்விடாமல்) உங்களின் வலியை எப்படி உங்களால் எழுதமுடியுமோ அதுபோல உங்களின் பெண்மை புனிதத்தையும் சிறப்பாக எழுதுங்கள். நல்ல எழுத்துகளை கிடைக்கும் சந்தர்பங்களில் வெளிப்படுத்துங்கள்.

உயிர்தப்பி வந்த மீனவர்கள் 'கடல்புலி'களான கதை

2007-05-06T21:56:00.001-07:00

உயிர்தப்பி வந்த மீனவர்கள் 'கடல்புலி'களான கதை:

அம்பலப்படுத்துகிறார் தமிழக ச.ம.உ. ரவிக்குமார்
ஞாயிற்றுக்கிழமை 6 மே 2007 20:47 ஈழம் புதினம் நிருபர்

தமிழக மீனவர்கள் படுகொலை விவகாரத்தில் உள்ள முரண்பாடுகளை விடுதலைச் சிறுத்தைகள் கட்சியின் சட்டப்பேரவை உறுப்பினர் ரவிக்குமார் அம்பலப்படுத்தியுள்ளார்.

தமிழகத்திலிருந்து வெளிவரும் ஜூனியர் விகடன் இதழில் அவர் தெரிவித்துள்ளதாவது:

ஈழப்பிரச்னை தமிழக அரசியலில் மீண்டும் முக்கியத்துவம் பெறத் தொடங்கியுள்ளது. புலிகளின் விமானப்படை சாகசங்கள் தமிழக மக்களிடம் ஏற்படுத்தியிருந்த உற்சாகம்இ தமிழக மீனவர்கள் ஐந்து பேரைப் புலிகள்தான் கொன்றார்கள் என்ற தமிழக அரசின் அறிவிப்பால் தடுமாற்றத்துக்கு உள்ளாகியிருக்கிறது. தற்போது புலிகள் தரப்பு அதை மறுத்திருக்கிறது.

இப்படிப்பட்ட குற்றச்சாட்டுகளை வைத்து இந்திய அரசுடன் கூட்டுக் கடல் ரோந்து நடவடிக்கையை தொடங்குவதற்கும்இ அதன் மூலம் தமிழ் மக்களின் விடுதலைப் போராட்டத்தை நசுக்கவும் சிறிலங்கா அரசு கனவு காண்கிறது எனப் புலிகள் தமது அறிக்கையில் தெரிவித்திருக்கிறார்கள்.

புலிகளின் விமானப் படை குறித்த சுவாரஸ்யமான சில தகவல்கள் சௌத் ஆசியா அனலிசிஸ் குரூப் நடத்தும் இணையதளத்தில் சில நாட்களுக்கு முன் வெளியிடப்பட்டுள்ளது. ப்ரசுன்.கே.சென்குப்தா என்ற இராணுவ ஆய்வாளர்இ

புலிகளின் விமானங்கள் தென் ஆப்ரிக்காவிலிருந்து வாங்கப்பட்டிருக்கலாம். அவை 'ஸ்லின் இஸட் 242 எல்' (ணுடin ணு 242 டு) என்ற ரகத்தைச் சேர்ந்தவை. செக்கோஸ்லேவேகியாவில் உள்ள தனியார் நிறுவனத்தின் தயாரிப்புகளான அவற்றை பிரித்து எடுத்துச் சென்று 'அசெம்பிள்' செய்ய முடியும். டீசலில் இயங்கக்கூடிய இலகுரக விமானங்களான அவற்றை தற்போது சிங்கள ராணுவம் வைத்துள்ள ராடார்களால் கண்டறிவது சிரமம். இஸ்ரேலில் தயாரிக்கப்படும் ராடார்களே அவற்றைக் கண்டறிய பயன்படும். இது மட்டுமின்றிஇ தற்போது சிங்களப் படையில் உள்ள விமானங்கள் குண்டு வீசுவதற்கு ஏற்றவையே தவிர வான்வெளியில் பறக்கும் விமானத்தை இடைமறித்துத் தாக்குவதற்கு ஏற்றவையல்ல... என்றெல்லாம் குறிப்பிட்டிருக்கிறார்.

சிங்கள இராணுவத்தில் கிஃபிர் மற்றும் மிக் 27 வகை விமானங்கள் பயன்படுத்தப்படுகின்றன. இவற்றில் மிக் ரக விமானங்களில் வானில் பறக்கும் இலக்குகளைக் கண்டறியும் ராடார் வசதி இல்லை. கிஃபிர் விமானங்களில் இந்த வசதி இருந்தபோதிலும் இரவில் அதைப் பயன்படுத்தும் திறன் சிங்களப் படையிடம் இல்லை என்று கூறும் சென்குப்தாஇ புலிகளின் விமானங்களை இயக்கும் வீரர்கள் இரவில் தமது இலக்குகளைத் துல்லியமாகத் தாக்கும் அபாரமான திறன் கொண்டிருப்பதையும் சுட்டிக்காட்டுகிறார். இதனிடையே விமானங்களைத் தாக்கும் தானியங்கி பீரங்கிகள் புலிகளிடம் இருப்பதும் இப்போது தெரியவந்துள்ளது.

ஒரு விமானம் அவர்களால் சுட்டு வீழ்த்தப்பட்டிருப்பதாகத் தகவல்கள் தெரிவிக்கின்றன.

இந்த நிலையில் புலிகளை சமாளிக்க எப்படியாவது இந்தியாவை தனக்குச் சார்பாக இந்த யுத்தத் தில் ஈடுபடுத்தவேண்டும் என்ற நிலைக்கு சிங்கள அரசு தள்ளப்பட்டுள்ளது.

தமிழக மீனவர்கள் மீதான துப்பாக்கி சூடு குறித்து தற்போது வரும் செய்திகளை இந்தப் பின்னணியில் வைத்தே புரிந்துகொள்ள வேண்டும்.

இதுவரை சிங்கள இராணுவத்தினர்தான் தமிழக மீனவர்களைக் கொன்றார்கள் என நம்பப்பட்டது.

கடந்த மார்ச் மாதம் தி.மு.க. சார்பில் சென்னையில் நடத்தப்பட்ட மாபெரும் பேரணியின் இறுதியில்இ இலங்கை டெபுடி ஹை கமிஷனர் அம்சாவிடம் மனு ஒன்று அளிக்கப்பட்டது.

தமிழக முதல்வர்இ பிரதமருக்கு இரண்டு கடிதங்களை எழுதினார்.

பல்வேறு அரசியல் கட்சிகளும் மீனவர்கள் மீதான துப்பாக்கிச் சூட்டைக் கண்டித்துக் களமிறங்கின.

இலங்கை அரசுக்கு எதிராகத் தமிழகத்தில் அதிகரித்து வந்த எதிர்ப்பு உணர்வு ஈழத்தமிழருக்கான ஆதரவாக மாறிவருவதை உணர்ந்து கொண்ட சிங்கள அரசு இதை எப்படியாவது திசை திருப்ப வேண்டும் எனத் திட்டமிட்டது. தம்மிடம் மனு அளித்த தி.மு.க. தலைவர்களிடம் இலங்கைஇ இந்தியப் படைகள் கூட்டாக ரோந்து போகலாம் என்ற யோசனையை இலங்கை டெபுடி ஹை கமிஷனர் அம்சா தெரிவித்தார்.

ஆனால்இ முதல்வர் இந்தத் திட்டத்தை நிராகரித்துவிட்டார். தமிழக மீனவர்களை சிங்கள கடற்படையினர் சுட்டுக்கொல்வது நிறுத்தப்படாவிட்டால் இந்த பிரச்னையை சர்வதேச அரங்குகளில் எழுப்பப்போவதாக தி.மு.க. குறிப்பிட்டிருந்தது.

இது சிங்கள அரசுக்கு அச்சத்தை ஏற்படுத்தி இருக்க வேண்டும். அதற்குப் பிறகுதான் காட்சிகள் மாற்றப்பட்டு வேறு கதைகள் சொல்லப்படுகின்றன.

தமிழக மீனவர்களைப் புலிகள்தான் கொன்றார்கள் என்று தற்போது தெரியவந்துள்ளதாக தமிழக முதல்வர் சட்டப்பேரவையில் கூறுவதற்கு பதினோரு நாட்களுக்கு முன்பாகவே இலங்கை அரசு இதேவிதமாக அறிக்கையொன்றை வெளிவிட்டது.

17.4.2007 அன்று இலங்கைத் தூதரகம் வெளியிட்ட அறிக்கையில்இ மார்ச் 29ஆம் தேதி தமிழக மீனவர்கள் ஐந்து பேரைக் கொன்றது புலிகள்தான் எனக் குற்றம் சாட்டியிருந்தது.

இந்தியக் கடற்படையிடம் பிடிபட்ட ஈழத்தமிழர்கள் ஆறுபேர் அளித்துள்ள ஒப்புதல் வாக்குமூலத்தில் இதைத் தெரிவித்திருப்பதாகவும்இ அவர்கள் புலிகளின் கட்டுப்பாட்டில் உள்ள பகுதியைச் சேர்ந்தவர்கள் என க்யூ பிரிவு போலீசார் கூறியதாகவும் அந்த அறிக்கையில் குறிப்பிடப்பட்டிருந்தது.

தமிழக அரசு ஒரு செய்தியை வெளியிடுவதற்குப் பதினோரு நாட்களுக்கு முன்பே அந்தச் செய்தி இலங்கை அரசுக்குத் தெரிந்து அவர்களின் அறிக்கையில் வெளியாகியிருப்பது வியப்பளிக்கிறது.

தற்போது தெரியவந்துள்ள "உண்மை" முன்பே இலங்கை அரசிடம் கூறப்பட்டதா?

அல்லது

சிங்கள அரசு என்ன சொல்லியதோ அதுவே இப்போது நமது அரசுகளாலும் சொல்லப்படுகிறதா?

புலிகளின் விமானப்படைத் தாக்குதலால் நிலைகுலைந்து சோர்வடைந்துள்ள சிங்கள அரசுக்கு உதவிக்கரம் நீட்டுகிற முயற்சியின் ஒரு வெளிப்பாடா இது?

இப்படி பல சந்தேகக் கேள்விகள் நமக்கு எழுவதற்கு இரண்டு முக்கியமான காரணங்கள் உள்ளன.

மார்ச் 29 ஆம் தேதி துப்பாக்கி சூட்டில் தப்பித்து வந்த இரண்டு மீனவர்கள் தெரிவித்துள்ள செய்தி முக்கியமானதாகும்.

ஏப்ரல் 11 ஆம் தேதி ஆறு இந்திய மீனவர்களையும்இ ஆறு ஈழத்தமிழர்களையும் நமது கடற்படை கைது செய்தது.

இரண்டு வள்ளங்களில் மீன்பிடித்துக் கொண்டிருந்த தமிழக மீனவர்களிடம் உதவிகேட்டு ஒரு படகிலிருந்த இலங்கைத் தமிழர்கள் கூக்குரலிட்டதாகவும்இ உயிருக்குப் போராடும் தங்களைக் காப்பாற்றி போலீஸிடம் ஒப்படையுங்கள் என அவர்கள் கோரியதாகவும் தமிழக மீனவர்கள் கூறியுள்ளனர்.

அவர்கள் மீது இரக்கப்பட்டு அவர்களை தமிழக மீனவர்கள் தமது வள்ளங்களில் ஏற்றிக் கொண்டிருக்கிறார்கள். அப்போது அந்தப் பக்கமாக வந்த கடற்படையினரிடம் இந்த விவரங்களைத் தமிழக மீனவர்கள் கூறியுள்ளனர். அதன்பிறகே கடற்படை அவர்களைப் பிடித்துள்ளது. பின்னர் கரைக்கு வந்ததும்இ மார்ச் 29 ஆம் தேதி துப்பாக்கி சூட்டில் தப்பிய இரண்டு மீனவர்களை அழைத்து வந்து இலங்கைத் தமிழர்களைக் காட்டி முன்பு துப்பாக்கி சூடு நடத்தியது இவர்களா என்று கேட்டுள்ளனர்.

இவர்கள் இல்லை என அந்தத் தமிழக மீனவர்கள் திட்டவட்டமாகக் கூறியிருக்கிறார்கள். அதன் பிறகு அந்த ஆறு பேரும் பாஸ்போர்ட் சட்டத்தின் கீழ் கைது செய்யப்பட்டு சிறையில் அடைக்கப்பட்டனர். அவர்களோடு பறிமுதல் செய்யப்பட்ட மரியா என்ற படகிலோ அவர்களிடத்திலோ ஆயுதங்கள் எதுவும் கைப்பற்றப்படவில்லை என்பது குறிப்பிடத்தக்கதாகும்.

13.4.2007 இல் தினசரிகளில் வெளியான செய்திகளிலும் இது உறுதி செய்யப்பட்டிருந்தது. அதற்கு நான்கு நாள் கழித்துத்தான் இலங்கைத் தூதரக அறிக்கை வெளிவந்துள்ளது.

அதன்பிறகே வேறு கதை இப்போது சொல்லப்படுகிறது.

இலங்கை அரசு இப்போது புதிய தந்திரம் ஒன்றைக் கையாண்டு வருகிறது. போர் நிறுத்த ஒப்பந்தம் இதுவரை வெளிப்படையாக ரத்து செய்யப்படாத நிலையில் இராணுவத்தைக் கொண்டு நேரடியாகத் தமிழர்களைத் தாக்கினால் சர்வதேச நாடுகளின் கண்டனத்தை சந்திக்க வேண்டியிருக்கும் என்பதால் சிங்கள இளைஞர்களுக்கு இராணுவப் பயிற்சியளித்து சிவில் இராணுவமாக அவர்களைப் பயன்படுத்துகிறது.

தமிழ்ப் பகுதிகளில் இவர்களே பெரும்பாலான கொலைகளைச் செய்கிறார்கள் எனத் தமிழ்மக்கள் கூறுகின்றனர். இந்தியக் கடற்பகுதியில் மீன்பிடிக்கும் தங்களை புரியாத பாஷை பேசும் இதுபோன்ற இளைஞர்கள் அடிக்கடி வழி மறித்துத்தாக்குவது மட்டுமல்லாமல் சித்திரவதையும் செய்வதாகத் தமிழக மீனவர்கள் கூறுகின்றனர்.

தற்போது பிடிபட்டுள்ள இலங்கைத் தமிழர்கள் அப்படிப்பட்டவர்களில்லை என்பதோடு அவர்கள் வலைகளைச் சுருட்ட தமக்கு உதவியதை வைத்து அவர்களும் மீனவர்கள்தான் என உறுதியாகக் கூறலாம் என்றும் தமிழக மீனவர்கள் தெரிவித்துள்ளனர்.

இவற்றையெல்லாம் தொகுத்துப் பார்த்தால் தமிழக மீனவர்களைச் சுட்டுக்கொன்றது புலிகள்தான் என்கிற குற்றச்சாட்டு பற்றி குழப்பம்தான் அதிகரிக்கிறது.

சிங்கள அரசாங்கம் சிக்கலில் இருக்கும்போது அதற்கு ஓடிச்சென்று உதவுவது இந்திய அரசின் சுபாவம். தற்போது சொல்லப்படும் கதையைப்பற்றி நமக்கு ஐயம் ஏற்படுவதற்கு இதுவும் ஒரு காரணமாகும்.

இதைப்புரிந்து கொள்ள கச்சத்தீவு தாரை வார்த்துத் தரப்பட்ட பின்னணியை நாம் தெரிந்து கொள்ள வேண்டும்.

1971ஆம் ஆண்டு இலங்கையில் ஜனதா விமுக்தி பெரமுனா (ஜே.வி.பி.) இயக்கம் மிகப்பெரும் கலகத்தில் ஈடுபட்டது.

ஆயிரக்கணக்கான சிங்கள இளைஞர்களைக் கொன்று அந்தக் கலகத்தை இலங்கை அரசு ஒடுக்கியது. அதன்பிறகு அங்கு மிகப்பெரும் பொருளாதார நெருக்கடி ஏற்பட்டது. சர்வதேச அளவில் பெயர் கெட்டிருந்த இலங்கை அரசின் இமேஜை உயர்த்தி அதற்கு தைரியத்தைத் தரும் நோக்கத்தோடுதான் கச்சத்தீவை விட்டுக்கொடுக்கும் முடிவை இந்தியா எடுத்தது என ஆய்வாளர்கள் குறிப்பிடுகின்றனர்.

இதன்மூலம் இலங்கையில் ஜே.வி.பி. பரப்பிய இந்திய எதிர்ப்பு உணர்வை மட்டுப்படுத்தலாம் என்பது இந்திய அரசின் திட்டமாக இருந்தது எனவும் அவர்கள் சுட்டிக்காட்டுகின்றனர்.

கச்சத்தீவை தாரை வார்ப்பது தொடர்பாக இரண்டு ஒப்பந்தங்கள் போடப்பட்டன.

1974 ஆம் ஆண்டு போடப் பட்ட முதல் ஒப்பந்தத்தின் பின்னணியில் வேறொரு அரசியலும் இருந்தது.

1974இ மே மாதம் இந்தியா அணுகுண்டை வெடித்தது. இதனால் பல சர்வதேச நாடுகள் இந்தியாவைக் கண்டித்தன. ஐ.நா.சபையில் இருந்த பதினைந்து உறுப்பினர்களைக் கொண்ட தற்காலிக கமிட்டி மூலமாக இந்தியாவைக் கண்டித்துத் தீர்மானம் போட பாகிஸ்தான் முயற்சித்தது. அப்போது அந்தக் கமிட்டியின் தலைமைப் பொறுப்பிலிருந்த இலங்கையின் ஆதரவோடு அந்த முயற்சியை இந்தியா முறியடித்தது.

இந்த நிலையில் கச்சத்தீவை இலங்கை அரசு கேட்டதும் இந்திய அரசாங்கம் தமிழக மீனவர்களின் நலன்களைக் கருத்தில் கொள்ளாமல் அதற்கு சம்மதித்து விட்டது.

கச்சத்தீவு குறித்த இரண்டாவது ஒப்பந்தம் தமிழகத்தில் இருந்த தி.மு.க. அரசு கலைக்கப்பட்டு இந்தியாவில் அவசர நிலை அமலில் இருந்த காலத்தில் போடப்பட்டதாகும். அப்போது இந்திய-இலங்கை அதிகாரிகள் பரிமாறிக் கொண்ட கடிதங்களும்கூட அந்த ஒப்பந்தத்தின் அங்கமாகக் கருதப்பட்டது.

1974 ஆம் ஆண்டு போட்ட ஒப்பந்தத்தில் தமிழக மீனவர்களுக்கு ஆறுதலாக இருந்த அம்சங்களும்கூட 1976 ஆம் ஆண்டில் பரிமாறிக்கொள்ளப்பட்ட கடிதங்களால் செல்லாமல் ஆகிவிட்டதாக இலங்கை அரசு கூறிவருகிறது.

அதை இந்திய அரசும் கேட்டுக்கொண்டு சும்மா இருக்கிறது.

2002 ஆம் ஆண்டில் ராஜ்யசபாவில் இதுபற்றிப் பேசிய அ.தி.மு.க. உறுப்பினர் பி.ஜி.நாராயணன்

"கச்சத் தீவு இராமநாதபுரம் சமஸ்தானத்துக்கு சொந்தமாக இருந்தது பற்றி வரலாற்று ஆதாரங்கள் உள்ளன"என்று குறிப்பிட்டிருந்தார்.

அந்த ஆதாரங்களைக் காட்டி கச்சத்தீவை மீட்பதற்கு நமது அரசாங்கங்கள் முன்வரவேண்டும். இப்போது சொல்லப்படும் செய்திகள் ஈழப்பிரச்னையைக் குழப்புவதற்குப் பயன்படலாமே தவிர தமிழக மீனவர்களை இது பாதுகாக்காது.

கச்சத்தீவை மீட்பது ஒன்றே இதற்குத் தீர்வு. இதை முன்வைத்து தமிழக மக்களிடம் கருத்தறியும் வாக்கெடுப்பு நடத்தப்பட வேண்டும் என்று ரவிக்குமார் அதில் கூறியுள்ளார்.

நன்றி : புதினம்

‘தண்ணியெல்லாம் தர முடியாது என் ஒண்ணுக்க குடிடா’

2007-05-02T21:26:00.001-07:00

'தண்ணியெல்லாம் தர முடியாது என் ஒண்ணுக்க குடிடா'
சமூக நீதியின் தலைநகரமாம் தமிழகத்தில் போலிசின் பயங்கரம்

யாழன் ஆதி
எடையாளம் கிராமத்திலிருந்து

மனித சமூகத்தின் மீது திணிக்கப்படும் வன்முறைகளில் மிகவும் மோசமானது அரச வன்முறை. நாகரீகம் முளைக்காத காலத்திலிருந்தே அது வரலாற்றின் 'வெள்ளைப் (ஆதிக்க) பக்கங்களாக'த்தான் இருக்கிறது. உள்ளூர் நீதிமன்றத்திலிருந்து உச்ச நீதிமன்றம் வரை எத்தனையோ அறிவுறுத்தல்கள், ஆணைகள் வந்திருப்பினும், அரசின் கால்களாக செயல்படும் காவல் துறையின் வெறியாட்டம் கட்டுக்கடங்காத ஆழிப்பேரலைகளைப் போல உயர்ந்து, எளிய மக்களைச் சுட்டெரிக்கிறது. அப்சல் குருவின் உயிர்நிலையில் மின்சாரத்தைப் பாய்ச்சிய அதே கொடூரத்தின் இன்னொரு கைதான், எடையாளம் கிராமத்தின் ஒண்டுக்குடிசையில் வாழும் ஒரு தலித் இளைஞனின் தாகத்திற்கு 'சிறுநீரை' குடிக்க வைக்க, ஆண்குறியை வாயில் வைத்திருக்கிறது.

காஞ்சிபுரம் மாவட்டம் அச்சரப்பாக்கத்தைக் கடந்து ஆறாவது கிலோ மீட்டர் தூரத்தில் இருக்கும் சுங்கச்சாவடிக்கு முன்பு வலப்பக்கமாகத் திரும்பியவுடன் தொடங்குகிறது எடையாளம் கிராமம். உழைக்கும் மக்கள் நிறைந்த சேரிப்பகுதி. கிராமத்தின் நுழை வாயிலில், விடுதலைச் சிறுத்தைகளின் கொடி கம்பீரமாகப் பறக்கிறது. இக்கிராமத்தில் உள்ள பெரும்பான்மையான ஆண்கள், சென்னையிலுள்ள கோயம்பேடு காய்கறி அங்காடியில் வேலை செய்பவர்கள். எனவே, ஊருக்குள் பெண்கள்தான் இருப்பார்கள். ஆண்கள் விடுமுறைக் காலங்களிலும், பண்டிகை நாட்களிலும் வீடுகளுக்கு வருவார்கள். தேசிய நெடுஞ்சாலையிலுள்ள சுங்கச்சாவடியில் வேலைபார்க்கும் ஆந்திராவைச் சேர்ந்த சில ஆண்கள், எடையாளம் சேரியிலுள்ள அ.தி.மு.க. முன்னாள் ஊராட்சி மன்ற உறுப்பினர் மணி என்பவரின் வீட்டில் தங்கியுள்ளனர். இவர்கள் அங்குள்ள பெண்களை சீண்டியும், தெலுங்கில் அவர்களைப் பற்றி அசிங்கமாகப் பேசியும் வந்துள்ளனர். எடையாளம் கிராம இளைஞர்கள் இத்தகையோரை எச்சரித்துள்ளனர்.

ஆனால், 3.3.2007 அன்று, மாசிமகம் திருவிழாவிற்குப் பல்வேறு ஊர்களிலிருந்து வேலைக்குச் சென்றிருந்தவர்கள் வந்து சேர்ந்திருந்தனர். ஆந்திராவிலிருந்து வந்திருந்து தங்கியிருப்பவர்கள், பெண்களைப் பற்றி இழிவாகத் தெலுங்கில் பேச, அதைப் புரிந்துகொண்ட இளைஞர் ஒருவர், பேசிய ஒருவரை அடித்திருக்கிறார். இதைக்கண்டு சுங்கச்சாவடியில் வேலை செய்பவர்களும் ஒன்றாய்க்கூட, கைகலப்பு நடந்திருக்கிறது. பிறகு, ஊரிலுள்ள பெரியவர்கள் பேசி, வாடகைக்குத் தங்கியிருப்பவர்களை காலி செய்ய வேண்டும் என்று வலியுறுத்தியுள்ளனர்.

பிறகு 5 ஆம் தேதி இரவு 11.30 மணியளவில், ஒரு மாருதி காரிலும், இரு சக்கர வாகனத்திலும் வந்தவர்கள் மற்றும் சுங்கச்சாவடியில் வேலை செய்பவர்களும் ஒரு சேர வந்து எடையாளம் கிராமத்தைச் சேர்ந்த பிரபு, சிவக்குமார், சுந்தர் ஆகியோரை ஓடஓட அடித்திருக்கின்றனர். இதைத் தன்வீட்டு திண்ணையில் படுத்துக் கொண்டிருந்த கோதண்டபாணி தற்செயலாகப் பார்க்க, அவருடைய தம்பி எடிசன் மற்றும் இன்னும் சில இளைஞர்கள் திரண்டு அவர்களை விரட்டியுள்ளனர். இந்த சம்பவத்தை தேசிய நெடுஞ்சாலையில் ரோந்துப் பணியிலிருந்த காவல் துறையினர் வேடிக்கை பார்த்துள்ளனர்.

அந்தக் கிராமத்திலேயே படித்த குடும்பம் எடிசனுடையது. அவருடைய தந்தை ஓர் அரசு ஊழியர். எடிசன் துடிப்பான 26 வயது இளைஞர். ஆதிக்கத்தை தட்டிக் கேட்பவர்; காவல் துறையின் அத்துமீறல்களை எதிர்ப்பவர். அதனால் அவர் மீது மூன்று 'சிறு வழக்குகள்' (Petty case) உள்ளன. அச்சரப்பாக்கம் காவல் துறைக்கு இதனால் எடிசன் குடும்பத்தின் மீது எப்போதும் கோபம் இருந்திருக்கிறது. சிறிது காலத்திற்கு முன்பு நடந்த ஒரு சண்டையில் எடிசனின் தாய் மற்றும் கல்லூரியில் படிக்கும் அவருடைய தங்கை இருவரையும் பொய் வழக்குப் போட்டு, 15 நாள் சிறையில் வைத்திருக்கின்றனர். இதனால் அவருடைய தந்தை அப்போது அச்சரப்பாக்கம் காவல் நிலையத்தில் துணை ஆய்வாளராக இருந்த சொக்கையன் மீது வழக்கு தொடுத்துள்ளார். அந்த வழக்கு உயர் நீதிமன்றத்தில் இன்னும் நிலுவையில் இருக்கிறது. எடிசன் சமூக அக்கறையுடன் அப்பகுதியில் பணியாற்றியுள்ளார் என்பதை, அப்பகுதி இளைஞர்கள் கூறுவதிலிருந்து நம்மால் உணர முடிந்தது. அச்சரப்பாக்கம் ஒன்றிய விடுதலைச் சிறுத்தைகளின் தொண்டரணி அமைப்பாளராக உள்ள எடிசனுக்கு, அப்பகுதியிலுள்ள அனைத்துச் சேரிப்பகுதிகளும் அத்துப்படி.

அனந்தமங்கலம் என்னும் ஊரில் வசிக்கும் அ.தி.மு.க.வைச் சேர்ந்த முக்கிய பிரமுகர் அப்பகுதியின் 'நாட்டாமை' மாதிரி நடந்து கொள்வார். அவர் வந்தால்தான் கோயில்களில் பூசையே நடக்கும். இதை எல்லாம் எடிசன் எதிர்த்திருக்கிறார்.
அவரை அடிக்க இதுதான் சந்தர்ப்பம் என்று திட்டம் தீட்டி எடையாளம் கிராமத்திற்கு வந்திருக்கிறது, அச்சரப்பாக்கம் காவல்படை. 'மாருதி'யில் வந்தவர்களை அடித்துத் துரத்தியதற்காக, எடிசன் உள்ளிட்ட கிராம இளைஞர்களின் மீது வழக்குப் போட்டிருப்பதாகக் கூறி, எடிசனைத் தேடி அவர் வீட்டிற்கு மறுநாள் காலை வந்து எடிசனின் அண்ணன் கோதண்டபாணியிடம் விசாரித்திருக்கிறது காவல் துறை. இதை அறிந்த எடிசன் ஓடியிருக்கிறார். எடையாளம் கிராமத்திலிருக்கும் கடைத் தெருவில் உள்ள கழிப்பறையில் சென்று மறைய, காவல் துறையினர் அவரைப் பிடித்து அங்கேயே அவரின் உடைகளைக் கிழித்து முழு நிர்வாணமாக்கி தெருவில் இழுத்து வந்திருக்கின்றனர்.

கோபம், அவமானம், உக்கிரம் எல்லாம் சேர்ந்து எடிசன் வெறியுடன் கத்தி இருக்கிறார். அந்தக் கத்தலில் அதிர்ந்துபோன காவல் துறை, கிழிக்கப்பட்டு சுக்குநூறான லுங்கியை அவர் இடுப்பில் சுற்றி, ஊர் முழுக்க ஊர்வலமாய் அழைத்து வந்திருக்கிறது. வீரத்துடன் இதை எதிர்கொண்டார் எடிசன். அவருடைய அண்ணன் கோதண்டன் 'ஏன் இப்படி செய்கிறீர்கள்?' என்று கேட்க, வழக்கே இல்லாத அவரையும் காவல் துறை அடித்து, காவல் நிலையத்திற்கு இழுத்துச் சென்றிருக்கிறது.

அச்சரப்பாக்கம் காவல் நிலையத்திற்கு அழைத்துச் சென்ற காவல் துறையினர், எடிசனையும் கோதண்டபாணியையும் ஒரே அறையில் வைத்து அடித்துத் துவைத்திருக்கின்றனர். இரண்டு மணிநேரம் அவர்கள் இருவரையும் நிர்வாணமாக நிற்க வைத்து அடித்திருக்கிறார்கள். எடிசனின் இரு கைகளிலும் கடப்பாறையைக் கட்டி வைத்துவிட்டு, எதிரிலுள்ள விறகு மண்டியில் விறகுக் கட்டைகளை வாங்கி வந்து கொடூரமான முறையில் தாக்கி இருக்கின்றனர் - செல்வராஜ் மற்றும் சண்முகம் என்ற காவல் மிருகங்கள். உதவி ஆய்வாளராக உள்ள சுதந்திர ராஜனின் மேற்பார்வையில்தான் இவ்வளவும் நடந்திருக்கிறது.

எடிசனை பலமாக அடிக்கவே மயங்கும் தருவாயில், தாகத்திற்கு தண்ணீர் கேட்டிருக்கிறார். 'ஏன் இப்படி அடிக்கிறீங்க?' என்று கேட்ட தண்டபாணியை, இரண்டு பேரும் பூட்ஸ் கால்களால் நெஞ்சின் மீது உதைத்திருக்கின்றனர். 'தண்ணி தண்ணி' என்று அரற்றிய எடிசனுக்கு தலை தொங்கியிருக்கிறது. தன் பேண்ட்டின் ஜிப்பைக் கழற்றி எடிசனின் அருகில் வந்து தொங்கியிருக்கிற அவருடைய தலையை கையால் நிமிர்த்தி தண்ணியெல்லாந் தர முடியாது, என் ஒண்ணுக்க குடிடா' என்று தன் பிறப்புறுப்பை எடிசனின் வாயில் திணித்திருக்கிறார் காவலர் செல்வராஜ்.

இந்தக் கொடுமையை நேரில் பார்த்த அவருடைய அண்ணன் இதைச் சொல்லும்போது, அந்தக் குடும்பமே கதறியழுதது நெஞ்சில் தீயை வைத்துச் சுட்டதைப் போல் இன்னும் வலிக்கிறது. இப்படி கடுமையாகத் தாக்கப்பட்ட எடிசனும் கோதண்டபாணியும் மறுநாள் மதுராந்தகம் நீதிமன்றத்தில் நிறுத்தப்பட, நீதிபதியிடம் தன் காயங்களையும் தனக்கு நேர்ந்த அவமானங்களையும் சொல்லியிருக்கிறார் எடிசன். நீதிபதி அவர்களுக்கு உரிய மருத்துவ சிகிச்சை அளிக்க வேண்டும் என்று வற்புறுத்தியும், காவல் துறை சென்னை கீழ்ப்பாக்கம் மருத்துவமனையில் வெளிநோயாளிப் பிரிவில் அவர்களைக் காட்டிவிட்டு, புழல் சிறையில் அடைத்துள்ளது.

பிணையில் வெளியே வந்துள்ள கோதண்டபாணியை சந்தித்துப் பேசினோம். "கைது செய்யப்பட்ட அன்றிரவே, இவனுங்கள சும்மா உடக்கூடாது என்கவுண்டரில் போட்டுத் தள்ளனும்' என்று போலிஸ் மிரட்டியிருக்கிறது. எடிசனைக் குறிவைத்தே இத்தாக்குதல் நடைபெற்றது என்கிறார் அவர். இந்த சம்பவம் நடைபெற்று, எடிசனும், கோதண்டனும் கைது செய்யப்பட்ட உடனே, எடிசனின் தாய் நாகம்மா, வெளியிலிருந்து தாக்கியவர்கள் மீது ஒரு புகாரை அச்சரப்பாக்கம் காவல் நிலையத்தில் பதிவு செய்துள்ளார். ஆனால், அப்புகார் மீது எவ்வித நடவடிக்கையும் எடுக்கப்படவில்லை. மாறாக, எடிசன் மீது 307 போன்ற பிரிவுகளில் வழக்குத் தொடுத்துள்ளனர். எடிசனால் தாக்கப்பட்டவர்கள் என்று சொல்லப்படுகிற யாரும் எந்த மருத்துவமனையிலும் உள்நோயாளிகளாக இருந்து சிகிச்சைப் பெறவில்லை. ஆனால், எடிசனை குண்டர் தடுப்புச் சட்டத்தில் உள்ளே போட வேண்டும் என்னும் திட்டத்தில், 307 பிரிவில் வழக்கைப் பதிவு செய்திருக்கிறது காவல் துறை.

"இந்தக் கொடுமைகளுக்குக் காரணமான சுதந்திரராஜன், சண்முகம் மற்றும் செல்வராஜ் ஆகியோர் மீதும் வன்கொடுமைத் தடுப்புச் சட்டத்தின் கீழ் நடவடிக்கை எடுத்து அவர்களைப் பணி நீக்கம் செய்ய வேண்டும். இதற்கு நியாயம் கிடைக்கும் வரை விடுதலைச் சிறுத்தைகள் போராடும்' என்று காஞ்சிபுர மாவட்ட விடுதலைச் சிறுத்தைகள் செயலாளர் சூ.க. ஆதவன் ஆவேசத்துடன் கூறினார். காவல் துறையின் கொடூரமான வன்முறையால் ஒரு தலித் குடும்பமே அவமானப்பட்டிருக்கிறது. எடிசனுக்கு நேர்ந்திருக்கிற அவமானம் ஒட்டுமொத்த சமூகத்திற்கும் நேர்ந்துள்ள அவமானம். 'கடைசி மனிதனுக்கும் ஜனநாயகம் வேண்டும்' என்று உயிரைக் கொடுத்துப் போராடுகிற ஒடுக்கப்பட்ட மக்களுக்கு காவல் துறை 'எதை'த் தருகிறது என்பதை ஆட்சியாளர்களுக்கு உறைக்கும் வகையில் நாம் உணர்த்த வேண்டும். தலித் தலைவர்கள் இதையும் வழக்கமான ஒரு வன்கொடுமையாகக் கருதி, தம் பேச்சுப் பட்டியலில் சேர்த்துக் கொள்வார்கள் என்றால், அரசியல் அதிகாரங்கள் எதற்கு?

நன்றி: தலித் முரசு, கீற்று இணையம்

http://www.keetru.com/dalithmurasu/apr07/yalan_1.html

சொட்டும் மழையிலும் சுவைத்தார்கள் தமிழை!

2007-04-25T05:25:00.001-07:00

சொட்டும் மழையிலும் சுவைத்தார்கள் தமிழை!
இனியதாசன்

விளம்பரங்கள் அதிகமில்லா வெட்டவெளிப்பட்டிமன்றம் விறுவிறுப்போடு தொடங்கியது எங்குமில்லை இங்கு நம் சிங்கப்பூரில்தான். தமிழ்த்தாகம் பருகும் தணியாத மோகத்தில் மக்கள் கூட்டம் திரண்டுவந்து சொட்டும் மழையிலும் சுவைத்தார்கள் தமிழை!

அறிவிப்பாளர்: கால்பந்து கிரிக்கெட் விளையாடிய திடலில் இன்று தமிழ் விளையாடப்போகிறது என்று அற்புதமாய் அறிவித்தார். 14.04.2007ன் மாலைப்பொழுதில் தமிழ்ப் புத்தண்டை வரவேற்று தரப்பட்ட பட்டிமன்ற நிகழ்ச்சியன் ஆரம்பமாக தமிழ்த்தாய் வாழ்த்து பாடவந்த செல்வி குமுதாவின் குரல் அமுதமாய் இனித்தது.

பாடல் முடிந்து ஆடல் �யாதும் ஊரே யாவரும் கேளீர்� என்று தொடங்கியது ஆடல்கலைஞர்கள் தமிழ் என்று பொறித்த கொடியேந்திக் பாட்டியதைப் பார்த்து மக்கள் பரவசமடைந்தனர். ஆட்டத்தில் அரங்கம் மட்டும் அதிரவில்லை அவ்வட்டாரமே ஆரவாரத்தில் அதிர்ந்தது.

மகிழ்ச்சியை நிர்ணயம் செய்வது குடும்பச்சூழலா? வெளிச்சூழலா? என்று நடுவர் திரு சாலமன் பாப்பையா தொடங்கியதும் ஓரே மகிழ்ச்சியை காணமுடிந்தது. சுpங்கை மக்கள் இவர் மூப்பையா என எண்ணினர்: ஆனால் அவர் தமிழ்காப்பையா என்பது போல் நனி சிறந்த தனி நடையில் நயம் பிறக்கும் வாசம்தாங்கி வந்தாங்கே போனாங்கே என்று விளித்தபோது கேட்போர் கிரங்கினர். நகைச்சுவையில் நனைந்தனர். சுனாமியை மேற்கோள்காட்டி பண்பாட்டுச் சீரழிவு ஜரோப்பிய நாடுகளில் இருந்து சிங்கையை மெல்ல மெல்ல அடைந்துவிட்டது. இது தமிழகத்தையும் தாக்கும் அபாயம் உள்ளது என்று நாசூக்காய் உணர்த்தினார்.

குடும்ப சூழலே எனும் அணியின் முதல் பேச்சாளர் திரு பொன்.மகாலிங்கம் பேசியபோது பணமே வாழ்க்கையல்ல: பணமும் வாழ்க்கைக்கு தேவை மனம் பண்பட்டால் மகிழ்ச்சி அந்த மகிழ்ச்சி குடும்பத்தில் உண்டென்று கூறி இலக்கிய சான்றாக �சிறு�கை� அளாவிய கூழ்� என்பதை விவரித்தார். அவரது பதிவுகள் எல்லாமே போற்றுதலுக்கு உரியதாகி நடுவர் மனதையும் நறுக்கென்று கவ்வியது.

வெளிச்சூழல் அணியின் முதல் பேச்சாளர் திரு ஜெகதீசன் பேசியபோது பணம்தான் மகிழ்ச்சியை நிர்நணயிக்கிறது அது வெளிச்சூழலில் கிடைக்கிறது. என்பதை வலியுறுத்திப்பேசி தான் முதன்முதலில் பட்டிமன்றத்தில் பேசுகிறேன் என்று அவர் சொன்னாலும் முத்திரை பதித்து சென்றார்.

குடும்பசூழலே எனும் அணியின் இரண்டாம் பேச்சாளர் திரு முகமது கஸாலி பேசியபோது சாப்பாட்டு இலையில் தலைமுடி கிடந்தாலும் பங்கஜம்: பரவாயில்ல தலையில இருந்தாலும் அழகுதான் இப்ப இலையில் இருந்தாலும் அழகுதான் என்று நகைச்சுவை உணர்வோடு குற்றத்தை புரியவைக்கவேண்டும். அங்கு எல்லையில்லா மகிழ்ச்சியை பிணைப்பை அது உருவாக்கும் என்று அனுபவப்பூர்வமாக பேசி அசத்தினார்

வெளிச்சூழலே அணியின் இரண்டாம் பேச்சாளர் திருமதி  விஜி பேசியபோது: நடுவரை பார்த்து நீங்க வெளிச்சூழலில் பேசினாத்தான் மகிழ்ச்சி கிடைக்கும் குடும்பத்தில் பேசினா இப்படித்தான் சொல்வார்கள் வந்துட்டாருய்யா! வந்துட்டாரு என்ற போது: சாலமன் பாப்பையா வைகைப்புயல் வந்துட்டாரு! என்று சமயோசிதப் புத்தியால் சமாளித்து மிகுந்த நகைச்சுவையை விதைத்து அனைவரையும் வியக்க வைத்தது

குடும்பசூழலே எனும் அணியின் இறுதிப் பேச்சாளர் பேசுவதற்கு முன்னாலே பெரிய மகிழச்சி ஆரவாரம் ஏனெனில் தமிழ்க் குயிலல்லவா! ஆம் திருமதி மீனாட்சி சபாபதி அவர்கள் தன்னுடைய பாணியில் எதிர் அணிக்கு சார்ந்து பேசுவதுபோல் பேசி எல்லோரையும் குழப்பிவிட்டு இறுதியிலே குடும்பசூழலே என்று தன் அணிக்கு பலம் சேர்த்து பலரின் பாராட்டையும் பெற்றார்.

வெளிச்சூழலே அணியின இறுதிப்; பேச்சாளர் திரு சோமசுந்தரம் பேசியபோது கணவன் மனைவி உறவுகள் இன்று சரியில்லை. சுpல குடும்பங்களில் தூங்கி விழிப்பதே முதலில் பிள்ளைகள் தான் பிறகுதான் பெற்றோர்கள் என்றும் குறைகளை படம் பிடித்துக்காட்டினார்.

எல்லாவற்றையும் கேட்டு முடிவு சொல்வதற்குமுன் திரு சாலமன் பாப்பையா வெளுத்து வாங்கினார். இரு அணிகளுக்கும் சாதகமான பல கருத்துக்களை பேசினார். அப்போது எங்கள் தமிழகத்தில் அதிகாலையில் பெற்றோர்கள் விழித்துவிடுவோம் அதிலும் பெண்கள்தான் அதிகாலையில் விழிப்பார்கள்.   அதனாலே அங்கே அவர்களை லெட்சுமி என்று மதிக்கிறோம் என்று கூறி நமது பண்பாட்டை பின்பற்றுங்கள் என்பதை சொல்லாமல் சொன்னது சுவையிலும் சுவையாய்த் தோன்றியது.

பின்னர் எவ்வளவுதான் வெளிச்சூழல் மகிழ்வை அளித்தாலும் சிறு சிறு சண்டையில் பிணக்குகள் வந்து பின் கூடும் குடும்பத்தில்தான் கூடுதல் மகிழ்ச்சி ! இதை வள்ளுவரின் வரிவாயிலாக சொல்லி குடும்பச்சூழலே என்று முடித்தார்.

மக்களும் மனதில் அசைபோட்டுக் கொண்டே மெல்ல மெல்ல கலைந்தனர். தமிழ்புத்தாண்டு இனிதே வரவேற்பு பெற்றது.

தமிழனைக் கொல்ல சிங்களனுக்கு உதவும் இந்தியா

2007-04-24T05:33:00.001-07:00

தமிழனைக் கொல்ல சிங்களனுக்கு

உதவும் இந்தியா

க.அருணபாரதி

இந்தியா இலங்கைக்கு தற்பொழுது புதுப்புது நவீன ஆயுதங்களைக் கொடுத்து உதவியுள்ளது பற்றி செய்திகள் வெளியாகி உள்ளன. ஏற்கெனவே தமிழர்களுக்கு எதிரான மனித உரிமை மீறல்களின் உச்சத்தில் வீற்றிருக்கும் சிங்கள இராணுவ நடவடிக்கைகளைக் கண்டு உள்ளம் பூரித்து போன 'இந்தி்'ய அரசின் இந்த செயல் தமிழர்கள் மத்தியில் கொந்தளிப்பை ஏற்படுத்தியிருக்கிறது.

பாகிஸ்தான், சீனம் உள்ளிட்ட நாடுகளால் இந்தியாவிற்கு எல்லையில் அச்சுறுத்தல் இருப்பது போல இலங்கைக்கு பக்கத்து நாடுகளுடன் எந்தவொரு சண்டையும் இல்லை. இலங்கையில் உள்நாட்டு போர் தான் நடக்கிறதாம். அதற்கு இவ்வளவு ஆயுதங்கள் கொடுத்து உதவும் மனிதாபிமானமுள்ள மானங்கெட்ட அரசுகள் சொல்கின்றன. இருந்த போதும், இலங்கைக்கு 'பெரியண்ணன்' அமெரிக்கா, 'சின்ன அண்னண்' இந்தியா, 'பங்காளி' பாகிஸ்தான் என பலநாடுகள் இலங்கைக்கு ஆயுதங்கள் கொடுத்து உதவுவது வெட்ட வெளிச்சம். பெரியண்னண் அமெரிக்காவை பொறுத்தவரை ஆயுதங்களை பின்லேடன் காசு கொடுத்தால் கூட கொடுத்து விடுவார்கள். அந்த அளவிற்கு பணம் மற்றும் லாபவெறி அவர்களிடம் ஊறிப் போயுள்ளதை சின்னக் குழந்தையும் சொல்லும் என்பது ஊரறிந்த சேதி.

இலங்கையிடம் போதிய ஆயுதங்கள் இல்லையெனில் பிறர் ஓடி வந்து பிடித்துக் கொள்ளும் நிலைமையும் அங்கில்லை. விடுதலைப்புலிகளும் இலங்கை முழுமையும் எங்களுக்கு கொடு என சொன்னதும் இல்லை. சொல்லப்போவதும் இல்லை. சொல்லவும் மாட்டார்கள். அப்படியிருக்க பெரும் ஆயதங்களை குவிக்க வேண்டிய அவசியமென்ன என்பதனை ''இந்தி''யா சிந்திக்காது. ஏனெனில் அதன் அதிகார பீடங்களில் அமர்ந்து ஆட்சி செய்பவர்களுக்கு ஈழத்தமிழர்கள் இன எதிரிகளாக தென்படுகின்றனர். ஈழத் தமிழரின் நலன் பற்றி மனிதாபிமான அக்கறையுடன் பேசினால் கூட 'ராசீவ் காந்தி.. ராசீவ் காந்தி.. ராசீவ் காந்தி்'' என்று ஒப்பாரி வைக்கும் போலி தேசியவாதிகளான கதர்சட்டை முகாமிற்கு பல்லக்குத் தூக்கி தமிழினத்தை விற்று பிழைப்பு நடத்தக்கூடிய திராவிட தேசிய கட்சிகளின் போலி முகங்களை தமிழக மக்கள் முதலில் புரிந்து கொள்ள வேண்டும்.

தான் ஒருத்தர் தான் தமிழன மக்களின் கருத்தை பிரதிபலிப்பதாகக் கருதிக் கொண்டு திண்டிவனத்தார் இந்தியா இலங்கைக்கு ஆயுதம் வழங்கியதை கண்டித்து அறிக்கை விடுத்தார். அவரது கண்டனத்தால் சிறு துரும்பும் அசையப் போவதில்லை. அசையாது. ஏனெனில அவரது மகனுக்கு கொடுக்கப்பட்ட மத்திய அமைச்சர் பதவிக்கு விசுவாசமாக இருக்க வேண்டாமா? அப்புறம் எதற்கு கண்டன அறிக்கை..,? அதெல்லாம் இங்குள்ள தமிழின உணர்வாளர்களின் ஒட்டை பெற்றிடவே. மத்திய 'இந்தி'ய அரசின் படுபாதக செயலான இச்செயலைக் கண்டு உண்மையிலேயே ஈழத்தமிழர்களின் மீது அக்கறை பிறந்திருக்குமானால், திண்டிவனத்தார் அவரது மகனை பதவிவிலகச் சொல்லி மன்மோகன் சிங் அரசை ஆட்டம் காணச் செய்திருக்க வேண்டும். ஆனால் அவரது பதவி பாசம் அதனை செய்ய சொல்லாது. ''நீங்க திட்டுங்க.. அறிக்கை விடுங்க.. எங்கையாவது போய் போராட்டம் கூட பண்ணுங்க.. நாங்க ஆயுதம் கொடுத்துண்டு தான் இருப்போம்" என்று செயல்படும் மத்திய அரசிடம் தமிழக ஓட்டு அரசியல் கட்சிகள் பதவி அரசியல் செய்து ஈழத்தமிழர்களை ஒழிக்க நினைக்கும் சிங்கள அரசுக்கு மறைமுகமாக துணை போகின்றன.

அங்கு சிந்தப்படுவது தமிழனின் குருதி என்பதை இவர்கள் என்று உணரப்போகிறார்களோ தெரியவில்லை. இங்கிருக்கும் தமிழக மீனவர்களை கொன்று குவிக்கும் சிங்கள இராணுவத்தை தடுக்க யோக்கியதை இல்லாத மத்திய கப்பற்படையும் தமிழக அரசும் வாய்ச்சவடால் பேசியே காலம் ஓட்டுவதை புரிந்து கொள்ள வேண்டும். ஏதோ கடிதம் எழுதுவதோடு கடமை முடிந்துவிடும் என எண்ணிக்கொண்டிருக்கும் தமிழக அரசியல் டீலர்கள் அந்த கடிதத்தால் என்ன நடந்தது என்று எண்ணிப் பார்த்ததுண்டா?

உகாண்டா நாட்டில் சர்க்கரை ஆலை ஒன்றை கட்டுவதற்கு குசராத்தை சார்ந்தவர்கள் முயன்ற போது, சொந்த நாட்டின் இயற்கை வளங்கள் அழிக்கப்படுவதைக் கண்டு பொங்கியெழுந்த உகாண்டா மக்கள் ஒரு குசராத் சேட்டை கொன்றனர். என்ன நடந்தது? பா.ச.க அத்வானி ஓடிச் சென்று நேரடியாக வெளியுறவு அமைச்சகத்துக்கே சென்று இதுவரை என்ன நடவடிக்கை எடுத்துள்ளீர்கள் என்று விசாரித்ததோடு மட்டுமல்லாமல் உகாண்டாவின் இந்தியத் தூதரகத்தையும் தொடர்பு கொண்டு பேசினார். தமிழக மீனவர்கள் இங்கு சிங்கள் வெறியநாய்களின் வேட்டைக்கு ஆளாகி செத்துக் கொண்டிருக்கும் ''தமிழின''த் தலைவர் என்ன செய்து கொண்டிருந்தார்? ஈழத்தமிழர்கள் மீது பதவிக்காக பாசம் செலுத்த மறுத்தது "நியாயம்"(?!) "தர்மம்"(?!). ஆனால் இங்கு அவருக்கு ஓட்டுப்போட்டு மகுடம் சூட்டிய தமிழக மீனவர்கள் மீது அக்கறை செலுத்தாமல் கடிதம் மட்டும் எழுதி பிழைப்பு நடத்துவது நியாமா? தர்மமா?

தனக்கு வேண்டப்பட்ட பதவி அளிக்கப்படவில்லை என்ற காரணத்திற்காகவும், மக்களுக்கு அந்த குறிப்பிட்ட பதிவியை வைத்து சேவை செய்ய முடியவில்லையே என்ற மன''வருத்த''த்தாலும் பதவியேற்க மறுத்த போது இருந்த ''வே(ட)கம், (ந)துடிப்பு'', தன் சொந்த மக்களை எந்த நாட்டுக் காரனோ சுட்டுக் கொல்லும் பொழுது ஏனில்லை? தடுப்பது எது?

இவ்வளவு நடந்த பின்னரும் தமிழக மீனவர்கள் மீண்டும் அவருக்கோ அல்லது செயலற்ற அறிக்கை விடும் செயலலிதாவுக்கோ தான் ஓட்டுப்போட்டு தனது விசுவாசத்தை காட்டி வெற்றி பெற வைக்கப்போவது உறுதி. மக்களுக்கு இல்லாத ரோசம் தலைவர்களுக்கு மட்டும் வந்துவிடுமா என்ன? காலம் பதில் சொல்லும் என நம்மை நாமே தேற்றிக் கொள்ள வேண்டியது தான்.... தமிழக ஓட்டு அரசியல் கட்சிகள் தாம் தமிழினத்தின் சாபமும் சோகமும்.. மக்கள் இதனை புரிந்து கொள்ளாதவரை தமிழனை கடலில் மட்டுமல்ல கரையில் வந்து கூட சுட்டுவிட்டு போவான் சிங்களன்.. ஏனெனில் தமிழினத்தை விற்று பதவி அரசியலில் திளைக்கும் தலைவர்கள் இங்கு ஒரு வார்த்தையை மட்டும் தவறாமல் உபயோகிப்பார்கள் - "கூட்டணி தர்மம்".

மக்கள் மன்றத்தின் மீது அரசு எந்திரத்தின் வன்முறை!

2007-04-19T20:58:00.000-07:00

மக்கள் மன்றத்தின் மீது

அரசு எந்திரத்தின் வன்முறை!

அசுரன்

உலகின் ஆகப் பெரிய ஜனநாயகம், உலகின் தலை சிறந்த ஜனநாயகம். வார்த்தை ஜாலங்களில் ஒன்றும் குறைச்சல் கிடையாது. ஆயினும், சாதாரண ஜனங்களுக்கான ஜனநாயகம் என்பது வெறும் சட்ட புத்தக்ங்களில்
கொடுக்கப்படுவதல்ல( http://poar-parai.blogspot.com/2007/02/blog-post.html). அது அவர்களின் பண்பாட்டு வளர்ச்சியில், உற்பத்தி உறவில் ஏற்படுவது ஆகும்.
இந்திய போலி ஜனநாயகத்தின் கோர முகம் அடிக்கடி கழண்டு விழும்
சம்பவங்களும், நிகழ்வுகளும் அன்றாடம் நடந்து கொண்டேதான் இருக்கின்றன. சந்தேக கேசு கட்டடத் தொழிலாளீயிலிருந்து, போலீசுக்கு இலவச இரவு சாப்பாடு தரும் தள்ளுவண்டி இட்லிக் கடைக்காரர் வரை. அப்படி ஒன்றுதான் விழிம்பு நிலை மக்களிடையே அவர்களின் உரிமைக்காக போராடி வரும் 'மக்கள் மன்றம்' எனும் அமைப்பை போலீஸ், கலெக்டர் உள்ளிட்ட அரசு எந்திரங்கள் வன்முறை கொண்டு அடக்கி ஒடுக்கி வருவது.

குப்பை கொட்டுவதை எதிர்ப்பது, நாய்களுக்கான ஜனநாயகம் பேசுவது, அன்றாடம் வயிற்றுப் பிழைப்புக்காக நடை பாதையில் கடை போட்டவர்களை ஆக்கிரமிப்பு, அசிங்கம் என்று விரட்டுவது, சுவற்றில் வால் போஸ்டர் ஒட்டும் சின்னஞ் சிறிய கம்பேனிகளுக்கு தொலைபேசி செய்து மிரட்டுவது, இதர நடுத்தர வர்க்க சமூக அரிப்பு அடையாள ஃபேன்ஸி போராட்டங்கள் நடத்துவது - இது போன்று நடத்தாமல், இருளர் இன மக்களின் அடிப்படை உரிமைகளுக்காக களத்தில் இறங்கி போராடியதுதான் மக்கள் மன்றம் செய்த தேசத் துரோக குற்றம். மக்களின் உண்மையான பிரச்சனைகளுக்காக போராடி, அதையும் கூட சட்ட வரம்புகளுக்குட்ப்பட்டு அதிகார வர்க்கத்தின் இரும்பு கதவுகளை பல முறை சளைக்காமல் தட்டி அதிகார வர்க்கத்தின் இனிமையான மாலை வேளைகளின் மயக்கத்தை
கெடுத்ததுதான் அவர்கள் செய்த மாக பெரிய குற்றம்.

காஞ்சி புரத்தை சேர்ந்த மக்கள் மன்றம அமைப்பு கடந்த 2000த்திலிருந்து
பழங்குடியினர், தலித்துகள், பெண்கள், கிராமப்புற, நகர்ப்புற ஏழைகள்
மத்தியில் அவர்களின் உரிமைகளுக்காக ஊக்குமுடன் செயல்பட்டு வரும் ஒரு அமைப்பு. கிட்டத்தட்ட 60 கிராமங்களில் செயல்பட்டு வருகின்றனர் இந்த அமைப்பினர். விழிம்பு நிலை மக்களின் மீதான மனித உரிமை மீறல்களை தடுக்கும் ஒரு கேடயமாக செயல்பட்ட இந்த அமைப்பினர்தான் இன்று இந்திய ஜனநாயகத்தின் ஆக கேவலமான மனித உரிமை மீறல் வன்முறையால் ஒடுக்கப்படுகின்றனர்.

மக்கள் மன்றம் குறிப்பாக கொத்தடிமைகளாக(http://www.hindu.com/2006/11/10/stories/2006111017490400.htm) வேலை செய்த பழங்குடியினரை(இருளர்) விடுதலை செய்து, அவர்களின் மறுவாழ்வுக்கான போராட்டத்தை அடுத்தக் கட்டமாக தொடர்ந்து நடத்தி வருகிறது. ஆற்றங்கரை ஓரங்களிலும், சாலையோரங்களிலும் பல ஆண்டுகளாக குடியிருக்கும் இவர்களுக்கு குறைந்தது 3 செண்ட் நிலத்தையாவது தருமாறு கோரி மாவட்ட நிர்வாகத்துடன் போராடி வருகின்றனர். நிலமற்றவர்களுக்கு 2 ஏக்கர் நிலம்
தருவதாக சொன்ன கொடை வள்ளல் சன் குழும தந்தை கருணாநிதியின் அரசில் 3 செண்ட் நிலம் கேட்டவர்களுக்கு கிடைத்தது என்னவோ 8க்கு8 சிறைச்சாலைதான்.

இது தவிர்த்து பெண்களுக்கெதிரான பாலியல் வன்முறைகள், மேல் சாதி
வன்முறைகள் இவற்றுக்கு எதிராகவும் தொடர்ந்து போராடி வந்துள்ளனர்.
குறிப்பாக இருளர் பழங்குடியின பெண்கள் மீதான வன்கொடுமைகளை மீது
தாழ்த்தப்பட்டவர்களுக்கெதிரான வன்முறைகள் சட்டத்தின் கீழ் நடவடிக்கை
எடுக்க வைப்பதில் முக்கிய கருவியாக செயல்பட்டுள்ளனர் மக்கள் மன்றத்தினர்.

சுற்றுச் சூழல் கேடுகளை எதிர்த்தும் இவர்கள் போராடி வந்துள்ளனர். சட்ட
விரோதமாக ஆற்று மணல் கடத்தப்படுவதை எதிர்த்தும் இவர்கள் போராடி
வந்துள்ளனர். அதிகார வர்க்கத்தை ஊழல் மயப்படுத்தி தமக்கு சேவை செய்யும் அடியாட்களாக மாற்றியுள்ள மாபியா கும்பலுக்கும், அதிகார
வர்க்கத்திற்க்கும் இது போன்ற அடிப்படை பிரச்சனைகளுக்கான போராட்டங்களீன் மூலம் பெருத்த தலைவலியாக உருவெடுத்து விட்டனர் இவர்கள்.

இப்படி ஒவ்வொரு மக்கள் பிரச்சனையிலும் அரசு அதிகாரிகளுடனும், போலீசுடனும் மல்லுக் கட்டித்தான் காரியங்கள் நடத்த வேண்டியதாக இருந்த சூழலும், அதிகார வர்க்கத்திற்க்கும், போலீசுக்கும் ரொட்டித் துண்டு வீசும் சட்ட விரோத கும்பல்களுக்கெதிரானதாகவே இவர்களின் போராட்டமும் அமைந்தது தற்செயலான நிகழ்வுகள் அல்ல.

உணவு தானியத்தை இறக்குமதி செய்து கொண்டே லட்சக்கணக்கில் நிலங்களை பன்னாட்டு கம்பேனிகளுக்கு தாரை வார்க்கும் அரசு, உழைத்து ஒடாய் தேய்ந்த மக்களுக்காக இம்மி நிலத்தைக் கூட தர மறுக்கிறது. விழிம்பு நிலை மக்களின் அடிப்படை உரிமையாய் நிலம் இருப்பதாலேயே நில ஒதுக்கீடிற்க்காக அதிகாரிகளிடமும், போலீசிடமும் அடிக்கடி போராடி வந்துள்ளனர் மக்கள் மன்றத்தினர்.

இருளர் பழ்ங்குடியினருக்கு 3 செண்ட் நிலம் ஒதுக்குவது குறித்து மாவட்ட
கலெக்டரை முன்பே பல மூறை சந்தித்துள்ளனர் மக்கள் மன்றத்தின்ர். அது போன்ற ஒரு சந்திப்பில் 17.06.2006-ல், 'இந்த மாவட்டத்தில் உள்ள நிலங்கள்
எல்லாம் மிக மதிப்பானவை எனவே கம்பேனிகளுக்குத்தான் கொடுக்க முடியும், இருளர்களுக்கு கொடுக்க முடியாது' என்று திமிர்த்தனமாக மக்கள் மன்றத்திடம் சொல்லியுள்ளான் கலெக்டர். இவன் மக்களிடம் சம்பளம் வாங்குகிறான அல்லது வேறு யாரிடமாவது வாங்குகிறானா? இந்நிலையில் தொடர்ந்து பல மாதங்கள் பல வகையில் முயன்றும் இருளர்கள் வாழ்வதற்க்கு நிலம் ஒதுக்குவது குறித்து மௌனம் சாதித்த அரசு இயந்திரத்தை அம்பலப்படுத்தி வால் போஸ்டர்கள் ஒட்டி ஒரு வார போராட்டத்தை நடத்தினர் மக்கள் மன்றத்தினர். இதுவும் கூட அதிகார
வர்க்கத்தின் தோலுக்கு உறைக்கவில்லை என்ற பிற்ப்பாடு. 26.06.2006-ல்
கழுதைப் போராட்டத்தை நடத்தினர்(http://www.hindu.com/2006/06/27/stories/2006062717200400.htm ). அதுவும் போலிஸ் அனுமதியுடனே நடத்தினர். கலெக்டரின் உத்தரவுப் படி 8 முன்னணி உறுப்பினர்கள் சதி வழக்கின் கீழ் கைது செய்யப்பட்டனர்(124A - Sedition/Conspiracy against state). கழுதைகளை வைத்து போட்டி அரசு அலுவலகம் நடத்தியது அவர்கள் பார்வையில் அரசுக்கெதிரான சதியாக தோன்றுவதில் வியப்பில்லை. ஏனேனில் கழுதைகளின் செயல்பாடு வீரியமாக இருக்கின்ற படசத்தில் மக்கள் அரசு அலுவலங்களை புறக்கணித்து விட்டு கழுதைகளை நாடும்
அபாயத்தை முன் உணர்ந்தே அதிகார வர்க்கம் நடவடிக்கை எடுத்துள்ளது என்று கொள்ளலாம்.

27.06.07-ல் மக்கள் மன்றத்தினரை சந்தித்த கலெக்டர் கழுதை போராட்டம்
குறித்தும், கைது குறித்தும் எனக்கு தெரியாது என்றான். ஆனால் சிறிது
நேரத்தில் தன்னை கட்டுப்படுத்த இயலாமல், 'இதுதானா போராட்டம் நடத்தும் முறை' 'கழுதையைப் போய் உபயோகப்படுத்தியுள்ளனரே?' என்பது போல உளறிக் கொட்டியுள்ளான். மக்கள் மன்றத்தின் சார்பில் பேசச் சென்ற சில நலவிரும்பிகளிடம் கலெக்டர்தான்( http://groups.yahoo.com/group/PUCL/message/1929) 124Aவின் கீழ் கைது செய்யச் சொல்லி நிர்பந்தம் கொடுத்ததாக போலிஸ் அதிகாரிகள் சொல்லியுள்ளனர்.

இதற்க்குப் பிறகும் கூட கலெக்டரை இருளர்களின் பிரதிநிதிகளுடன் சென்று
தொடர்ந்து சந்தித்தே வந்துள்ளனர் மக்கள் மன்றத்தினர். இப்படியான சூழலில் இன்னுமொரு பிரச்சனை முன்னுக்கு வந்தது. காஞ்சி கலெக்டர் அலுவலத்தில் வாகன நிறுத்தத்திற்க்கு கட்டணம் வசூலிக்கப்படுவது என்று முடிவு செய்யப்பட்டது. இதே வளாகத்தில்தான் அனைத்து அரசு அலுவலகங்களும் அமைந்துள்ளன. சாதாரண கிராமப்புற ஏழை ஜனங்கள் தங்களது அன்றாட சட்டப் பிரச்சனைகளுக்காக ஆயிரக்கணக்கில் வந்து செல்லும் இடத்தில் இது போன்று துட்டு புடுங்குவது சரியல்ல என்று இதற்கெதிரான போராட்டத்தை நடத்தியது மக்கள் மன்றம். இந்த
போராட்டத்திற்க்கு அனுமதி மறுத்தது போலீசு (என்னே இந்த ஜனநாயக
இந்தியாவின் பெருந்தன்மை பாரீர்!). ஆயினும் இதனை மீறி 07 பிப்ரவரி 2007ல் போராட்டம் நடத்தியது மக்கள் மன்றம். பிரச்சார போராட்டம் ஆரம்பிக்கும் முன்பே கைது செய்தது போலிசு. அவர்களில் 8 பேர் மீது வழக்கு தொடர முய்னற பொழுது நூற்றுக்கணக்கிலான பிறரும் தங்களை வழக்கில் சேர்த்துக் கொள்ளச் சொல்லி நிர்பந்திக்கவும், விழி பிதுங்கிய போலிசு அனைவரையும் விடுதலை செய்து விட்டுச் சென்றது. இந்த போராட்டத்திற்க்கு மக்களிடையே நல்ல ஆதரவு இருந்த நிலையில் கட்டணம் வசுலிக்கும் திட்டம் கைவிடப்பட்டது.

இது அதிகார வர்க்கத்தின் கோபத்தை மிக உச்சத்திற்க்கு கொண்டு சென்றது. இன்னிலையில் மக்கள் குறை தீர்க்கும் நாளன்று, 19, பிபரவரி 2007ல் கலெக்டரை மீண்டும் இருளர் பிரதிநிதிகளுடன் சந்தித்தது மக்கள் மன்றம். பிரதீப் யாதவ் என்ற அந்த கலெக்டர் மக்கள் மன்றத்தினரை நோக்கி ஆத்திரத்துடன் கத்தி பின்வருமாறு கூறியுள்ளான், "நீங்க கேட்கிறீர்கள் என்பதால் நான் செய்ய வேண்டும் என்று எதுவும் உள்ளதா?' மேலும் மிக மோசமாக ஆங்கிலத்தில் திட்டியுள்ளான் "Bastards, Bloody fools' என்று. பிறகு வெளீயேறச் சொல்லி கத்தியுள்ளான். இதனால் வெல வெலத்து போயினர் இருளர் பிரதிநிதிகள். இதுதான் இந்தியாவில் ஜன்நாயகம் நடைமூறைபடுத்தப்படும் அழகு. துரைத்தனத்தின் திமிருடன் ஏழை ஜனங்களின் பிரச்சனைகளை செவி மடுக்கும் போலீசுக்காரர்களை நாம் பார்த்திருப்போம். மக்களை அரசு இந்திரத்திலிருந்து அன்னியப்படுத்தும் அந்த அதிகார வர்க்க திமிரின் வெளிப்பாடுதான் பிரதிப்யாதவின் இந்த நாகரீக செயல்பாடு. இதனை கண்டித்து மக்கள் மன்றத்தினர் 20 பிப்ரவரி அன்று வால்போஸ்டர்கள் ஒட்டியுள்ளனர்.

பாலியல் வன்முறை, 307 செக்சனில் வழக்கு - ஜனநாயகம் வழங்கப்படும் விதம் இதுதான்: இந்நிலையில், மறுநாள் 21 பிப்ரவரி அன்று, நாதபேட்டை எனும் கிராமத்தில் புதிதாக கிளை திறக்கப்படவிருந்த மக்கள் மன்றத்திற்க்கு 3உறுப்பினர்கள்(இரு பெண்கள், ஒருவர் ஆண்) சென்றுள்ளனர். பேருந்தில் பயணம் செய்து கொண்டிருந்தவர்களிடம் வம்பு செய்துள்ளனர் ரவுடிகள். ஒரு பெண் உறுப்பினரின் அருகில் உட்கார்ந்து இடுப்பில் கிள்ளியுள்ளான் ஒரு பொறுக்கி. இதனை எதிர்த்த ரமேஸை பிடித்து அடித்தனர் மூன்று பொட்டை பொறுக்கிகள். நாதபேட்டையில் இறங்கியவர்கள் அங்கு கூடியிருந்த மக்கள் மன்ற உறுப்பினர்களிடம் விசயத்தை சொல்லியுள்ளனர். அந்த மூவரில் இருவரை பிடித்து விசாரித்துள்ளனர் மக்கள் மன்றத்தினர். இன்னிலையில் அவரகள் மொபைலில் தமது
ஆட்களை கத்தி, கம்புடன் வரச் சொல்லி பேசியதை அறிந்தவர்கள் உடனடியாக போலிசிடம் உதவி கோரியுள்ளனர். போலிசு வரவில்லை மாறாக, பத்து நிமிடங்களில் 30 குண்டர்கள் தடியுடன் நுழைந்துள்ளன்ர். மூன்று புறமும் அடைக்கப்பட்டு ஒரு புறம் மட்டுமே திறந்துள்ள அந்த கூடத்தில் நுழைந்த குண்டர் படை பெண்கள் உள்ளிட்ட அனைவரையும் கம்புகளால் சகட்டு மேனிக்கு அடிக்க துவங்கியுள்ளது. தற்காப்பாக அவர்களை திருப்பி தாக்கியுள்ளனர் மக்கள் மன்றத்தினர். இதில் மூன்று குண்டர்களுக்கும், மூன்று மக்கள் மன்ற ஊழியர்களுக்கும் காயம் ஏற்ப்பட்டுள்ளது. வழக்கம் போல க்ளைமாக்ஸில் தெரிந்தே வந்து நல்லவர்களை கைது செய்யும் நிஜ போலிஸ் இங்கும் அந்த சம்பிரதாயத்தை செவ்வெனே செய்தது. மருத்துவமனையில்
ஐந்து மக்கள் மன்ற உறுப்பினர்களை கைது செய்தது போலிசு. ஈவ் டீசிங் பற்றி வழக்கு பதிவு செய்வதற்க்கு பதிலாக கொலை முயற்சி வழ்க்கில்(307) மக்கள் மன்ற உறுப்பினர்கள் ஐந்து பேரையும் உள்ளே போட்டது அரசு எந்திரம்.

பேரூந்தில் பாலியல் வன்முறைக்காளான பெண்கள் இருவரும் கைது
செய்யப்பட்டவர்களில் இருந்தனர் என்பதும், ஈவ் டீசிங் வழக்கை ஏற்றுக்
கொண்ட பிறகு ஈவ் டீசிங் செய்த மூவரில் இருவர் இன்று வரை கைது
செய்யப்படாமல் சுற்றி வருகீறார்கள் என்பதும் தற்செயலான சம்பவங்கள் அல்ல. இதற்க்கு பிறகுதான் மனித உரிமை அமைப்பினரான மக்கள் மன்றத்திற்கு மனித உரிமை என்றால என்னவென்று சொல்லித் தரும் சிறப்பு பயிற்சி அளிக்க அரசு இயந்திரம் கங்கணம் கட்டிக் கொண்டு இறங்கியுள்ளது.

#1) ஐந்து பெண் உறுப்பினர்களும் சட்டவிரோத காவலில் காஞ்சிபுரம் பெண்கள் காவல் நிலையத்தில் ஒரு இரவு(21.02.2007) முழுவதும் FIR எதுவும்
போடப்படாமலே வைக்கப்பட்டிருந்தனர்.

#2) அன்று இரவு(21.02.07) 1:30க்கு ஒரு ஜீப் முழுவதும் ரொப்பிக் கொண்டு
டிஎஸ்பி முனியப்பனுடம் போலிஸ் கும்பல் மக்கள் மன்ற கூடத்திற்க்குள்
நுழைந்துள்ளது. மூன்று பெண் உறுப்பினர்கள் மட்டுமே உள்ளே இருந்த நிலையில் வன்முறையாக உள்ளே நுழைந்து எந்த வாரண்டும் இன்றி சோதனை செய்துள்ளனர்.

#3) மறுநாள் வாரண்டுடன் வந்த போலீசு, அதே இடத்தை சோதனை செய்து தினாந்திர செலவுக் கணக்கையும், சில டாக்குமெண்டுகளையும் எடுத்துச் சென்றுள்ளனர்.

#4) குமார், மற்றும் ரமேஸ் இருவரும் அரசு மருத்துவமனையில்
அனுமதிக்கப்பட்டிருந்தனர் அவர்களையும் கைது செய்துள்ளது போலிஸு. ஒரு மப்டி போலிஸ்காரர் குமாரை எச்சரிக்கை செய்த காரணத்தினால், அவரை தனியே கூட்டிச் செல்ல உறவினர் என்று வந்த கும்பலிடம் இருந்து தப்பியுள்ளார் குமார். இது என்கௌன்டர் செய்து கொல்வதற்க்கான சதியாக இருக்கும் என்று நம்புகிறார்கள்( http://groups.yahoo.com/group/PUCL/message/2183).

#5) குமாரின் டாடா சுமோ எந்த ஒரு தகவலும் இன்றி இழுத்து
செல்லப்பட்டுள்ளது. எடுத்துச் செல்லப்பட்டதற்க்கான மேமோவும்
கொடுக்கப்படவில்லை. பூட்டை உடைத்து திறந்துள்ளது போலீசு. காரின்
ஸ்டெப்னி, கார் ரேடியோ, சில புத்தகங்கள், ஒரு பை, மனிப்பர்ஸ், வெள்ளை
வளையள் உள்ளிட்ட பொருட்களை தற்போது காணவில்லை.

#6) கொத்தடிமைகளாக இருந்த விடுதலை பெற்றவரக்ள் நடத்தும் கூட்டுறவு
செங்கல் சூளை உள்ள மங்கள்பாடி கிராம்த்திற்க்கு பெரும் போலீஸு படை சென்று பெண்களை மிரட்டியுள்ளது. எங்கிருந்து வந்தீர்கள் என்று விசாரித்து
விவரங்களை டிஎஸ்பி முனியப்பன் எடுத்துச் சென்ற மறுநாள், அவர்கள் யாரிடம் கொத்தடிமைகளாயிருந்து விடுவிக்கப்பட்டனரோ அந்த குவாரி முதலாளீகள் அந்த பக்கம் அலைந்து கொண்டிருந்திருந்தனர். போலிஸ் விவரம் கேட்டுச் சென்றதும், குவாரி முதலாளிகள் கிராமத்தைச் சுற்றி அலைந்ததும் தற்செயலான சமப்வங்கள் என்றும், இவை கிராம மக்களை மிரட்டும் நடவடிக்கைகள் அல்ல என்றும் நடுத்தர வர்க்க நாகரீக கனவான்கள நம்மை ந்ம்ப வைக்க நிர்ப்ந்திப்பார்கள் .

#7) மக்கள் மன்றம் ஊக்கமாக செயல்படும் கிராமங்களுக்கு எல்லாம்
சென்று(அம்மன் நகர், ஒரிக்கை, கொலிவாக்கம், கமுகம்பாளையம்) கிராம மக்களை மிரட்டியுள்ளனர் போலீசு. நாதபேட்டை கிராமத்திற்க்கும் சென்று இருளர்களை போலிசார் மிரட்டியுள்ளனர்.

#8) 22, பிப்ரவரி முதல் இன்று வரை மக்கள் மன்ற பெண் உறுப்பினர்களை
குண்டர்கள் தொடரந்து வந்து கண்காணித்து வருகின்றனர். மக்கள் மன்ற
கூடங்களை சுற்றி சுற்றி வருகின்றனர். மகேஸ் என்பவர் இது வரை ஆறு அனானிமஸ் செல்பேசி கால்களை பெற்றுள்ளார். பேசியவர்கள் கலெக்டரும், டிஎஸ்பியும் தமக்கு பின்னால் உள்ளதாக சொல்லி மிர்ட்டியுள்ளனர்.

#9) மக்கள் மன்றத்தை இந்த மாவட்டத்திலிருந்தே ஒழிப்பேன் என்று கலெக்டர் சபதம் எடுத்திருப்பதாக சொல்கிறார்கள்.

#10) குண்டாஸ் சட்டத்தின் கீழ் மகேஸ், ஜெஸ்ஸி, மற்றும் குமார் மீது
வழக்கு தொடரப்படும் வாய்ப்புள்ளதாக தெரிகீறது.

#11) 18, மார்ச் 2007-ல் மூன்று கிராமங்களைச் சேர்ந்த 10 இருளர்களை கொலை செய்ய முயற்சி பிரிவின்(307) கீழ் போலீஸு கைது செய்துள்ளது. இவர்கள் அனைவருமே 19.02.07-ல் நிலப்பட்டா சம்பந்தமாக கலெக்டரை சந்திக்க சென்ற இருளர்களின் பிரதிநிதிகள் என்பது தற்செயலான நிகழ்வுகள் அல்ல. இவர்களின் பெயர், முகவரிகள் அன்று அவர்கள் கலெக்டரிடம் கொடுத்த கோரிக்கை விண்ணப்பித்தல் இருந்த எடுக்கப்பட்டிருக்க வாய்ப்பில்லை என்றே நாம் நம்ப வேண்டும். ஏனேனில் இந்தியா ஒரு பெரிய ஜனநாயகம், அரசும், போலிசும் நேரமையின் மறு உருவம், அவர்கள் புனிதர்கள் என்று சில நடுத்தர வர்க்க சுக ஜீவ்கள் நம்பி வருகின்றனர். அவர்களின் மன நிம்மதிக்க்கு உதவும் வகையிலாவது நாம் இந்த கூற்றை நம்புவோமாக.

மக்கள் மன்ற பெண் ஊழியர்களை பாலியல் தொந்தரவு செய்தவர்களை ஒன்றும் செய்யாத போலிசும், அதிகார வர்க்கமும்தான் கழுதையை வைத்து அரசு அதிகாரிகளை அம்பலப்படுத்தி போராட்டம் நடத்தியவர்களை மிருக வதை தடுப்புச் சட்டத்தின் கீழ் வழக்கு பதிந்துள்ளது. இந்த செய்தியைப்
படியுங்கள்(http://www.thehindu.com/2006/06/28/stories/2006062809810400.htm),
அதாவது கைப்பற்றப்பட்ட கழுதை குற்றம் நடந்த இடத்திலிருந்து
எடுக்கப்பட்டதாம். எது குற்றம்? போலிஸ் அனுமதியுடன் போராட்டம் நடத்தியதா? அதுவும் அமைதியாக?

இதே அமைப்பினர்தான் காஞ்சி சங்கரன் இருள் நீக்கி சுப்பிரமணி கைது
செய்யப்பட்ட பொழுது பட்டாசு வெடித்து கொண்டாடியவர்கள்( http://timesofindia.indiatimes.com/articleshow/921304.cms). இவர்களின் சமரசமற்ற உரிமைக்கான போராட்டமே அதிகார வர்க்கத்தின் அத்தனை கோபத்திற்க்கும் காரணம். இது போன்ற மக்களின் உண்மையான தீர்வுக்காக
போராடும் பொழுதுதான் அரசு எந்திரத்தின் முழு முகமும் தெரியவரும். அதை விடுத்து அடையாளப் போராட்டமும், பேன்ஸி போராட்டமும், தனது முதுகில் வண்டி வண்டியாக அழுக்கை வைத்துக் கொண்டு சாதாரண ஏழைக்கு உபதேசம் சொல்லும் சீர்திருத்தம், தனிமனித ஒழுக்க போராட்டமும் நடத்தும் அல்பைகளுக்கு அரசு இய்ந்திரம் முழு ஒத்துழைப்பு கொடுக்கும். எங்கே அந்த அல்பைகளை மக்கள் ம்ன்றத்தின் பிரச்சனைக்காக இறங்கி வேலை செய்ய கூப்பிடுங்கள். யாராவது ஒருத்தன் வருகிறான என்று பார்ப்போம். இது போல ஆயிரத்தெட்டு சம்பவங்களை நித்தம் தான் ந்டக்கும் வீதிகளிலேயே சந்தித்தால் கூட இவையெல்லாம் கேள்வியேப்பட்டிராத சம்பவம் போலவும், இவன் ஏதோ வேற்று கிரகவாசி போலவும் போலி அதிர்ச்சி காட்டுவான் இந்த நடுத்தர வர்க்க அல்பவாதி. ஆயினும் தனக்கு இந்தளவுக்கு வேண்டாம் கொஞ்சமே கொஞ்சம் நடந்தால் கூட அதைச் செய்தவன் சாதரணப்பட்டவனாக(ஆட்டொக்காரன்) இருக்கீன்ற பட்சத்தில் தனது தார்மீக ஆவேசத்தை உச்சானிக் கொம்பில் காட்டி அவனால்தான் இந்த சமூகமே நாசமாவது போலவும் அவனை திருத்தினால் எல்லாம் சரியாகிவிரும் என்பதாகவும் குதிப்பான்
இந்த அல்பவாதி. இது போல சிறுக சிறுக சீர்திருத்தம் செய்தால் எல்லாம்
சரியாகிவிடும் என்று வேறு காதில் ஃப்ரெஸ்ஸாக பூ வேறு சுற்றுவார்கள்.

கழுதைப் போராட்டத்தை வளைத்து வளைத்து மூன்று நாள் கவர் செய்து எழுதிய ஹிந்து உள்ளிட்ட பத்திரிக்கைகள் யாரும் இவ்வளவு பெரிய பிரச்சனை நடந்துள்ளதே இது குறித்து ஒரு இம்மி கூட எழுதவில்லை. பத்திரிக்கைகள்தான் ஜனநாயகத்தின் வேர் என்று கூறுபவர்கள், அந்த வேரே இப்படி அதிகார வர்க்கத்தின் கோமணத் துணியாக தொங்கிக் கொண்டிருக்க்கும் பொழுது ஜனநாயகம் எங்கே தூக்கில் தொங்கிக் கொண்டிருக்கிறது என்ற ரகசியத்தை கண்டுபிடிக்க அகழ்வாராய்ச்சி செய்து கொண்டிருக்கட்டும். போலி ஜனநாயகத்தின் தற்கொலை நிக்ழந்து வருடங்கள் ஆகி புல் முளைத்துவிட்டது தெரிந்த நாம் மாற்று
வழிகள் குறித்து யோசிப்போம்.

அரசியல் சித்தாந்தம் இல்லாமல் அரசை எதிர்க்க துணிந்தவர்களுக்கும், மக்களை அரசியல்படுத்தி அணி திரட்டாமல் அரசை எதிர்க்க துணிந்தவர்களையும் அரசு இது போல வெகு சுலபமாகவே துடைத் தெறிகிறது. இது போன்ற அரசு நடவடிக்கைகளுக்கு இது வரை புரட்சிகர அமைப்புகள்தான் சரியான பதிலடி கொடுத்து வந்துள்ளன. சமீபத்திய தாமிரபரனி-கோக் பிரச்சனையிலும் கூட போஸ்டர் ஒட்ட தடை என்று
எழுதிக் கொடுத்த டிஜிபியை தொலைக்காட்சியில் அம்பலப்படுத்தி வேலை நீக்கம் செய்ய வைத்தன்ர் புரட்சிகர அமைப்பினர். அத்னை தொடர்ந்து சட்டவிரோதமாக மகஇகவின் நடவடிக்கைகளை முடக்க முயன்று அதன் வெகு சன தொடர்புகளின் சக்திக்கு முன்பு ஒன்றும் செய்ய இயலாமல் அவமானப்பட்டது போலீஸு.

மகஇகவின் பாடல் வரிகள்தான் ஞாபகத்துக்கு வருகிறது "இது போலி
ஜனநாயகமாடா.... " என்று கோவன் பாடும் அந்த பாடல் சாலவும் பொருந்தும். இந்த போலி ஜனநாயகத்துக்கு அழகு செய்து புனித வட்டம் கட்டும் அறிவு ஜீவி கும்பல்கள் மேற்சொன்ன அரசின் நடவடிக்கைகளுக்கு பதில் சொல்லி சப்பைக் கட்டு கட்டிக் கொண்டிருக்கட்டும். மக்கள் மீது காதல் கொண்டவர்கள் இந்த போலி ஜனநாயகத்தை கிழித்தெறிந்து மக்கள் சர்வாதிகார மன்றங்களை கட்ட ஓரணியில் திரளட்டும்.

அசுரன்

தமிழ் புத்தாண்டுத் தினமா ?????

2007-04-13T01:31:00.001-07:00

தைப்பொங்கல் தினமே தமிழ் புத்தாண்டுத் தினமாகும்!

சபேசன் - அவுஸ்திரேலியா

தமிழரின் தேசியத் திருநாளான தைப்பொங்கல் நாள் குறித்துப் பல கருத்துக்களைஇ வரலாற்று வழியாகவும்இ வாழ்வியல் வழியாகவும்இ பண்பாட்டு வழியாகவும்இ ‘பண்டைய காலக்கணக்கு முறை’ வழியாகவும் முன்வைத்துத் தர்க்கிப்பதுவே இந்தக் கட்டுரையின் நோக்கமாகும்.
தமிழீழத்திலும்இ தமிழ் நாட்டிலும் மட்டுமன்றி உலகளாவிய வகையில் இன்று புலம் பெயர்ந்திட்ட தமிழ் மக்கள் தைப்பொங்கல் திருநாளைக் கொண்டாடுகின்ற இக்காலகட்டத்தில் இவ்வகையான தர்க்கங்கள் பல ஆக்கபூர்வமான சிந்தனைகளைக் கிளர்ந்தெழச் செய்து அவற்றைச் செயற்பட வைப்பதற்கும் உதவக் கூடும்.!
“பொங்கல்” என்கின்ற பழந்தமிழ்ச் சொல்லுக்கு உரிய அர்த்தங்கள்தான் என்ன?
பொங்குகைஇ பெருங்கோபம்இ மிளகு-சீரகம்-உப்பு-நெய்இ முதலியன கலந்து இட்ட அன்னம்இ உயர்ச்சிஇ பருமைஇ மிகுதிஇ கள்இ கிளர்தல்இ சமைத்தல்இ பொலிதல் என்று பல பொருட்களைத் தமிழ் மொழியகராதியும்இ தமிழ்ப் பேரகராதியும் தருகின்றன. அத்தோடு இன்னுமொரு பொருளும் தரப்படுகின்றது.
‘சூரியன் மகரராசியில் பிரவேசிக்கும் நாளான தைமாத முதற்தேதியன்று சூரியனை வழிபட்டுப் பொங்கல் நிவேதனம் செய்யும் திருவிழா’-என்ற பொருளும்இ பொங்கல் என்ற சொல்லுக்கு தரப்பட்டுள்ளது. இந்தப் பொருளுக்கு உள்ளே பல முக்கியமான விடயங்கள் பொதிந்திருப்பதை நாம் காணக் கூடியதாக உள்ளது.
அதாவது பொங்கல் திருவிழா என்பது தமிழ் மக்கள் வாழ்வில் வரலாற்று ரீதியாகஇ ஒரு பண்பாட்டு அங்கமாகஇ அவர்களது வாழ்வியலில் திகழுகின்ற திருவிழாவாக இருந்து வந்துள்ளது என்பது புலனாகின்றது. அத்தோடு பண்டைத் தமிழர்கள் இயற்கையின் காலக்கணக்கைக் கணித்து சரியாக எந்த நாளில் தைத்திருநாளைக் கொண்டாட வேண்டும் என்பதையும் அறிந்திருந்தார்கள் என்பதையும் நாம் அறியக் கூடியதாக உள்ளது.
இதனை சற்று ஆழமாகக் கவனிப்போம்.
பண்டைத் தமிழன் இயற்கையை வணங்கிஇ இயற்கையோடு ஒன்றிணைந்து வாழ முனைந்தவன் ஆவான்.! தன்னுடைய வாழ்க்கைக் காலத்தில் வித்தியாசமான காலப்பருவங்கள் தோன்றுவதையும் அவை மீண்டும் மீண்டும் தொடர்ந்து வருவதையும் தமிழன் அவதானித்தான். ஒரு குறிப்பிட்ட காலச் சேர்வையில்இ மழைஇ வெயில்இ குளிர்இ பனிஇ தென்றல் வாடைஇ ஆகியவை மாறிமாறித் தோன்றிஇ தமிழனின் வாழ்வை ஆண்டு வந்ததால் இந்தக்காலச் சேர்வையைத் தமிழன் ‘ஆண்டு’ என்று அழைத்தான்.-என்று அறிஞர் வெங்கட்ராமன் என்பார் கூறுவார்.
தமிழகத்தில் வானியலில் தேர்ச்சி பெற்ற அறிஞர்களை ‘அறிவர்இ பணிஇ கணியன்’ -என அழைத்தார்கள். மூவகைக் காலமும் நெறியினாற்றும் ‘அறிவர்கள்’ குறித்துத் தொல்காப்பியர் குறிப்பிடுகின்றார். அரசர்களுடைய அவைகளில் ‘பெருங்கணிகள்’ இருந்ததாகச் சிலப்பதிகாரமும் குறிப்பிடுகின்றது.
தொல்காப்பியத்திலும்இ சங்க நூல்களிலும் தென்படுகின்ற வானியற் செய்திகள் முழுமையாக உருப்பெற்றமைக்குப் பல ஆயிரம் ஆண்டுகள் தேவைப்பட்டிருக்கும் என்பதில் ஐயமில்லை.
அத்தோடு ஆரியர்களது ஊடுருவலுக்கு முன்னரேயே தமிழர்கள் வானியலில் பெரிய அளவில் முன்னேறி இருந்தனர் என்று பல் நாட்டு அறிஞர்களும் கூறியுள்ளார்கள். மேல்நாட்டு அறிஞரான சிலேட்டர் என்பவர் ‘தமிழருடைய வானநூற் கணித முறையே வழக்கில் உள்ள எல்லாக் கணிதங்களிலும் நிதானமானது’ என்று குறிப்பிட்டுள்ளார்.
தமிழகத்துப் பரதவர்கள் திங்களின் நிலையைக் கொண்டு சந்திரமானக் காலத்தைக் கணித்தனர் என்றும் தமிழகத்து உழவர்கள் சூரியன்இ திங்கள் ஆகியவற்றின் இயக்கங்களையும் பருவங்களையும் மிகத்தெளிவாக அறிந்திருந்தனர் என்றும் ஆய்வுகள் தெரிவிக்கின்றன. (யு ளுழஉயைட ர்ளைவழசல ழக வாந வுயஅடைள-Pயசவ 1)
தமிழர்கள் இயற்கையை ஆதாரமாகக் கொண்டுஇ காலத்தைப் பகுத்தார்கள். ஒரு நாளைக் கூட ஆறு சிறு பொழுதுகளாகத் தமிழர்கள் அன்றே பகுத்து வைத்தார்கள். ‘வைகறைஇ காலைஇ நண்பகல்இ ஏற்பாடுஇ மாலைஇ யாமம்’ என்று அவற்றை பகுத்து அழைத்தார்கள். அது மட்டுமல்லஇ அந்த ஆறு சிறு பொழுதுகளின் தொகுப்பையும் அறுபது நாழிகைகளாகப் பகுத்துக் கணக்கிட்டார்கள். அதாவது ஒரு நாளில் ஆறு சிறுபொழுதுகள் உள்ளன. அந்த ஆறு சிறு பொழுதுகள் கழிவதற்கு அறுபது நாழிகைள் எடுக்கின்றன என்று தமிழர்கள் பண்டைக் காலத்தில் கணக்கிட்டார்கள். ஒரு நாழிகை என்பது தற்போதைய 24 நிமிடங்களைக் கொண்டதாகும்.
அதாவது பண்டைக் காலத்தமிழர்களது ஒரு நாட்பொழுதின் அறுபது நாழிகைகள் என்பன தற்போதைய கணக்கீடான 1440 நிமிடங்களோடு-அதாவது 24 மணித்தியாலங்களோடு - அச்சொட்டாகப் பொருந்துகின்றன. தமிழர்கள் ஒரு நாட் பொழுதைஇ தற்போதைய நவீன காலத்தையும் விடஇ அன்றே மிக நுட்பமாகக் கணித்து வைத்திருந்தார்கள். என்பதே உண்மையுமாகும்.
தைப்பொங்கல் தினத்தின் முக்கியத்துவத்தைக் காட்டுகின்ற தமிழர்களின் ஆண்டுப் பகுப்பை அடுத்துக் கவனிப்போம்.
பின்னாளில் வந்த ஆரியர்கள் ஓர் ஆண்டை நான்கு பருவங்களாக மட்டும்தான் வகுத்தார்கள். ஆனால் பண்டைக்கால தமிழர்களோஇ தமக்குரிய ஆண்டைஇ அந்த ஆண்டுக்குரிய தமது வாழ்வை ஆறு பருவங்களாக வகுத்திருந்தார்கள்.
1. இளவேனில் - ( தை-மாசி மாதங்களுக்குரியது)
2. முதுவேனில் - (பங்குனி - சித்திரை மாதங்களுக்குரியது)
3. கார் - (வைகாசி – ஆனி மாதங்களுக்குரியது)
4. கூதிர் - (ஆடி - ஆவணி மாதங்களுக்குரியது.)
5. முன்பனி – (புரட்டாசி – ஐப்பசி மாதங்களுக்குரியது)
6. பின்பனி – (கார்த்திகை - மார்கழி மாதங்களுக்குரியது)
(இதைத் தவிரஇ ஓர் ஆணின் வாழ்க்கைக் காலத்தை ஒரு பெண்ணின் வாழ்க்கைக் காலத்தை ஏன் ஒரு மலரின் வாழ்க்கைக் காலத்தைக் கூடத் தமிழன் பல காலத் தொகுதிகளாக வகுத்து வைத்துள்ளான்இ என்பதானது இன்னுமொரு தளத்திற்குரிய ஆய்வுக் கருத்துக்களாகும்.!)
காலத்தைஇ அறுபது நாழிகைகைளாகவும்இ ஆறு சிறு பொழுதுகளாகவும்இ ஆறு பருவங்களாகவும் பகுத்த பண்டைத் தமிழன் தன்னுடைய புத்தாண்டு வாழ்வை இளவேனிற் காலத்தில்தான் தொடங்குகின்றான். இங்கே ஒரு மிக முக்கியமான விடயத்தை நேயர்கள் கருத்தில் கொள்ள வேண்டும்.!
பண்பாட்டுப் பெருமை கொண்ட மற்றைய பல இனத்தவர்களும்இ தங்களுடைய புத்தாண்டு வாழ்வைஇ தங்களுடைய இளவேனிற் காலங்களில்தான் ஆரம்பிக்கின்றார்கள். தமிழர்கள் மட்டுமல்லஇ சீனர்களும்இ ஜப்பானியர்களும்இ கொரியர்களும்இ மஞ்சூரியர்களும் எனஇ பல கோடி இன மக்கள் - தொன்மையான பண்பாட்டு வாழ்வினைக் கொண்ட பெருமை வாய்ந்த மக்கள்- தங்களுடைய இளவேனிற் காலத்தையே தமது புத்தாண்டாகக் கொண்டாடி வருகின்றார்கள்.
தமிழர்கள் மட்டுமல்லஇ உலகத்தில் பலகோடி வேற்று இன மக்களும் தத்தமக்குரிய இளவேனிற் காலத்தையே புத்தாண்டாக கொண்டாடி வருவதாக குறிப்பிட்டிருந்தோம். உதாரணத்திற்காக (ஜ)யப்பானிய மக்களின் புத்தாண்டை தமிழர்களின் புத்தாண்டான பொங்கல் திருநாளோடு ஒப்பிட்டுப் பார்ப்போம்.
தமிழர்-யப்பானிய பண்பாட்டு ஒற்றுமை நிலையை வெளிப்படுத்தும் நடைமுறையாகத் தைப்பொங்கல் விளங்குகிறது. யப்பானியர் தை 14ம் திகதி அன்று பழைய பயன்பாட்டுப் பொருட்களை எரிப்பார்கள். தமிழர்களும் அவ்வாறே செய்கின்றார்கள்.
தை 15ம் நாள் யப்பானியர்களும்இ தமிழர்கள் போன்று தோரணங்களை தொங்கவிட்டு புதுநீர் அள்ளிஇ பருப்புச் சேர்த்து சமைத்த பொங்கலைப் பரிமாறுகின்றார்கள். தமிழர்கள் பொங்கல் பானையில் பால் பொங்கும் போது ‘பொங்கலோ பொங்கல்’ என்று மகிழ்ச்சி ஆரவாரம் செய்வார்கள். அதே போல் யப்பானியர் தமது புத்தாண்டான தை 15ம் நாளில் குழுNமுயுசுயு - குழுNமுயுசுயு – என்று மகிழ்ச்சி ஆரவாரம் செய்வார்கள்.
தை 16ம் நாள் பணியாளர்களுக்குப் புத்தாடை வழங்கல்இ முன்னோர்க்கு படையல் செய்தல்இ கலை நிகழ்ச்சிகளை நிகழ்த்தல்இ மாடுகளுக்கு உணவளித்தல் போன்ற காரியங்களை தமிழர்கள் செய்வது போலவே யப்பானியர்களும் செய்கிறார்கள்.
பருப்புத் தவிடு பொங்க - பொங்கஅரிசித் தவிடு பொங்க - பொங்க -என்ற கருத்துப்படப் பாடப்படும் யப்பானிய வாய் மொழிப் பாடலில் ‘பொங்க-பொங்க’ என்ற சொற்களுக்கு யப்பானிய மொழியில் ‘ர்ழுNபுயு-ர்ழுNபுயு’ என்றே பாடுகிறார்கள்.
இடையில் தமிழன் மட்டும் மாறி விட்டான்! ஆளவந்த ஆரியர்களின் அடிமையாக மாறியது மட்டுமல்லாதுஇ இன்றும் கூட ஆரியர்களின் பண்டிகைகளான சித்திரை வருடப்பிறப்புஇ தீபாவளி போன்ற பண்டிகைகளைஇ தன் இனத்துப் பண்டிகைகளாக எண்ணி மயங்கிப் போய்க் கிடக்கின்றான்.
இவை குறித்து பேராசியரியர் க.பொ. இரத்தினம் அவர்கள் கீழ் வருமாறு அன்று கூறியிருந்தார்.
“சித்திரை வருடப்பிறப்பு” என்பது சாலிவாகனன் என்ற வடநாட்டு அரசனால் பின்னாளில் நிலைநாட்டப்பட்டது. இந்த அரசனுக்கு முன்னர் பல்லாயிரம் ஆண்டுகளாக நயத்தக்க நாகரிகத்துடன் வாழ்ந்த தமிழ் மக்கள் தம் நாட்டுப் பெருமகன் ஒருவனுடன் இணைந்த தொடர் ஆண்டை நிலை நாட்ட முயலாதது பெரும் விந்தையாக உள்ளது. . .(சித்திரை வருடப் பிறப்பை) வரவேற்றுஇ (அதன் மூலம் ) தமிழினத்தின் பழமையையும்இ பண்பையும்இ சிறப்பையும்இ செல்வாக்கையும் (இன்றைய தமிழர்கள்) சிதைத்து வந்துள்ளமை பெரும் வெட்கத்திற்கு இடமானதாகவும் இருக்கின்றது. தமிழ் மக்களிடையே நிகழ்ந்த மானக்கேடான நகைப்புக்கிடமான செயல் இது ஒன்று மட்டும்தானா?- தமிழ் மக்களின் கோவில்களிலே இன்று தமிழ் மொழியும்இ தமிழ் இசையும் ஒதுக்கப்பட்டுள்ளன. . .
- என்று பேராசிரியர் க.பொ. இரத்தினம் அவர்கள் மிகக் கடுமையாக விமர்சித்து இருந்தார்.
தமிழர்களின் தேசியத் திருநாளான தைப்பொங்கல் தினத்தை தமிழர்களுடைய பண்டைக் காலத்திலிருந்தே வரலாற்று வழியாகவும்இ வாழ்வியல் வழியாகவும்இ பண்பாட்டு வழியாகவும்இ வானியல் அறிவு வழியாகவும் தமிழர்கள் இனம் கண்டு அறிந்துணர்ந்து கொண்டாடி வந்துள்ளார்கள் என்பதையும் நாம் தர்க்கித்ததோடுஇ ஆரியர்கள் எம்மீது திணித்த சித்திரை வருடப் பிறப்பு குறித்தும் நாம் சில கருத்துக்களைத் தெரிவித்ததற்குக் காரணங்கள் உண்டு!
“தைப்பொங்கல் தினமானஇ தைத்திங்கள் முதல் நாள்தான் தமிழனுக்குரிய தமிழ் புத்தாண்டுத் தினமாகும்!!”
பொங்கல் திருநாள்-தமிழ்ப் புத்தாண்டுத் திருநாள்-என்பதானதுஇ சிலர் பிதற்றித் திரிவதுபோல் இந்துக்களின் விழா அல்ல! உண்மையில் இது சமய சார்பற்ற இயற்கை சார்ந்தஇ எல்லாத் தமிழர்களுக்கும் பொதுவான திருநாளாகும்.! மற்றைய எல்லாத் திருநாட்களையும் எடுத்து ஒப்பிட்டுப் பார்த்தால் அங்கே ஏதாவது ஒரு அரசனைஇ வீரனைஇ கடவுளைக் குறிப்பிட்ட ‘கதை’ ஒன்று புனையப் பட்டு அந்தத் திருநாள் உருவாகியதற்கான காரணம் ஒன்றும் கற்பிக்கப்பட்டிருக்கும்.
ஆனால் தைப்பொங்கல் திருநாள் அப்படியான ஒன்றல்ல! அது வான் சார்ந்துஇ மண் சார்ந்துஇ முழுமையான இயற்கை சார்ந்து உருவாகிய திருநாளாகும்.! இது தமிழர்களான எமக்குப் பெருமையையும் மகிழ்ச்சியையும் தருகின்ற திருவிழாவாகும்.! இத்திருநாளைப் புறம் தள்ளுவதும் இதற்கு மதம் சார்ந்த கற்பிதங்களை உருவாக்குவதும்இ தமிழினத்தை கேவலப்படுத்தும் செயல்களாகும்.!
தைப்பொங்கல் திருவிழாவிற்குச் சமயச் சாயம் பூச முற்படுபவர்களை மறைமலை அடிகளாரும் கடுமையாகச் சாடியுள்ளார். இது குறித்த வரறாற்றுப் பதிவு ஒன்றை இங்கே குறிப்பிட விரும்புகின்றோம்.
1935ம் ஆண்டு திருச்சியில் அகில தமிழர் மகாநாடு என்ற பெயரில் ஒரு மகாநாடு நடைபெற்றது. பசுமலை சோமசுந்தர பாரதியார் தலைமையில் நடைபெற்ற இந்த மகாநாட்டில் கா. சுப்பிரமணியனார்இ மதுரை தமிழவேள்இ பி.டி. இராசன்இ தெ.பொ.மீனாட்சி சுந்தரனார்இ புலவர் கா.ப. சாமிஇ திரு.வி.க. மறைமலை அடிகளார் முதலான பல தமிழறிஞர்கள் கலந்து கொண்டார்கள். தந்தை ஈ.வெ.ரா. பெரியாரும் இந்த மகாநாட்டில் கலந்து கொண்டிருந்தார். இந்த மகாநாட்டின் போது தைப்பொங்கல் சமயவிழாவா? இல்லை சமயமற்ற விழாவா? என்று பலத்த விவாதம் எழுந்தது. இறுதியாகஇ மறைமலை அடிகளார் திட்டவட்டமாகக் கீழ்வருமாறு கூறினார்.
“பொங்கலைச் சமயவிழா என்று சொல்லிச் சர்ச்சையைக் கிளப்பிக் குழப்பம் செய்ய யார் முயன்றாலும் அவர்கள் இம் மாநாட்டை விட்டு வெளியேறி விடவேண்டும். இது சமய சார்பு இல்லாத விழா! எந்த சமயத்துக்காரன்இ எந்த சாத்திரக்காரன் இந்த விழாவை எடுத்துள்ளான்? எந்தச் சூத்திரம் இதற்கு இருக்கிறது? எந்த இதிகாசம் இதற்கு இருக்கிறது? ஆனால் தமிழில் புறநானூற்றில்இ பிட்டஸ் சொற்றன் வரலாற்றில்இ கதப்பிள்ளை சாத்தனாரின் பாடலில் சான்று இருக்கின்றது. இதை என்னுடைய அருமை நண்பர் ஈ.வெ.ரா ஏற்றுக் கொண்டாலும் சரிஇ ஏற்றுக் கொள்ளாவிட்டாலும் சரி” - என்று மறைமலை அடிகளார் முழங்கினார்.
“இல்லை - நான் ஏற்றுக் கொள்கின்றேன்”- என்று ஈ.வெ.ரா. பெரியார் தெளிவாகப் பதிலுரைத்தார். அனைவரும் கையொலி எழுப்பினர். அதனையடுத்து திரு.வி.க. அவர்கள் இதனைப் பாராட்டிப் பேசினார்.
ஆகவே தைப்பொங்கல் திருவிழா என்பது ஒரு சமய விழா அல்ல! தமிழரின் பண்பாட்டு விழா! காலக் கணிப்பை மேற் கொண்டு மிகச் சரியாகத் தமது புத்தாண்டுக்குரிய இளவேனிற் காலத்தின் முதல்நாளை வகுத்தறிந்து தமிழரின் தமிழ்ப் புத்தாண்டு ஆரம்பத்தைக் கொண்டாடும் நாள்!
பொங்கல் திருநாளுக்கு முதல் நாளை ‘போகி’ (போக்கி) என்று அழைத்தார்கள். போகி என்பது போக்குஇ போதல் என்பதாகும். (ஓர் ஆண்டைப் போக்கியது- போகி-போகியது- போகி) இத்தினத்தில் பழைய பொருட்களை எரித்தல்இ பழைய குடில்களை எரித்தல் போன்ற நடைமுறைகள் மேற் கொள்ளப்படுகின்றன. (முன்னாளில் யாழ்ப்பாணத்தில் பட்டி அடைக்கின்ற வயற்குடில்களை எரிக்கும் பழைய நடைமுறை இருந்தது. ஆனால் இப்போது இந்த நடைமுறை அருகி விட்டது.)
தமிழ்ப் புத்தாண்டான தைப்பொங்கல் தினமன்று புத்தாண்டுக்குரிய சகல நடைமுறைகளும் மேற்கொள்ளப்படும். தோரணம் தொங்கவிடல்இ புதுநீர் அள்ளுதல்இ வீட்டை அழகு படுத்தலஇ பொங்கலிடுதல்இ புத்தாடை அணிதல்இ கையுறை பெறுதல் போன்ற நடைமுறைகள் மேற்கொள்ளப்படும்.
தைப்பொங்கல் தினத்திற்கு அடுத்தநாள் நடைபெறுகின்ற நடைமுறைகள் புத்தாண்டின் தொடக்கத்தை உணர வைப்பதாக உள்ளன. பயிர்ச் செய்கையிலே இணைந்து தொழிற்படும் மாடு தமிழரால் பொங்கலின் மறுநாள் சிறப்பிக்கப்பட்டு அது மாட்டுப் பொங்கல் தினமாக அறியப்பட்டது. அத்துடன் தைப்பொங்கலின் மறுநாள் உறவினர் வீடுகளுக்குச் செல்லும் நடைமுறையைக் ‘காணும் பொங்கல்’ என்று அழைப்பர். இந்த நாளில் சமைக்கப்படும் படையலின் போது மதுவும்இ புலாலும் படையற் பொருட்களாக முன்னர் விளங்கின. ஆரிய நடைமுறைக் கலப்பினால் மதுவும் புலாலும் படையற் பொருட்களிலிருந்து விலக்கப்பட தமிழரிடையே இருந்த தவப்படையல் என்ற நடைமுறை இப்போது அருகி விட்டது.
யாழ்ப்பாணத்தில் வடமராட்சிப் பகுதியில் தைப் பொங்கல் தினமன்றே தவப் படையல் செய்யப்படும் வழக்கமிருந்தது. இப்படையலில் மீன்-இறைச்சி முதலியன படைக்கப்பட்டன. இத்தினத்தில் கலை நிகழ்வுகள் அரங்கேற்ற நிகழ்வுகள் புத்தாண்டுப் போட்டிகள் போன்ற நிகழ்ச்சிகளும் இடம் பெறும்.
தமிழாண்டின் தொடக்கக் காலகட்டம் உழைப்பின் பயனைப் பெற்று மகிழும் காலகட்டமாகவும் அமைந்தது. புத்தொளி வழங்கிய கதிரவனைப் போற்றிய தமிழ் நெஞ்சம்இ உழைப்பையும் தனக்குத் துணை நின்ற உயிரையும் போற்றியது. கதிரவனின் சுழற்சியைக் கொண்ட காலக்கணிப்பைக் காட்டும் அறிவியலும்இ நன்றியுணர்வை வெளிப்படுத்துகின்ற முதிர்ந்த பண்பாடும் பொங்கல் விழாவில் போற்றப்படுவதை நாம் காணலாம்.
அன்புக்குரிய வாசகர்களே! இன்றைய நடைமுறை யதார்த்தத்தை சுட்டிக் காட்டி தர்க்கிக்கவே நாம் இவ்வாறு மேற்கோள் காட்டினோம். இல்லாவிட்டால் யார்-யார் எந்த எந்த நாளில் எந்த எந்தக் கொண்டாட்டங்களையும் கொண்டாடுவதைத் தடுப்பதற்கு நாம் யார்? எவரும் - எதையும் - எப்படியும் கொண்டாடட்டும் ஆனால் பெயரை மட்டும் சரியாக சொல்லட்டும்.
தனித்துவமான மொழியைப் பேசுகின்ற தனித்துவமான பண்பாட்டைக் கொண்டுள்ள தனித்துவமான கலைகளைக் கொண்டுள்ள தமக்கென பாரம்பரிய மண்ணைக் கொண்டுள்ள மக்கள் ஒரு தேசிய இனத்தவர் ஆவர்கள். அவர்களுக்கு சுயநிர்ணய உரிமைக் கோட்பாடு உரித்தானதாகும். என்று உலகச்சட்டமொன்று சொல்கிறது. இப்போது எமக்கு ஒரு தனித்துவமான பண்பாடு இருக்கின்றதா? என்ற கேள்வி எழுவதை தவிர்க்க முடியவில்லை.
அன்புக்குரிய எமது வாசகர்களே! தமிழனின் வாழ்க்கையையும் பண்பாட்டையும் எதிரிகள் சிதைத்தது போதாதென்று நாமும் கூட ஆரிய மாயையில் மயங்கிப்போய் எமது பண்பாட்டை இகழ்ந்தும்இ இழந்தும் வருகின்றோம். இந்தக் காலகட்டத்தில் தமிழ்ப் புத்தாண்டு தினமான தைப்பொங்கல் குறித்து சில வரலாற்று உண்மைகளை உங்களுடன் பகிர்ந்து கொள்ள முனைந்தோம். அனைவருக்கும் எமது இனிய தமிழ்ப் புத்தாண்டு வாழ்த்துக்கள்!
இந்தக் கட்டுரைக்குப் பல நூல்களும்இ ஆய்வுநூல்களும் பயன்பட்டன. முக்கியமாக தொல்காப்பியம்இ சிலப்பதிகாரம்இ எட்டுத்தொகை-பத்துப்பாட்டு தமிழர் நாகரிகமும் பண்பாடுமஇ ஒப்பியன் மொழி நூல்இ வாக்கிய பஞ்சாங்கம்இ பண்பாட்டுக் கட்டுரைகள்இ செம்பருத்தி சஞ்சிகைக் கட்டுரைகள்இ பொங்கலே தமிழ்ப் புத்தாண்டு- மலேசிய சிறப்பு மலர்இ தமிழர் யப்பானியர் வாழ்வில் தைப்பொங்கல் போன்ற நூல்கள் பேருதவி புரிந்தன. சில சொல்லாக்கங்ககளும். சொல்லாடல்களும் அப்படியே எடுத்தாளப்பட்டுள்ளன. சம்பந்தப்பட்ட அனைவருக்கும் எனது மனங் கனிந்த நன்றிகள். காலத்தின் தேவை கருதி ஏற்கனவே என்னால் எழுதப்பட்ட ஆய்வுக் கட்டுரைகளின் சில கருத்துக்கள் மீண்டும் இடம் பெற்றுள்ளன.

சோதிடம், மந்திரம் என்பவையெலாம் மோசடியே!

2007-04-10T21:21:00.001-07:00

சோதிடம், மந்திரம்
என்பவையெலாம் மோசடியே!

`மந்திரத்தால் மாங்காய் விழுமா?' என்று பொதுவாகச் சொல்லப்படுவதுண்டு. இதன் பொருள் அவ்வாறெல்லாம் நடக்காது என்பதுதான். ஆனாலும் நடைமுறையில் மக்களிடம் இருக்கும் பேராசையும், பயமும் இவற்றை யெல்லாம் நம்பும்படிச் செய்கின்றன.
ஒரே ஒரு நிமிடம் இந்த நம்பிக்கையாளர்கள் சிந்தித் தாலே மாந்திரீகத்தின் பித்தலாட்டம் தோலுரிந்து போய்விடும்.
மாந்திரிகம் செய்கிறேன் என்று சொல்லி மார்தட்டும் அந்தப் பேர்வழிகள் அதற்காக ஏராள பணம் கேட்பது ஏன்? அந்த மாந்திரிகத்தால் தன்னை வளப்படுத்திக் கொள்ள முடியாத நிலையில்தானே பணம் கேட்கிறார்கள்?
ஆசை வெட்கம் அறியாது - அச்சம் அறிவைத் தேடாது என்கிற முறையில்தான் மக்கள் நடந்து கொள்கிறார்கள். இதில் படித்தவர்கள் பாமரர்கள் என்ற வித்தியாசம் எல்லாம் கிடையாது.
தங்கள் சரகத்தில் கொலைகள் அதிகம் நடக்கின்றன என்று சொல்லி காவல் நிலையத்திலேயே மந்திரவாதிகளை அழைத்து சடங்குகளைச் செய்யும் பரிதாபம் நிகழும்போது, பொதுமக்களைப் பற்றிச் சொல்வானேன்?
மதம் - அது விளைவித்த கேடுகள் ஒன்றல்ல இரண்டல்ல! பக்தி என்ற பெயரால் புத்தியை முதலாவதாக நாசப்படுத்துகிறது - காலத்தைக் கரியாக்குகிறது - பொருளை வீணடிக்கிறது. இந்த மூன்றும் மனிதனுக்கு எவ்வளவு அவசியமானவை? இவற்றைப் பறிமுதல் செய்கிறது சோதிடமும், மந்திரமும் என்றால், ஒரு மக்கள் நல அரசாங்கம் இதற்குக் காரணமானவர்களை என்ன செய்ய வேண்டும்? கொலைக் குற்றத்தினும் கொடிய குற்றமாகக் கருதி தண்டிக்க வேண்டாமா?
அரசமைப்புச் சட்டத்தில் விஞ்ஞான மனப்பான்மையை வளர்க்க வேண்டும் என்று அடிப்படைக் கடமையாகச் சொல்லிவிட்டால் மட்டும் போதுமா? இதற்கு மாறான நடவடிக்கைகளைத் தண்டிக்க வேண்டாமா?
நான்கு நாள்களாக ஒரு செய்தி அடிபடுகிறதே! நெல்லை மாவட்டம் கல்லிடைக் குறிச்சியைச் சேர்ந்த பெண் மந்திரவாதியான பத்மினி என்பவர் மந்திரத்தின் மூலம் தொழில் வளம் பெறும், செல்வம் கொழிக்கும். கெட்டது அழியும் - இந்தந்த வகையில் காளி பூஜை செய்யவேண்டும் என்று கதைவிட்டு, ஏராளமான அளவுக்குச் சொத்துகள் குவித்தார் என்றும், வங்கிகளில் கோடிக் கோடியாக பணம் இருக்கிறது என்றும் பத்தி பத்தியாகச் செய்திகள் வந்து கொண்டு இருக்கின்றன. நாடெங்கும் முகவர்களை ஏற்பாடு செய்து மந்திரம் என்பதை ஒரு தொழில் முறையாக நடத்தி அதில் வெற்றியும் கண்டுள்ளார்.
பல நாள் திருடன் ஒரு நாள் அகப்பட நேரும் என்ற முறையிலே அந்தப் பெண் மந்திரவாதியின்மீது அளிக்கப்பட்ட புகாரின் பேரில் காவல் துறையினரால் கைது செய்யப்பட்டு, இப்பொழுது கம்பி எண்ணிக் கொண்டு இருக்கிறார்.
இதற்குமுன் மயிலாடுதுறையை அடுத்த வைத்தீ°வரன் கோயில் என்ற ஊரில் நாடி சோதிடம் என்ற பெயரில் பணம் பறிக்கும் கும்பலைச் சேர்ந்த ஒருவர்மீது வழக்குப் பதிவு செய்யப்பட்டு, நீதிமன்றமும், வீடுமாக அலைந்து கொண்டு இருக்கிறார். இவற்றிற்கெல்லாம் பிறகாவது மக்கள் விழிப்புணர்வு பெற வேண்டாமா?
சோதிடமும், மாந்திரிகமும் உண்மையானால் இவர்கள் ஏன் சட்டத்திற்குள் சிக்குகிறார்கள். சிறைச் சாலைக்குள் ஏன் தள்ளப்படுகிறார்கள்?
சாயிபாபா கதையே நாறுகிறதே! மாயாஜாலம் பெயரில் பிரதமர் நரசிம்மராவுக்குக் கொடுத்த தங்க சங்கிலி, வீடியோவில் பதிவாகி, அதன் குட்டு அம்பலமாகி விடவில்லையா? அவரிடம் ஆசி பெற்றுச் சென்ற கிரிக்கெட் விளையாட்டுக்காரர் டெண்டுல்கரின் இப்போதைய நிலை என்ன? உலகக் கோப்பைக்கான போட்டியில் முகம் வீங்கி வெளிறிப் போய் வெளியேறியதுதானே மிச்சம்?
பொது மக்கள் இத்தகு படிப்பினைகளுக்குப் பிறகாவது கொஞ்சம் சிந்திப்பார்களாக

நன்றி: விடுதலை தலையங்கம் 11-04-2007

-----------------------------------------------------------
"எங்கள் வாழ்வும் எங்கள் வளமும்
மங்காத தமிழென்று சங்கே முழங்கு"
-----------------------------------------------------------
தோழமையுடன்
க.அருணபாரதி
www.arunabharathi.blogspot.com
-----------------------------------------------------------

நாம் யார் ? தமிழனா இந்தியனா ?

2007-04-03T23:12:00.001-07:00

நாம் யார் ? தமிழனா இந்தியனா ?

க.அருணபாரதி

''தமிழ்'' என்பது ஒரு மொழி மட்டும் என்று யார் சொன்னது ?

இனம் என்பது மானுடவியல்(Anthropology) கூற்றுப்படி

மொழி, இடம், பண்பாடு, கலாச்சாரத்தின் படி இயற்கை வழிப்பட்ட ஒர் மக்கள் கூட்டமே இனமாகும்...

(இது ஓர் அறிவியல்.. யாரம் 'இனப்பிரிவினை''இனப்பாகுபாடு''இனபேதம்'' என்று கொதிக்கவேண்டாம்..)

தமிழருக்கு

ஒரு பண்பாடு (தமிழ்ப் பண்பாடு),

ஒரு மொழி (தமிழ்),

ஒரு வாழ்வியல் நெறி (திருக்குறள்),

ஒரு நிலப்பகுதி (குறி்ஞ்சி, மருதம் உள்ளிட்ட நிலங்கள்)..

இப்படி பல வகைகளில் தனித்து விளங்கும் தமிழ் ஒரு மொழி மட்டுமல்ல அது ஒர் தேசிய இனம்...

குமரிக்கண்டம் முதல் சங்கஇலக்கியங்கள் காலம்வரை அதற்கான ஆதாரங்கள் ஏராளம் இருக்கின்றன..

காண்க::

இதில் குமரிக் கண்ட வரலாறு ஆய்வு செய்யப்பட்டிருக்கிறது

http://www.tamilnet.com/art.html?catid=79&artid=13862

இதில் ஏனைய மொழி வரலாறு ஆய்வு செய்யப்பட்டிருக்கிறது

http://acharya.iitm.ac.in/mirrors/vv/literature/tlang.html

தொல்காப்பியத்திற்கு உரை எழுதிய இளம்பூரணாரிடமிருந்து ஒரு வரியை பார்ப்போம்..

ஒரு கேள்விக்கான பதிலை மழுப்பாமல், தெளிவாக பதிலாக சொல்ல வேண்டும்.. இது ஓர் இலக்கண விதி.. இதனை இளம்பூரணார் எப்படி விளக்குகிறார் பார்ப்போமா ?

''நும் நாடு யாதேனில்

தமிழ்நா டென்று ரைக்க''

அதாவது இரண்டாயிரம் வருடத்திற்கு முன்பிருந்தே ''தமிழ்நாடு'' என்கிற நாடு இருந்ததற்கான ஆதாரணமாக இதனைக் கொள்ளலாம்....

அது மட்டுமல்லாமல் சேர, சோழ, பாண்டிய மன்னர்கள் காலத்திலிருந்தே தமிழினம் ஒர் உலக வல்லரசாக வாழ்ந்து ஆண்டுகொண்டிருந்தது...

ஆனால் தமிழ் மன்னர்கள் எந்த வொரு நாட்டையும் அடிமைப்படுத்தி ஆளவில்லை.. அந்தந்த நாடுகளின் மீது படையெடுத்து வென்றதும் அங்கு ஒரு கல்வெட்டோ அல்லது தமிழர் கொடியையோ நடுவார்கள்.. பின் அந்த நாட்டை சார்ந்த ஒருவனை அரசனாக போட்டுவிட்டு சென்றுவிடுவார்கள்.. இப்படி தான் நடந்தது.

(அமெரிக்கா மற்ற நாடுகளில் அரசு அமைப்பது போல.. ஆனால் அமெரிக்கா போல தமிழக மன்னர்கள் மற்ற நாடுகளை கொள்ளையடிக்கவும் இல்லை அடிமை முறையில் நடத்தவும் இல்லை.. )

கனகவிசயன் என்ற தெலுங்கு மன்னர் ஒரு முறை கண்ணகியை தவறாக பேசிவிட்டார்.. அதனால் ஆத்திரம் கொண்ட சேர மன்னன் நெடுஞ்சேரலாதன், அவன் மீது படையெடுத்து இமயமலையிலிருந்து தமிழகம் வரை அவன் தலையில் கல்லெடுத்து வர வைத்து அந்தக் கல்லைக் கொண்டு கண்ணகிக்கு கோயில் எழுப்பியது வரலாறு... அந்த கோயில் இன்றும் சேரநாடான கேரளத்தில் இருக்கிறது...

இப்படி தமிழகம் ஒரு தனி நாடாகவும், தனித் தேசிய இனமாகவும் விளங்கியதற்கு நம்மிடம் பல வரலாற்று சிறப்புமிக்க ஆதாரங்கள் உள்ளன..

பின்னால் வந்த முகமதியர் படையெடுப்பாலும், பிற இனத்தவர் படையெடுப்பாலும் இங்கிருந்த தமிழகத்தின் நிலப்பகுதியும் ஆட்சிப்பகுதியும் சுருண்டன.. பின்னர் இந்நிலத்தை ஆண்டவர்கள் டில்லி ராஜ்யத்துடன் மக்களின் அனுமதி பெறாமலேயே இணைத்தனர்... அப்பொழுது கூட இந்தியா என்கிற நாடு உலகில் இல்லை...

சிந்து நதிக்கரையோரம், இந்தி மொழி பேசும் மக்கள், இந்து பண்பாட்டை பின்பற்றுவதால் இவை அனைத்தும் கலந்து ''இந்தியா'' என்கிற பெயர் ஏற்படுத்தப்பட்டது... அதனை நாங்கள் 'இந்தி'-'இந்து'-'இந்தியா' என்று சொல்லுவோம்..

வெள்ளையர் வந்த போது அவனை விரட்ட இந்த பரத கண்டம் எனப்பட்ட ''இந்தியத் துணைக் கண்டம்'''-{இப்பொழுதிருக்கும், இந்தியா, பாகிஸ்தான்,வங்காளதேசம் இவையணைத்தும் இந்தியத் துணைக் கண்டம்} ஒற்றுமையுடன் செயல்பட வேண்டும் என தலைவர்கள் விரும்பினர்..

அதற்காக ''பாரத தேசம், பாரத நாடு, இந்தியா'' என்கிற செயற்கையான நாடும் பெயரும் தோற்றுவிக்கப்பட்டது.. இந்தியத் துணைக்கண்டம் விடுதலையடைய எல்லோரும் பாடுபட வேண்டும் என இணைக்கப்பட்ட பல நாடுகளின் கூட்டமைப்பு தான் இந்தியா..

அதாவது இந்தியா என்கிற வார்த்தையை 1700 பிற்பட்ட இலக்கியங்களிலும் ஆவணங்களிலும் மட்டுமே காண முடியும் என்பது அனைவராலும் ஏற்றுக் கொள்ளப்பட்ட உண்மை..

இவ்வாறு தான் இந்தியா என்கிற செயற்கையான நாடு உருவானது... இந்தியாவின் அரசியலமைப்பு சட்டத்தில் எங்காவது இந்தியா ஒரு தேசம் என்று கூறிப்பிடப்பட்டுள்ளதா என்றால் இல்லை .....

அனைவரும் காண்க :: இந்திய அரசியலமைப்பு சட்டம்::http://lawmin.nic.in/legislative/Art1-242%20(1-88).doc

இதில் எங்காவது India is a Nation, Indian is our Nationality என்று பொருள் படும் படி குறிப்பிடப்பட்டிருக்கிறதா என்று பார்க்கவும்..

(குறிப்பு:: கண்ட்ரோல் + எஃப் (Ctrl+F) அழுத்தி தேடவும் )

எங்கும் கிடைக்காது.. ஏனெனில் இந்தியா ஒர் துணைக்கண்டம் என்பதையும், இந்தியா ஒர் ஒன்றியம்(யூனியன்-Union) என்பதையும் அரசியலமைப்பு சட்டம் கூறுகிறது..

அரசியலமைப்பு பிரிவு 1-ல் இவ்வரிகளை காணலாம்..

(1) India , that is Bharat, shall be a Union of States.

அமெரிக்க ஐக்கிய நாடுகள் (United States of America) -- State என்னும் வரையறைக்கு நாடுகளின் மதிப்பீடு அளிக்கப்பட்டுள்ளது அங்கு.. அங்கு நிலவுவது பிடரல்(Federal) எனப்படும் கூட்டாட்சி அமைப்பு..

அதே போன்ற அமைப்பு தான் இங்கும் இந்தியாவிலும் நிறுவப்பட்டீருக்க வேண்டும்.. ஆனால் இந்தியா Quasi-fedral எனப்படும் பாதி கூட்டாட்சி அமைப்பின் படி உள்ளது.. இதன் படி மத்திய அரசே மாநிலங்களின் மேல் அதிகாரம் செலுத்தும்..

தமிழர்கள் தனி நாடாக, தனித் தேசிய இனமாக இருந்து பின்னர் இந்திய ஒன்றியத்தில் இணைந்தனர்.. அதற்கு காரணம் இந்திய விடுதலையின் போது ஏற்பட்ட ஒற்றுமையுணர்வும், வடஇந்தியத் தலைவர்கள் மீது நமது தமிழகத் தலைவர்கள் கொண்ட பாசமும் தான் காரணம்..

அவ்வாறு இந்திய ஒன்றியத்தில் இருப்பது ஒன்றும் தவறல்ல.. ஆனால், இந்திய ஒன்றியத்தில் நாம் இணைந்து விட்டதால் நமது தேசிய இன, மொழி மற்றும் நில வரையரை அடையாளங்களையும் உரிமைகளையும் பறிப்பதற்கு அவர்கள் திட்டமிடும் போது நாம் என்ன செய்வது ??????

2000 வருடங்களாக அரியணையிலிருந்த தமிழை அகற்றிவிட்டு, இந்தி ஆங்கில மொழிகள் இங்கு வளர யார் காரணம் ??

96 சதவீதம் தமிழர்களே வாழ்ந்த தமிழ்நிலங்களான தேவிகுளம், பீர்மேடு உள்ளிட்ட பகுதிகளை தமிழர்களை கேட்காமலேயே கேரளாவிற்கு அளிக்க யார் தைரியம் கொடுத்தது ????

நமது தமிழகத்திலிருந்து மின்சாரம், உப்பு உள்ளிட்ட அத்தியாவசிய பொருட்களை பெற்றுக் கொண்டு நமக்கு நீர் கூட தர மறுக்கும் கர்நாடகத்திற்கு யார் தைரியம் அளித்தது ?

நெய்வேலியிலிருந்து மின்சாரம் யாரைக் கேட்டு தமிழகத்திற்கே விலை கொடுத்து விற்கிறது மத்திய அரசு ??

நமது மாநில எல்லைகளை நம்மைக் கேட்காமலேயே மத்திய அரசு மாற்றலாம் என்கிற அதிகாரம் அவர்களுக்கு எப்படி உள்ளது ??

காண்க:: அரசியலமைப்பு சட்டப்பிரிவு 3

ராஜஸ்தான், குஜராத் உள்ளிட்ட 4 மாநிலங்களில் அவரவர் தாய்மொழி உயர்நீதிமன்றத்திலிருக்கும் போது தமிழை மட்டும் சென்னை உயர்நீதிமன்றத்தில் கொண்டுவர மத்திய அரசு மறுப்பது ஏன் ?

இவ்வாறு பல கேள்விகளுக்கு விடை தெரியவில்லை.. இதற்கெல்லாம் பதில் அறிய விரும்பாமல் ''போனால் போகட்டும் போடா'' என்று இந்தியன் என்கிற போலி அடையாளத்தில் நான் தமிழக உரிமைகள் பறிபோவதை விரும்பவில்லை..

ஏனெனில் இந்தியன் என்பது காலத் தேவைக்கேற்ப உருவாக்கப்ட்ட அரசியல் உருவக பெயர் தான்..

இந்தியாவிற்கு பொது மொழி இல்லை.. பொது பண்பாடு இல்லை.. பொது நிலவரையறை கூட இல்லை..அப்படியிருக்க இந்தியன் என்பது இனம் அல்ல.. அதனால் நமது தேசிய இனம் தமிழே...

இந்தியன் என்கிற இனம் இதுவரை இருந்ததில்லை..

நாம் பிறப்பாலும் மொழியலும் இனத்தாலும் தமிழரே...

நாம் இந்தியர் அல்ல..

இந்தியக் குடியுரிமை பெற்ற மக்கள் தாம்..

Our Nationlity : Tamil

Our Citizenship : Citizen of India

இந்த அரசியல் கருத்துக்களை மறைத்து அதன் மூலம் லாபம் சம்பாதிக்க முயலும் வடஇந்திய பெரு முதலாளிகளும், அவர்களின் அரசியல் தரகர்களான 'இந்தி'ய தேசிய கட்சிகளும், அவர்களுக்கு ஊடகங்களான ஊடகங்களும் தான் இந்தியா ஒரு பழம்பெரும் தேசமாகவும், இந்துக்களின் தேசமாகவும் சித்தரித்து ஆதாயம் தேட முற்படுகின்றன..

அவர்களது போலி பிரச்சாரத்திற்கும் உண்மைக்கு புறம்பான பல தகவல்களையும் கொண்டு பரப்பபட்டு வரும் கோட்பாடுகள் தாம் இன்று வெகு மக்கள் கோட்பாடாகிவிட்டது.. அதனை மாற்றியமைக்க நாம் ஒற்றுமையுடன் நமது உரிமைக்காக போராட வேண்டும்..

ஞாபகம் இருக்கட்டும்.. நாம் கேட்பது யாசகம் அல்ல, ஆண்டாண்டு காலமாக நமக்கு இருக்கும் உரிமைகளை தான்...

--
-----------------------------------------------------------
"எங்கள் வாழ்வும் எங்கள் வளமும்
மங்காத தமிழென்று சங்கே முழங்கு"
-----------------------------------------------------------
தோழமையுடன்
க.அருணபாரதி
www.arunabharathi.blogspot.com
-----------------------------------------------------------

விளையாட்டுக்காளை அழிக்க வந்த விளையாட்டு

2007-03-25T20:53:00.001-07:00

கிரிக்கெட் - விளையாட்டுக்களை அழிக்க வந்த அரக்கன்

பாண்டித்துரை

கிட்டிபுல்ல காணாம் மக்க கிட்டி புல்ல காணோம். இனி கபடியும் வேணாம் மக்கா வேணாம் மக்க

நான் கடந்த நான்கு ஆண்டுகளாக கிரிக்கெட் பார்ப்பதில்லை. காரணம் மற்ற விளையாட்டுகளை ஆர்வமாக பார்பதே காரணம்.

2007 - உலககோப்பை

வழக்கம் போல தமிழகத்தில் தேர்வு நேரத்தில் வந்துள்ளது

கிரிக்கெட் போட்டிக்காக உள்டூர் விடுமுறை எல்லாம் கூட சில பகுதிகளில் அறிவிக்கப்பட்டுள்ளது.

பங்களாதேசுடன் ஆன ஆட்டத்தில் இந்தியா தோல்வியடைந்தது நண்பர்கள் வாயிலாக அறியநேர்ந்தது. அந்தோ பரிதாபம். இந்த மாதிரி குட்டி அணிகளுக்கு எதிராக வீறு கொண்டு துவைக்கும் மாஸ்டர் பேட்ஸ்மேன் சச்சினுக்கு என்னப்பா ஆச்சு!

2007 ம் ஆண்டு உலகபோப்பை போட்டிக்காக மட்டும் முதன்முதலாக அணிகளின் தரவரிசை அறிமுகபடுத்த பட்டது. ஆதில் முதல் 5 இடங்களில் இந்தியஅணியில்லை. ஆனால் உலக தரம் வாய்ந்த சச்சின் டிராவிட் கங்குலி சேவாக் என ? ஒருவேளை இவர்கள் எல்லாம் உள்ளுர் போட்டிகளில் விளையாடாமல் உலக போட்டிகளில் ஒரு போட்டியில் சிறப்பாக ஆடிவிட்டு அடுத்த ஒன்பது போட்டிகளில் கையை காலை பிடித்து விளையாடுவதாலே இவர்கள் உலகதரம் வாய்ந்த வீரர்கள் என அழைக்கப்படுகின்றனரோ அல்லது இவர்கள் போல் உலகில் யாரும் விளையாடதாலா!

அப்பப்ப சச்சின் என்ற ஒற்றை மனிதனை தலையில் தூக்கி வைத்துகொண்டல்லவா ஆடுகின்றனர். கொடுமைடா சாமி (சச்சின் மிக சிறந்த விரர் ஆனால் அவரது சாதனைகள் எல்லாம் எந்த எந்த அணிக்கெதிராக அப்படி சச்சினை மட்டும் வைத்து கொண்டு நாம் பெற்ற வெற்றிகள் எத்தனை- கிரிக்கெட வீரர் கபில்தேவ் கூறிய பத்திரிக்கை செய்தி) அவர்களை எல்லாம் சொல்ல கூடாது 5மேட்சில் தோற்று விட்டு 6வது மேட்சில் ஜெயித்ததும் தூக்கிவைத்து கொண்டாடும் ரசிகர்களை சொல்ல வேண்டும். இப்படி ஒரு ரசிகர் கூட்டம் இருக்கும் வரை இதை விடவும் கேவலமாக விளையாட தயங்ககூடாது!

பங்ளாதேஷ்உடன் ஆடிய முதல் ஆட்டத்தில்; பேட்டிங் அல்லது பீல்டிங் தேர்வுசெய்யும் வாய்ப்பு கிடைத்ததும் எந்த அண்ணன் சொல்லி பேட்டிங்கை தேர்ந்தெடுத்தார்களோ. ஆஸ்திரேலியா இலங்கை எல்லாம் குட்டி அணிகளுக்கு எதிராக 300 400 என்று எடுப்பதை பார்க்கவும் ஆசை வந்து அடிக்க கௌம்பிட்டாங்கையா கிளம்பிட்டாங்கையா. பங்களாதேஷ் கடைசி ஒரு ரன் எடுக்க ரொம்பதான் திணறியிருக்கும்னு நம்ம சச்சின் சேவாக் எல்லாம் நினைச்யிருப்பாங்க. பங்களாதேஸ் அணியினருக்கு ஒரு சலாம். இதை விட ஒரு கேவலமான ஒரு ஆட்டத்தை இந்தியா இனிச்சந்திக்காது என்று எல்லோரும் மனசை தேத்திக்குவோம் அப்படியே சந்தித்தாலும் ஆஸ்திரேலியாவில் 10 வருசததுக்கு;கு முன்னாடி தென்ஆப்பிரிக்காவல் 4 வருசத்துக்கு முன்னாடினு பழங்கதை பேசி காலத்தை ஓட்டிபுடுவாங்க.

பங்களாதேசுடன் ஆன ஆட்டம் பற்றி கிரிக்கெட் ஜாம்பவான்கள் கபில்தேவ் கவாஸ்கர் சொன்னது.

கபில்தேவ்: " பேசுவதற்கு ஒன்றும் இல்லை. அவமானமாக இருக்கிறது. எப்படி வெல்ல வேண்டும் என்று பங்களாதேசிடமிருந்து இந்தியா கற்றுக் கொள்ள வேண்டும்.

கவாஸ்கர்: பங்ளாதேஷ் வீரர்கள் மிகப் பிரமாதமாக ஆடினர். சுழற்பந்து வீச்சாள்களும் அபாரமாக பந்து வீசினர். இந்தியாவின் உலகக்கோப்பை முடிந்தது.

பெருமுடாவுடன் ஆன ஆட்டத்தில் இந்தியா 415 எடுத்து வெற்றி பெற்றதும் இன்னும் 5 அல்லது 6 பந்து யுவராஜ் நின்றிருந்தால் மற்றும் ஒரு உலகசாதனை நிகழ்திருக்கும் என்று சிலாகித்து கூறினர் என் நண்பர்கள். செத்த நாய் எப்பட கெடைக்கும் என்று காத்துகிட்டு இருந்திருப்பாங்களோ?

இலங்கையுடன் ஆன ஆட்டத்தில் இந்தியா வெற்றி பெற்று விடும் வெற்றி பெற்றதும் போன் செய்வதாக சொன்ன நண்பன் போன் செய்யாத காரணத்தால் இந்தியா தோற்று விட்டிருக்ககூடும் எனும் நம்பிக்கையில் நண்பரை தொடர்பு கொண்டேன். அழ தொடங்கி விட்டார். பின் நமக்கு நேரமே சரியில்லைங்க என்று கூறியதோடில்லாமல் அவரது பிரார்தனை நம்பிக்கை பற்றி கூறினார். பங்களாதேஷ் பெருமுடாவுடன் ஆன ஆட்டத்தில் தோற்க வேண்டுமாம் பின் முன் மேற்குஇந்தியதீவில் தான் உலககோப்பை பெற்றோம் அதுவும் தட்டு தடுமாறி அது போல இப்பவும் நடக்குமாம். இது என்ன மாயதந்திரமா? விளையாட்டா? (பங்களாதேசுக்கு வாழ்த்து சொல்ல மனசு வரலையேங்க)

இந்திய கிரிக்கெட் அணி தோற்றதில் எனக்கு ஒரு சந்தோசம் என்னன்ன சிங்கப்பூரில் பல்லாயிரகணக்கான தோழர்கள் விடுப்பு எடுத்து 5வெள்ளி ( இந்திய மதிப்பில் விடுப்பையும் சேர்த்தால் ரூபாய் 700.00) கொடுத்து பார்கின்றனர். இது சிங்கப்ப+ரில் மட்டும். இன்னபிற நாடுகளில்? இப்ப தோத்ததால் அடுத்து பார்க்கவிருந்த ஆட்டத்திற்கான பணம் விரயம் ஆகமால் தடுக்கப்பட்டுள்ளது. இதுக்காகவாவது நாம சச்சின் டிராவிட் கங்குலி சேவாக் போனி பண்ணாத டோனிக்கெல்லாம் நன்றி சொல்லனும். (எப்ப அடிப்பாங்கனு புரிஞ்சுக்கவே முடியலைப்பா)

வருகின்ற விளையாட்டுகளிலும் தோற்றுபோங்க. அப்பத்தான் மற்ற விளையாட்டுகளை இந்தியர்கள் ரசிக்கக்கூடும்.

11 முட்டாள்கள் விளையாடும் விளையாட்டை 11000 ஆயிரம் முட்டாள்கள் பார்கின்றனர் என்று மேதை பெர்னாட்சா சொன்னார். ஆனால் இந்தியர்கள் 100 கோடி மக்கள் இப்ப முட்டாள ஆகிட்டாங்களே..............

சரி ஆனது ஆனாச்சு

அடுத்து என்ன செய்யலாம்

ஆளுக்க ஒரு கருத்து சொல்லுவாங்க

எதோ நம்மலால முடிஞ்ச கருத்து நாட்டுக்கு

அடுத் 5 ஆண்டுக்கு இந்திய அணி சர்வதேச விளையாட்டு போட்டிகளில் விளையாட அனுமதிக்க கூடாது அல்லது
சச்சின் சேவாக் என்று பழம் கதையை சொல்லாமல் அவர்கள் எல்லோருக்கும் சர்வதேச போட்டிகளில் விளையாட தடை விதித்து விட்டு புதிய ஒரு அணியை உருவாக்க வேண்டும்.
மேலை நாடுகளில் போல கிரிக்கெட் அணி தனியார் நிறுவனங்களுக்காக ஆடவில்லை சர்வதேசபோட்டிகளில் விளையாடும் போது இந்தியஅணிக்காகவும் துலிப் ரஞ்சி போட்டிகளில் விளையாடும் போழுது அந்த அந்த மாநில அணிக்காகவும் விளையாடுவதால் கிடைக்கும் புகழ் விளம்பர வருமானம் அத்தனையையும் நாட்டுக்கு தந்திட வேண்டும்.
எல்லாம் வேணாம்பா 50சதவிகிதம் விளம்பர வருவாயை தரட்டுமே மற்ற விளையாட்டு போட்டிகளை வழிநடத்த பயன் பெறுமே.

நம்ம தமிழகத்தை சேர்ந்த ஓட்டபந்தய வீராங்கனை சாந்தி சரியான காலணி கூட இல்லாமல் சாதித்துள்ளார். தமிழகத்தை சேர்ந்த கால்பந்து வீரர் அகஸ்டின் தற்போதைய நிலமை நன்கு அறிந்தது. தமிழகத்தை சேர்ந்த தன்ராஜ்பிள்ளை இன்னமும் விளையாட்டிற்காக திருமணம் செய்ய வில்லை.

இவர்களுக்கெல்லாம் இந்திய அரசு என்ன செய்து விட்டது வரும்காலத்தில் என்ன செய்ய இருக்கிறது?

இப்படியே போனால் பால்தாக்கரே ராமதாசு போன்றவர்களை மக்கள் வரவேற்க தயங்க மாட்டர்கள்.

காரல் மார்க்ஸ் நினைவு நாள்

2007-03-14T01:09:00.001-07:00

காரல் மார்க்ஸ் நினைவு நாள்

டாலர் செல்வன்

தத்துவ மேதைகள் இதுவரை உலகை வர்ணனை தான் செய்திருக்கிறார்கள்.நாம் இனி
அந்த உலகை மாற்ற வேண்டும்"–காரல் மார்க்ஸ் "இதுவரை பூசாரிகளும்
மதத்தலைவர்களும் உங்களுக்கு விண்ணிலிருந்து மண்ணுக்கு வரும் சொர்க்கத்தை
காட்டிக்கொண்டிருந்தார்கள். ஆனால் நான் காட்டும் வழி உங்களை பூமியிலேயே
பொன்னுலகம் அடைய வைக்கும்…..வாழ்க்கை என்பது அறிவால் நிர்ணயிக்கபடுவது
அல்ல..உங்கள் அறிவு நீங்கள் வாழும் வாழ்க்கையால் தான்
நிர்ணயிக்கப்படுகிறது" (மார்க்ஸ் 1861)

போராட்ட வரலாறு: மார்க்ஸ் (1818 - 83) 1842′ல் ரைன்லான்ட் கஜட் என்னும்
பத்திரிக்கையின் ஆசிரியராக தனது பொது வாழ்வை துவக்கினார். ஒரெ வருடத்தில்
அரசு அந்த பத்திரிக்கையை தடை செய்து அவரையும் ஆசிரியர் பதவியில் இருந்து
தூக்கியது. மார்க்ஸ் பாரிசுக்கு குடிபெயர்ந்து பிரென்சு மண்ணில் இருந்து
ப்ருஷ்ய தொழிலாளிகளுக்காக குரல் கொடுத்தார். 1845′ல் பிரென்சு அரசு அவரை
நாடு கடத்தியது. புருஸ்செல்ஸ்ல் இருந்து தனது முதல் பொருளாதார அறிக்கையயை
வெளியிட்டார். (வறுமையின் தத்துவம்).

1847′ல் கம்யுனிஸ்ட் பிரகடனம் என்னும் வரலாற்று சிறப்பு வாய்ந்த
பிரகடனத்தை என்கெல்ஸுடன் சேர்ந்து வெளியிட்டார்.உடனடியாக அவர்
பெல்ஜ்யத்திலிருந்து வெளியெற்றப்பட்டார்.பிரன்சு அரசும் அவரை ஆயுத
புரட்சியில் ஈடுபட்டார் என்று குற்றம் சுமத்தி அவரை நாடு
கடததியது.அவருக்கு எந்த நாடும் இடம் தர முன்வரவில்லை. "நாடற்ற நபர்"
என்று அவர் அறிவிக்கபட்டார்.ரத்தச்சிவப்பு வண்ணத்தில் தனது
பத்திரிக்கையில் அதன் கடைசி இதழை வெளியிட்டு விட்டு குடும்பம்
குட்டியோடு(1843′ல் திருமணம் செய்து கொண்டார்) நாடோடியாக நாடு நாடாக
சுற்றினார்.எந்த நாடும் அடைக்கலம் தரவில்லை.1849′ல் பிரிட்டன் மட்டுமே
அடைகலம் தந்தது. சாகும் வரை பிரிட்டனில் வாழ்ந்தார். வறுமையிலும்,
வியாதிகளிலும் பிடிக்கபட்டார். அவரின் பல குழந்தைகள் பசியால் செததன.மனைவி
நரம்பு வ்யாதியால் பாதிக்கபட்டார்.

எங்கெல்ஸ் கஷ்டப்பட்டு செய்த பண உதவி மட்டுமே அவர் பசியை அவ்வப்போது
ஆற்ற்யது ஆனால் இந்த 35 ஆண்டுகளில் அவர் மாபெரும் எழுத்து புரட்சியை
செய்தார்.நரம்பு வியாதி வந்த போதும் பிரிட்டிஷ் மியுசியத்துக்கு சென்று
தனிஅறையில் அமர்ந்து எழுதினார். டாஸ் காபிடல் என்னும் புரட்சியாளர்களின்
வேதநூலை அவர் 1867′ல் வெளியிட்டார்.வறுமையிலும் வியாதியிலும் 1883′ல்
அவர் இறந்தார். அவரது கல்லறையில் நடந்த இரங்கல் கூட்டத்தில் எஙெல்ஸ்
கண்ணீர் உரை ஆற்றினார்.அனைத்து போராளிகளின் தந்தை என்று மார்க்ஸை அவர்
குறிப்பிட்டார். "போரட்ட உணர்வு மார்க்ஸின் இணைபிரிக்கமுடியாத குணம்"
என்றார் எங்கெல்ஸ். "அவர் போராட்டத்தை நேசிக்கவில்லை காதலித்தார்."
என்றார் எங்கெல்ஸ்

இருக்கும் உலகை வைத்து மார்க்ஸ் திருப்தி அடையவில்லை.ஒரு புது உலகை அவர்
அமைக்க விரும்பினார்.பெண்ணியம் முதல் போராடும் அனைத்து துறைகளுக்கும்
தலைவரும், தந்தையும் காரல் மார்க்ஸ் தான்.பின்னவீனத்துவ தத்துவ மேதைகள்
படைத்த அற்புத துறைகளுக்கு தாயாய் இருப்பது மார்க்சியமே மார்க்ஸ் தனது இள
வயதில் கெகல்( G.W.F. Hegel) என்ற தத்துவ அறிஞரின் சிஷ்யனாக
இருந்தார்.ஆனால் பின்னாளில் கேகலின் தத்துவங்களை நடைமுறைக்கு ஒத்துவராதவை
என்று கடுமையாக சாடினார்."கெகல் சொன்னது சிந்தனைக்கு மட்டுமே
விருந்து.நடைமுறைக்கு அல்ல" என்று கிண்டலும் அடித்தார் மார்க்ஸ் மதங்களை
வெறுத்ததும் இதனால் தான்.அவற்றால் எந்த நடைமுறை பயனையும் அவர் காணவில்லை.
இப்பொதைய பசிக்கு அவை எதுவும் செய்வதில்லை, அவை காட்டும் மோட்சம்
இறந்தபிறகே அடையகூடியது என்பதை உணர்ந்ததும் அவர் வருத்தம்
அடைந்தார்.ஆனால் மதங்கள் மனிதனின் தற்போதய வாழ்வை இறந்தபின் வரும்
சொர்க்கதிற்க்காக தியாகம் செய்ய சொல்வதை உணர்ந்ததும் அவர் கடும் கோபம்
அடைந்து 'மதம் மனிதனின் எதிரி' என்று சாடும் அளவுக்கு அவர் சென்றார்.

நடைமுறை வாழ்வில் பயனளிக்காத எந்த ஒரு தத்துவத்தயும் எதிர்த்தவர்
மார்க்ஸ். கெகலை அவர் சாடியதும் அதன் அடிப்படையில் தான். ஆனால் கெகலின்
அடிப்படை சித்தாந்தமான "சமூக கட்டமைப்புகளும் அரசுகளும் மனிதனின் சுய
தேடலின் உருவாக்கம்" என்பதை அவர் ஒப்புக்கொண்டார்.மார்க்ஸியம் என்பதை
'அந்த சுயதேடல் இன்னும் முடிவடையவில்லை' என்ற தத்துவத்தை அடிப்படையாக
கொண்டு உருவாக்கினார். மனிதன் உருவாக்கிய சமூக அமைப்புகளை அவர்
வலியோனுக்கும் மெலியோனுக்கும் இடையே நடைபெற்ற யுத்த களமாக
பார்த்தார்.ஆண்டாண்டு காலமாக வலியோனே வெற்றி பெற்று தனக்கு சாதகமான
சமூகத்தை,அரசை,சட்டத்தை உருவாக்கினான்.நாளடைவில்
அச்சட்டம்,சமூகம்,சமுதாயம்,அரசு இவை அனைத்தும் வலியோனை மேலும் மேலும்
வலியோனாக்கியது. கானகத்தில் உருவான "வல்லவன் வாழ்வான்" என்ற விதி 19ம்
நுற்றாண்டு ஐரொப்பிய சமுகத்திலும் நிலவியதை அவர் கணடார். இந்த விதியே
இதுவரை உருவான அனைத்து சமுகங்களயும் படைத்தது என்பதையும் அவர் கண்டார்.

வலியோனுக்கும் மெலியோனுக்கும் நடைபெறும் யுத்ததை அவர் "வர்க்க போராட்டம்"
என்று வர்ணித்தார்.அவர்கள் இருவரும் ஒருங்கினைந்து வாழ முடியும் என்பதை
அவர் நம்பவில்லை. புலியும், புள்ளிமானும் எங்காவது கூடி வாழ முடியுமா?
மெலியோன் என ஒருவன் இருப்பதால் தான் வலியோன் என ஒருவன் இருக்கிறான்.
மெலியோனை சுரண்டி தான் வலியோன் வாழ முடியும். வலியோன் வாழ்வான் என்ற
விதியை மார்க்ஸ் மறுக்கவில்லை. மெலியோன் தனது விதியை போராட்டம் மூலம்
மாற்றி அமைக்க முடியும் என அவர் நம்பினார்.மெலியோன் வலியொனாவதெ அவன்
முன்னேற வழி என அவர் நினைத்தார்.

ஐரொப்பிய சமூகம் முன்னெறியது என்பதை மார்க்ஸ் ஒத்துக்கொள்ளவில்லை.
ரோமானியா காலத்து அடிமைகளையும் தற்போது உள்ள பஞ்சாலை தொழிளாலிகளையும்
ஒப்பிட்டு பார்த்தால் பெரிதாக எந்த வித்யாசமும் இல்லை என்று அவர்
சொன்னார்.

அனுப்பியவர்: தியாகு seewtypie2000@gmail.com

காவிரித் தீர்ப்பும் களவு போன உரிமையும்

2007-03-07T03:27:00.001-08:00

காவிரித் தீர்ப்பும்
களவு போன உரிமையும்
பெ.மணியரசன்

நாற்புறமும் பகைவர் சூழ நடுவில் சிக்கிக் கொண்டுள்ளது தமிழினம். மேற்புறத்தில் கன்னடர்கள், கீழ்ப்புறக் கடலில் சிங்களர், தென்மேற்கில் மலையாளிகள், வடக்கே தெலுங்கர்@ உச்சந்தலையிலோ தில்லியர்.

இந்த எதிரிகளுக்கு முகம் கொடுக்கும் ஆற்றல் தமிழினத்திற்கு இருக்கிறதா ? முகம் கொடுப்பதென்ன, எதிரிகளை முறியடிக்கும் ஆற்றலே தமிழினத்திற்கு உண்டு. ஆனால்...

மயக்கத்தில் ஒரு பகுதி, உறக்கத்தில் ஒரு பகுதி, குழப்பத்தில் சிறு பகுதி, கொந்தளிப்பில் மறுபகுதி@ இதுவே இன்றையத் தமிழ் இனத்தின் நிலை.

தமிழர்களுக்குக் கட்சித் தலைவர்கள் இருக்கிறார்கள். ஆனால் அரசியல் தலைவர்கள் இல்லை. உண்மையைச் சொல்வதெனில், அரசியல் அனாதையாகத் தமிழினம் இன்றுள்ளது. புரட்சிகரத் தமிழ்த் தேசியம் இப்பொழுது தான் முகிழ்த்து வருகிறது. போதிய வலிவினை இனிமேல் தான் அது பெற வேண்டும்.

தண்ணீரின் அருமையைக் கூட அறிய முடியாத வகையில் தமிழ் மக்களைத் தேர்தல் அரசியல், உறக்கத்திலும் மயக்கத்திலும் ஆழ்த்தியுள்ளது.

  நீர்இன்று அமையாது உலகெனின், யார்யார்க்கும்
  வான்இன்று அமையாது ஒழுக்கு.
        -திருவள்ளுவர்

  நீர்இன்று அமையா யாக்கைக்கு எல்லாம்
  உண்டி கொடுத்தோர் உயிர் கொடுத்தோரே
  உண்டி முதற்றே உணவின் பிண்டம்
  உணவெனப் படுவது நிலத்தோடு நீரே
  நீரும் நிலனும் புணரியோர் ஈண்டு
  உடம்பும் உயிரும் படைத்திசி னோரே
     - குடபுலவியனார், புறநானூறு -18

இப்பொழுது பெட்ரோலுக்காக ஈராக்கில் படையெடுத்திருக்கிறது அமெரிக்க ஐக்கிய நாடுகள். அமெரிக்காவின் அக்கம் பக்கம் உள்ள நாடல்ல ஈராக். பத்தாயிரம் கிலோமீட்டருக்கு மேல், தொலைவுள்ள ஈராக்கின் மீது படையெடுத்து, தனது நாட்டிற்கு பெட்ரோலியத்தைக் கொள்ளையிட்டுச் செல்கிறது. அமெரிக்க ஐக்கிய நாடுகளில் ஏராளமாக பெட்ரோல் கிடைக்கிறது. அதை எடுக்காமல் சேமிப்பில் வைத்துள்ளது அந்நாடு. எதிர்காலத் தேவைக்கு அந்த இருப்பு இன்றியமையாததாம்.

வருங்காலத்தில் ஒரு நாட்டின் தண்ணீர் வளத்தைக் கைப்பற்றுவதற்காக நாடுகளுக்கிடையே போர் நடக்கும் என்று இந்தியக் குடியரசுத் தலைவர் அப்துல் கலாம் கூறுகிறார். அப்போர் அணுஆயுதப் போராக இருக்கும் என்று எச்சரிக்கிறார். இக்கருத்தைத் தமிழ்நாட்டு வெலிங்கடன் இராணுவப் பயிற்சிக் கல்லூரியில் 24.02.2007 அன்று பேசியுள்ளார்.(தினமலர் 25.02.2007).

'முதல் உலகப் போர் நாடுகளைப் பிடிப்பதற்கு நடந்தது. இரண்டாவது உலகப் போர் அரசியல் கொள்கைகளுக்காக நடந்தது. அண்மையில் நடந்த ஈராக் போர் எண்ணெய் வளத்தைக் கைப்பற்ற நடந்தது. எதிர்காலத்தில், தண்ணீர், எண்ணெய், இயற்கை வாயு, தங்கம், யுரேனியம், தோரியம் போன்ற வளங்களைக் கைப்பற்றவும் போர் நடக்கும்."

'இந்தப் போரில் அணு ஆயுதங்களின் பயன்பாடே மிக அதிக அளவில் இருக்கும். மேலும், கொள்ளை நோயை உண்டாக்கும் கிருமிகளை வெளியேற்றுவது, மனித உயிரைப் பறிக்க ரசாயனங்களைப் பயன்படுத்துவது போன்றவை முக்கியமானவை"

குடியரசுத் தலைவரின் எச்சரிக்கையைப் படிக்கும் போதே, நம் எதிர்காலத் தலை முறையினர் என்ன பாடுபடப் போகின்றார்களோ, என்ன ஆகப் போகிறார்களோ என்ற கவலை மனதைக் கவ்விக் கொள்கிறது.

காலங்காலமாகக் காவிரியில் தமிழர்க்கிருந்து வந்த உரிமையைக் கருவறுக்கும் வகையில் நடுவர்மன்ற இறுதித் தீர்ப்பு வந்த பின்னும், எதுவுமே நடக்காதது போல் நம் தமிழ் மக்கள் இருப்பது நமது கவலையை மேலும் அதிகப்படுத்துகிறது.

மக்களைக் குற்றம் சொல்வது சரியல்ல. ஊடகங்களும் கட்சித் தலைமைகளும் கட்சி ஏடுகளும் தவறான தகவல்களைத் தமிழ் மக்களுக்குத் தந்தன@ தந்து கொண்டுள்ளன.

காவிரி நடுவர் மன்றம் இறுதித் தீர்ப்பு வழங்கிய 5.02.2007 அன்று காலையிலிருந்தே தில்லி ஆங்கிலத் தொலைக் காட்சிகளான என்.டி.டிவி, சி.என்.என்- ஐ.பி.என் போன்றவை, 'இன்று காவிரித் தீர்ப்பு: எதிர்பாருங்கள்-சிறப்புச் செய்திகள்" என்று அறிவித்துக் கொண்டிருந்தன. தமிழ்த் தொலைக்காட்சிகளில் மக்கள் தொலைக்காட்சியைத் தவிர மற்றவை இதை கண்டு கொள்ளவே இல்லை.

அன்ற பிற்பகல் 2 மணிக்குத் தீர்ப்பு வழங்கப்பட்டது. உடனே மேற்கண்ட ஆங்கிலத் தொலைக்காட்சிகள் செய்தி வெளியிட்டு, அது தொடர்பான நேர்காணல்களை ஒளிபரப்பின. கர்நாடகாவில் பெங்களுர்-மைசூர் ஆகிய இடங்களிலிருந்து நேர்காணல்களை- மக்கள் பிரதிபலிப்புகளை நேரடியாக ஒளிபரப்பின. தமிழ் நாட்டிலிருந்தும் சில நேர்காணல்களை நேரடி ஒளிபரப்புச் செய்தன.

தமிழகத்திற்கு 419 ஆ.மி.க(ஆயிரம் மில்லியன் கனஅடி - வு.ஆ.ஊ), கர்நாடகத்திற்கு 270 ஆ.மிக, புதுவைக்கு 7 ஆ.மி.க என்று அவை செய்தி வெளியிட்டன. அப்போது தமிழ்த் தொலைக்காட்சிகளான சன், ஜெயா, ராஜ் போன்றவற்றில் திரைப்படம், தொடர்கதைகள், கூத்து கும்மாளம் என்று நிகழ்ச்சிகள் நடந்து கொண்டிருந்தன.

இது பற்றி செய்தி அலசல் நடத்திய மக்கள் தொலைக்காட்சி தமிழகத்திற்கு கர்நாடகம் தர வேண்டியது 419 ஆ.மி.க. என்ற கருத்திலேயே விவாதம் நடத்திக் கொண்டிருந்தது. அதில் கலந்து கொண்ட தலைவர்களும் அதே கருத்தில் பேசிக் கொண்டிருந்தனர்.

2.30 மணிக்கெல்லாம், தமிழகத்திற்குக் கர்நாடகம் தரவேண்டியது 192 ஆ.மி.க. என்றும் அதில் 7 ஆ.மி.க. வை தமிழகம் புதுவைக்குத் தர வேண்டும் என்றும் மேற்படி ஆங்கிலத் தொலைக்காட்சிகளில் செய்தி வெளியானது.

சற்றேறக் குறைய 4 மணிவாக்கில் தான் மக்கள் தொலைக்காட்சி அலசலில் 192 ஆ.மி.க. என்ற விவரம் பேசப்பட்டது. இக்கட்டுரையாளரிடம் தொலைபேசி வழி கருத்துக் கேட்ட போது, 'இது மோசடித் தீர்ப்பு" என்று கூறினார். 'இத்தீர்ப்பை எதிர்த்து நாளையும் நாளை மறுநாளும், சென்னை, சிதம்பரம், திருத்துறைப்பூண்டி, தஞ்சாவூர், மதுரை, கோவை, சேலம், ஓசூர் ஆகிய இடங்களில் த.தே.பொ.க மற்றும் தமிழ்த் தேசிய முன்னணி சார்பில் கண்டன ஆர்ப்பாட்டங்கள் நடைபெறும்" என்றார்.

சிறிது நேரம் கழித்து மருத்துவர் இராமதாசின் தொலைபேசி நேர்காணல் ஒளிபரப்பானது. அதில் அவர் தெளிவாக 192 ஆ.மி.க என்றும், இது குறைவானது என்றும் கூறினார்.

சன் தொலைக்காட்சியில் 419 ஆ.மி.க தமிழகத்திற்கு என்ற செய்தியைத் தொடர்ந்து போட்டுக் கொண்டிருந்தார்கள். தீர்ப்பு வந்த போது, தமிழக முதலமைச்சர் கலைஞர் கருணாநிதி தில்லியில் இருந்தார். அவருடைய கருத்து தொலைக்காட்சிகளில் வந்தது. 'ஞாயத்தீர்ப்பு@ ஆறுதல் அளிக்கிறது" என்றார். அப்போது முதல்வருடன் தில்லியில் இருந்த தமிழகப் பொதுப்பணி அமைச்சர் துரைமுருகன், 'மகிழ்ச்சி, மகி;ழ்ச்சி" என்று ஆனந்தக் கூத்தாடினார்.

மறுநாள் காலை வந்த தினத்தந்தியில் தலைப்பில் கொட்டை எழுத்தில் 'காவிரியில் தமிழகத்திற்கு 419 டி.எம்.சி" என்றும் அதன் கீழே அதை விட சிறிய எழுத்தில் கர்நாடகம் தர வேண்டியது 192 டி.எம்.சி என்றும் செய்தி வெளியி;டப்பட்டது. சி.பி.எம் நாளிதழான தீக்கதிர் 'தமிழகத்திற்கு 419 டி.எம்.சி தண்ணீர்" என்று எட்டுக் கலக் கொட்டைச் செய்தி வெளியிட்டது. அதே போல் சி.பி.ஐ ஏடான ஐனசக்தி 'தமிழகத்திற்கு 419 டி.எம்.சி" என்று முதல் பக்கத் தலைப்புச் செய்தி வெளியிட்டது.

தினமணி 'தமிழகத்துக்கு 192 டி.எம்.சி" என்றும், தினமலர் 'தமிழகத்துக்கு 185 டி.எம்.சி" என்றும் செய்தி வெளியிட்டன.

இன்றுவரை தமிழக முதல்வரும் பொதுப்பணி அமைச்சர் துரைமுருகனும் காவிரித் தீர்ப்பு ஞாயமானது என்றும், கர்நாடகத்திற்குத் தான் கொஞ்சம் அதிகமாகக் குறைந்து விட்டது என்றும் கூறிக் கொண்டுள்ளனர்.

'இத்தீர்ப்பு தமிழ்நாட்டிற்குப் பாதகமானது@ உச்சநீதி மன்றத்தில் வழக்குத் தொடுக்க வேண்டும்@ இப்பொழுது கொடுத்ததை நடைமுறைப்படுத்தச் சொல்ல வேண்டும்" என்று, காலதாமதமாக 7.02.2007 அன்று ஒருநாள் மட்டும் காரசாரமான அறிக்கை வெளியிட்டதோடு அமைதியாகிவிட்டார் ஜெயலலிதா.

'நடுநிலையில் வழங்கப்பட்ட தீர்ப்"பென்று சி.பி.ஐ செயலாளர் தா.பாண்டியன் நாக்குத் தெறிக்க ஒலித்தார். சி.பி.எம், இத்தீர்ப்பை நிறைவேற்றுவதற்குரிய ஏற்பாடுகளைச் செய்ய வேண்டும் என்று கூறியது. திருமாவளவன் கலைஞர் நிலைபாட்டுடன் முரண்பாடு வந்துவிடாமல், 'இத் தீர்ப்பை செயல்படுத்துவதற்குரிய ஏற்பாடுகளைச் செய்ய வேண்டும்" என்று கூறினார். தமிழகக் காங்கிரசும் இதே பாணியில் தான் பேசியது.

ஊடகங்களும் அரசியல் கட்சிகளும் இவ்வாறு, மயக்கத்தையும் குழப்பத்தையும் ஊட்டினால் மக்கள் என்ன செய்வார்கள்? உழவர்கள் என்ன புரிந்து கொள்வார்கள்? எனவே தான் மக்களைக் குறை சொல்வதில் பயனில்லை என்கிறோம்.

தீர்ப்பின் சாரம் என்ன ?
காவிரியில் கர்நாடகம், தமிழகம், கேரளம் ஆகியவற்றுக்குக் கிடைக்கும் மொத்த நீர் 740 ஆ.மி.க. கர்நாடகத்தில் ஏமாவதி, ஏரங்கி, கேரளத்தில் உற்பத்தியாகி வரும் கபினி போன்ற காவிரித் துணை ஆறுகளின் நீரும், தமிழகத்தில் பவானி, அமராவதி, நொய்யல் ஆகிய துணை ஆறுகளின் நீரும் சேர்த்து காவிரியின் மொத்த நீர் 740 ஆ.மி.க என்று நடுவர் மன்றம் கணக்கிட்டது. அதாவது தலைக்காவிரியிலிருந்து தமிழக அணைக்கரை வரை காவிரியில் சேரும் மொத்த நீர் இது. இது 50 விழுக்காடு சார்புத் தன்மை கொண்டது.

சார்புத் தன்மை என்பது என்ன? 100 ஆண்டுகளில் ஓடிவந்த நீரில் 50 ஆண்டுகள் எந்தக் குறிப்பிட்ட அளவுக்கு சமமாக அல்லது சற்றுக்கூடுதலாக நீர் வந்ததோ அந்தக் குறிப்பிட்ட அளவு 50 விழுக்காடு சார்புத் தன்மை கொண்டது. இவ்வாறான 50 விழுக்காடு சார்புத் தன்மை கொண்ட அளவானது 740 ஆ.மி.க. இதன் பொருள் ஓர் ஆண்டு மொத்த நீர் 740 ஆ.மி.க கிடைக்கும். அதன் அடுத்த ஆண்டில் அந்த அளவு தண்ணீர் கிடைக்காது என்பதாகும். ஓர் ஆண்டு விட்டு ஓர் ஆண்டில் தான் 740 ஆ.மி.க. தண்ணீர் காவிரியில் கிடைக்கும்.

75 விழுக்காடு சார்புத் தன்மை என்பது: 100 ஆண்டுகளில் ஓடிவந்த நீரில் எந்தக் குறிப்பிட்ட அளவுக்குச் சமமாக அல்லது சற்று கூடுதலாக 75 ஆண்;டுகள் தண்ணீர் கிடைத்ததோ அந்த குறிப்பிட்ட அளவு 75 விழுக்காடு சார்புத் தன்மை உடையதாகும். இவ்வாறான 75 விழுக்காடு சார்புத் தன்மை கொண்ட தண்ணீர் அளவு 671 ஆ.மி.க. இதன் பொருள் 100 ஆண்டுகளில் 75 ஆண்டுகள் 671 ஆ.மி.க. அல்லது சற்றுக்கூடுதலாக தண்ணீர் ஓடிவந்தது என்பதாகும். அதாவது 4 ஆண்டுகளில் மூன்றாண்டுகள் மேற்கண்ட அளவு தண்ணீர் கிடைக்கும். ஓராண்டு அதைவிடக் குறைவாகத் தண்ணீர் கிடைக்கும்.

இந்திய அரசு 1972 சூன் மாதம் அமைத்த காவிரி உண்மை அறியும் குழு, கர்நாடகம், தமிழகம், கேரளம் ஆகிய மாநிலங்களில் 50 விழுக்காட்டு சார்புத் தன்மையில் கிடைக்கும் மொத்த நீர் 740 ஆ.மி.க. என்றும், 75 விழுக்காட்டு சார்புத் தன்மையில் கிடைக்கும் நீர் 671 ஆ.மி.க. என்றும் முடிவு செய்தது.

நடுவர் மன்றம், 50 விழுக்காட்டு சார்புத் தன்மையை எடுத்துக் கொண்டு 740 ஆ.மி.க. என்று தீர்மானித்தது. அவ்வழக்கில் தமிழ்நாடு, 75 விழுக்காட்டு சார்புத் தன்மையை எடுத்துக் கொள்ளும்படி வற்புறுத்தியது. ஆனால் நடுவர் மன்றம் அதை ஏற்காமல், ஓராண்டில் 740-ம் அடுத்த ஆண்டில் அதைவிடக் குறைவாகவும் வரக்கூடிய 50 விழுக்காட்டு சார்புத் தன்மையை எடுத்துக் கொண்டது. இது கர்நாடகத்தின் கருத்துக்கு இணக்கமானது.

1924ஆம் ஆண்டு காவிரி ஒப்பந்தம் 75 விழுக்காட்டு சார்புத் தன்மையை எடுத்துக் கொண்டு மொத்த நீர் 671 ஆ.மி.க. என்று முடிவு செய்திருந்தது. இதில் 489 ஆ.மி.க. தமிழகத்திற்கும், 177 ஆ.மி.க. கர்நாடகத்திற்கும், 5 ஆ.மி.க. கேரளத்திற்கும் ஓதுக்கியது.

1924 ஒப்பந்தம் ஞாயமானதே என்பதை 1972-ல் அமைக்கப்பட்ட உண்மை அறியும் குழு அளித்த புள்ளிவிவரங்கள் மெய்ப்பிக்கின்றன.

சார்புத் தன்மை : 50 மூ
மொத்த நீர் : 740 ஆ.மி.க

1934-1972 வரை
மேட்டூர் வந்த சராசரி     : 376.8 ஆ.மி.க.
கர்நாடகம் பயன்படுத்திக் கொண்ட சராசரி : 155.6 ஆ.மி.க.
கேரளம் பயன்படுத்திக் கொண்ட சராசரி     :     3.0 ஆ.மி.க.
                                                                        ----------------------------
                                                                               540.4 ஆ.மி.க.

தமிழ்நாட்டில் மேட்டூருக்குக் கீழ் கிடைத்த நீர் : 196.6 ஆ.மி.க.
----------------------------
737.0 ஆ.மி.க.

தமிழ்நாடு மொத்தம் பயன்படுத்திக் கொண்ட சராசரி நீர் : 573.4 ஆ.மி.க.

தமிழ்நாட்டில் காவிரிப் பாசனம் பெற்ற மொத்த நிலப்பரப்பு : 25,30,000 ஏக்கர்

கர்நாடகம் 177 ஆ.மி.க. வரை பயன்படுத்திக் கொள்ள உரிமை இருந்தும் அதனால் பயன்படுத்திக் கொள்ள முடிந்தது 155.6 ஆ.மி.க. மட்டுமே. காரணம் அம்மாநிலம் மலைப்பகுதி நிறைந்தது@ வேளாண் வளர்ச்சி கன்னடர்களிடையே மிகவும் பிற்காலத்தில் தான் தொடங்கியது.

உண்மை அறியும் குழு புள்ளி விவரத்தில் தமிழகப் பாசனப்பரப்புப் பகுதிகள் சில சேர்க்கப்படவில்லை. சிறுபாசன விரிவாக்கங்களையும் சேர்த்து இப்பொழுது தமிழ்நாட்டில் நடைமுறையில் காவிரி பாசனப்பரப்பு 29,30,000 ஏக்கர் உள்ளது. இது நடுவர் மன்றத்தில் தமிழகம் முன்வைத்துள்ள கணக்கு.

மேட்டூர் அணை 1934-ஆம் ஆண்டு திறக்கப்பட்டது. அதன் 50வது ஆண்டுவிழா 1984-இல் கொண்டாடப்பட்டது. 1974-ஆம் ஆண்டிலிருந்தே 1924 ஓப்பந்தம் காலாவதி ஆகிவிட்டதாகக் கர்நாடகம் வல்லடி வழக்கு பேசி, தமிழகத்திற்குரிய நீரைத் திறந்துவிட மறுத்துவிட்டது.

அப்படி இருந்தும் 1934-84 இடையே உள்ள 50 ஆண்டுச் சராசரி நீர் கர்நாடகத்திலிருந்து மேட்டூருக்கு வந்ததைக் கணக்கிட்டார்கள். அது ஆண்டுக்கு 361.3 ஆ.மி.க. (சான்று: வுhந ஐசசபையவழைnநுசய - மேட்டூர் பொன்விழா மலர், தமிழகப் பொதுப்பணித் துறை-1984)

மொத்த நீர் 740 ஆ.மி.க. என்றால் தமிழகத்திற்குக் கர்நாடகத்திலிருந்து வர வேண்டிய நீர் 376.8 ஆ.மி.க.(1972 வரை), 361.3 ஆ.மி.க. (1984 வரை)

ஆனால் நடுவர் மன்றம் 740 ஆ.மி.க மொத்த நீர் என்று கூறிவிட்டு வெறும் 192 ஆ.மி.க நீர் கர்நாடகம் தந்தால் போதும் என்று கூறியுள்ளது. 1972-இல் இருந்ததைவிட 184.8 ஆ.மி.க. குறைத்துவிட்டது. நடுவர் மன்றம் தனது இறுதித் தீர்ப்பில் தமிழகத்திற்கு இழைத்திருக்கும் தீங்கு கொஞ்ச நஞ்சமா? திருத்திக் கொள்ளக் கூடிய தவறா? இட்டு நிரப்பக் கூடிய இறக்கமா? அதல பாதாளத்தில் தமிழகத்தை தள்ளிவிட்டுள்ளது நடுவர் மன்றம்.

இதை நியாயத் தீர்ப்பு என்கிறார் தமிழக முதல்வர் கருணாநிதி! ஆறுதல் அளிக்கிறது என்று கூறுகிறார்@ மறு ஆய்;வு மனுச் செய்து சிற்சில குறைகளைப் போக்கிக் கொள்ளலாம் என்கிறார்.

நடுவர் மன்றம் கர்நாடகத்திற்கு வாரி வழங்கியது எவ்வளவு? 270 ஆ.மி.க. 1972-இல் உண்மை அறியும் குழு கண்டறிந்த படி கர்நாடகம் பயன்படுத்திய நீர் 155.6 ஆ.மி.க. இது 740 ஆ.மி.க. மொத்த நீருக்கான கணக்கு.

ஆனால் நடுவர் மன்றம் 114.5 ஆ.மி.க கூடுதலாகச் சேர்த்து 270 ஆ.மி.க. வை வழங்கியுள்ளது.

நடுவர் மன்றம் லாட்டரிக் குலுக்கல் போல் 'கன்னடர்களுக்கு பம்பர் பரிசு" வழங்கியுள்ளது. ஆனால் அவர்கள் அதையும் எதிர்த்துக் கலகம் செய்கிறார்கள். ஓரு சொட்டுத் தண்ணீர்கூடத் தமிழகத்திற்குத் தரக்கூடாது என்பது தான் கன்னடர்களின் கட்சி.

நடுவர் மன்றம் திட்டமிட்டே மோசடித் தீர்ப்பு வழங்கியுள்ளது. திருடர்கள் திருடும் அவசரத்தில் சில தடயங்களை விட்டுச் செல்வது போல் நடுவர் மன்றம் தனது அநீதியை அடையாளம் காட்டக்கூடிய தடயங்களை விட்டு வைத்துள்ளது.

நடுவர்மன்றக் கணக்கின்படி மொத்த நீர் 740 ஆ.மி.க.

இதில் சுற்றுச்சூழலுக்கு 10 ஆ.மி.கவும் தவிர்க்க முடியாமல் கடலில் கலக்கும் நீராக 4 ஆ.மி.கவும் சேர்த்து மொத்தம் 14 ஆ.மி.கவை கழித்துவிட்டு 726 ஆ.மி.கவை மட்டுமே நான்கு மாநிலங்களுக்கும் பங்கிட்டுள்ளது.

  தமிழ்நாடு   419 ஆ.மி.க.
  கர்நாடகம்  270 ஆ.மி.க.
  கேரளம்   30 ஆ.மிக.
        புதுவை        7 ஆ.மி.க.
       -----------------------
  மொத்தம்  726 ஆ.மி.க.
       -----------------------

கழிக்கப்பட்ட 14 ஆ.மி.க. யாருக்காகக் கழிக்கப்பட்டது? தமிழகத்திற்காக! தமிழகச் சுற்றுச்சூழலுக்கு 10 ஆ.மி.க. என்றும், தமிழக அணைக்கரைக்குக் கீழே, தவிர்க்க முடியாமல் தப்பிச் சென்று கடலில் விழும் நீருக்காக 4 ஆ.மி.க. என்றும் நடுவர் மன்றம் கூறியுள்ளது. இந்த 14ஐ தமிழ்நாட்டு ஓதுக்கீட்டுடன் சேர்த்து 192 + 14 ஸ்ரீ 206 ஆ.மி.க. என்று கணக்கிட்டிருந்தால் சரி. ஆனால் அந்த 14 ஆ.மி.கவை ஓதுக்கீடு (சுநளநசஎந) செய்வதாக தீர்ப்புப் பிரிவு ஏ கூறுகிறது. அது எங்கே வைக்கப்படுகிறது? அதை நடுவர் மன்றம் நேரடியாகச் சொல்லவில்லை.

தமிழகத்திற்குக் கர்நாடகம் தரும் 192 ஆ.மி.கவில் சுற்றுச்சூழலுக்கான 10 ஆ.மி.க இருக்கிறது. அது போக 182 ஆ.மி.க தான் கர்நாடகம் தமிழகத்திற்குத் தரும் நீர் என்று நடுவர் மன்றத் தீர்ப்புப் பிரிவு ஐஓ கூறுகிறது. இந்த 10 ஆ.மி.கவையும் கடலில் கலக்கும் 4 ஆ.மி.கவையும் மொத்த நீரில் கழித்துவிட்டு தான் (740-14)-726 ஆ.மி.க பங்கிடப்படுகிறது.

கூட்டல் கணக்கில் சேராத இந்த 14 ஆ.மிக கர்நாடகத்திற்கே மறைமுகமாக ஓதுக்கப்பட்டுள்ளது. நடுவர் மன்ற மோசடியைப் பாமரர்களும் கண்டுகொள்ள அதுவிட்டுச் சென்றுள்ள தடயம் இந்த 14 ஆ.மி.கவாகும். இதையும் சேர்த்தால் கர்நாடகத்திற்கு (270+14) - 284 ஆ.மி.க. ஓதுக்கீடு ஆகிறது.

தமிழக முதல்வர் கருணாநிதி நடுவர் மன்றம் கூறியதையும் விஞ்சி, எஜமானனை விஞ்சிய விசுவாசத்தோடு ஒரு குழப்படிக் கணக்குப் போடுகிறார்.

தமிழகத்தின் பெயரைச் சொல்லி ஓதுக்கிவிட்டு, கர்நாடகத்திற்காகப் பதுக்கி வைத்துள்ள 14 ஆ.மி.க. பற்றி கலைஞருக்குக் கவலையில்லை. அந்த 192 ஐ, அப்படியே கர்நாடகம் தர வேண்டும் என்று தீர்ப்பைத் தாண்டி பேசுகிறார். அது மட்டுமல்ல, பில்லிகுண்டுவிலிருந்து மேட்டூர் வரை, 25 ஆ.மி.க. தண்ணீர் கிடைக்க வாய்ப்புண்டு என்று நடுவர் மன்றம் கூறிய கருத்தையும் அப்படியே எடுத்துக் கொண்டு, மேட்டூருக்கு 217 ஆ.மி.க. தண்ணீர் வரும்@ இதில் 7 ஆ.மி.க. புதுவைக்குப் போனால், 210 ஆ.மி.க. மேட்டூரில் நமக்குக் கிடைக்கும் என்கிறார். இடைக்காலத் தீர்ப்பில் 6 ஆ.மி.க. புதுவைக்குப் போக தமிழகத்திற்கு 199 ஆ.மி.க. கிடைத்தது இறுதித் தீர்ப்பில் அதைவிட 11 ஆ.மி.க. கூடுதலாகக் கிடைத்துள்ளது என்று நீட்டி முழக்குகிறார்.

தமிழக அரசு நடுவர் மன்றத்தில் வாதாடியதற்கு நேர் எதிராகக் கலைஞர் இந்தக் கணக்கைச் சேர்க்கிறார். ஓரு முதலமைச்சர் நீதிமன்றத்தில் வாதாட ஒரு முகமும், மக்களிடம் பேச வேறொரு முகமும் கொண்டிருந்தால் எது அசல் முகம், எது முகமூடி, என்று எப்படிக் காண்பது?

இடைக்காலத் தீர்ப்பின்படி கர்நாடகம் தரவேண்டிய 205 ஆ.மி.க நீரை மேட்டூரில் தான் அளக்க வேண்டும். பில்லிகுண்டுலுவில் அல்ல. இறுதித் தீர்ப்பிலும் இதே போல் மேட்டூரில் அளக்கம் தீர்ப்பளிக்கும்படி நடுவர் மன்றத்திடம் கோரியது தமிழக அரசு. அதற்கு தமிழக அரசு முன் வைத்த காரணங்கள்:
1. பில்லிகுண்டுலுவில் 24மணிநேரமும் அளவெடுக்கும் ஏற்பாடு இல்லை. ஒரு நாளில் காலை மாலை மட்டுமே அளவெடுத்து ஒரு நாள் சராசரி வரத்து கணக்கிடப்படுகிறது. அக்குறிப்பிட்ட இருவேளைகளில் உரிய நீரைவிட்டு விட்டு, மற்ற நேரங்களில் கர்நாடகம் குறைத்து தண்ணீர் திறந்து விட்டால், அதைக் கண்டு பிடிக்க முடியாது. பில்லிகுண்டுலுவில் அளப்பது இந்திய அரசின் நீர்வள ஆணையம். மேட்டூரில் எனில் அணை நீர் உயர்வதையும் கணக்கிட்டு, தமிழக அரசின் நேரடி அளவையையும் கணக்கிட்டு வந்து சேரும் நீரைத் துல்லியமாக அளக்க முடியும்.
2. பில்லிகுண்டுலுவிலிருந்து சற்றேறக் குறைய 60 கி.மீ தொலைவில் மேட்டூர் உள்ளது. இதற்கிடையே தண்ணீர் சேதாரமும் ஏற்படும்.
3. பில்லிகுண்டுலுவிலிருந்து மேட்டூர் வரையிலான தொலைவில் பெரிதாக மழை நீர் சேர்ந்திட வாய்ப்பில்லை.
4. நடுவர் மன்றம் 1991-இல் வழங்கிய இடைக்காலத் தீர்ப்பின் படி 1991-92 முதல் 2005-2006 வரை பில்லிகுண்டுலுவில் எடுத்த அளவு நீர் மேட்டூர் வரும் போது குறைந்துள்ளதைப் பின்வரும் பட்டியல் காட்டுகிறது.

வ. ஆண்டு பில்லிகுண்டுலு   மேட்டூரில
எண்    அளவு(ஆ.மி.க)   அளவு (ஆ.மி.க)
1. 1991-92  340.00  334.96
2. 1992-93  358.61  351.69
3. 1993-94  230.39  223.37
4. 1994-95  394.00  373.16
5. 1995-96  195.51   183.09
6. 1996-97  245.75  244.05
7. 1997-98  277.06  268.05
8. 1998-99  260.40  237.27
9. 1999-2000  273.68  268.60
10. 2000-2001  319.26  306.20
11. 2001-2002  189.94  162.74
12. 2002-2003  109.45   94.87
13. 2003-2004  75.87   65.16
14. 2004-2005  185.55  163.96
15. 2005-2006  383.91  399.22

பில்லிகுண்டுலுவிலிருந்து வந்ததாகக் கூறப்பட்ட தண்ணீர் மேட்டூரில் அளந்து பார்த்த போது குறைந்ததே தவிர கூடவில்லை. அதிகபட்சமாக 27.20 ஆ.மி.க. அளவிற்கு(2001-02) குறைந்துள்ளது. 2005-2006ஆம் ஆண்டில் வரலாறு காணாத பெருமழைப் பெய்ததால் அவ்வாண்டில் மட்டும் 15.31 ஆ.மி.க. பிலிகுண்டுலுவை விட மேட்டூருக்கு அதிகமக வந்துள்ளது. ஏனைய 14 ஆண்டுகளும் பில்லிகுண்டுலுவில் திறந்து விடப்பட்ட நீரின் அளவு மேட்டூரில் அளக்கும் போது குறைவாகவே வந்துள்ளது.

இது தமிழ்நாடு அரசு நடுவர் மன்றத்தில் எடுத்து வைத்த வாதங்களின் சாரம். மேற்கூறிய காரணங்களை அடுக்கிவிட்டு, கர்நாடகம் தரும் நீரை பில்லிகுண்டுலுவில் அளக்;கக்கூடாது, மேட்டூரில் தான் அளக்க வேண்டும் என்று தமிழ்நாடு அரசு வாதிட்;டது. ஆனால் தமிழ்நாடு முதலமைச்சர் கருணாநிதி கர்நாடகம் தரும் நீரைப் பில்லிகுண்டுலுவிலிருந்து அளப்பது நமக்கு சாதகமானது@ கூடுதலாக 25 ஆ.மி.க. கிடைக்கும் என்று கூப்பாடு போடுகிறார். ஏன் இந்தக் குட்டிக்கரணம்? ஏனிந்த முரண்பாடு? காவிரி நடுவர் மன்றத்தில் தமிழக அரசு சார்பில் எடுத்து வைக்கப்பட்ட வாதங்களை முதலிலேயே கருணாநிதி கவனிக்கவில்லையா? இப்படியொரு முதலமைச்சர் இருந்தால் அந்த மாநில மக்களின் உரிமைகள் என்னவாகும்?

உண்மைக்கு மாறாக கருணாநிதி கூறும் கூடுதல் 25 ஆ.மி.கவை ஒரு வாதத்திற்காக ஏற்றுக் கொண்டு பார்ப்போம். அப்பொழுதும் அவர் கணக்கு தப்புக் கணக்கு தான்!

காவிரி நீரில் தமிழகப் பங்கு 419 ஆ.மி.க. இதில் கர்நாடகம் தரவேண்டிய 192ஆ.மி.க. போக, மீதியுள்ள 227 ஆ.மி.க தண்ணீர் தமிழகத்திற்குள் கிடைக்கும் நீர். பில்லிகுண்டுலுவிலிருந்து மேட்டூர் வரை கலைஞர் கணக்குப்படி கிடைக்கும் 25 ஆ.மி .க நீர, தமிழ்நாட்டின் பங்கான 227 ஆ.மி.கவுக்குள் அடக்கம் தானே! அது எப்படி கூடுதலான நீர் ஆகும்! அது தமிழக பங்கிற்குள் வராதென்றால் 419ஆ.மி.க உடன் 25ஆ.மிகவை சேர்த்து தமிழகத்திற்கு 444 ஆ.மி.க என்று சொல்ல வேண்டியது தானே? கலைஞர் குழம்பவில்லை. தமிழர்களைக் குழப்பப் படாதபாடுபடுகிறார்.

'பட்டு வேட்டி பற்றி கனா கண்டு கொண்டிருந்தபோது கட்டியிருந்த கோவணத்துணியும் களவாட பட்டது" போல் பவானியிலிருந்து 6ஆ.மி.கவும் அமராவதியிலிருந்து 3 ஆ.மி.கவும் கேரளத்திற்குத் தமிழகம் தர வேண்டும் என்று நடுவர் மன்றம் தீர்ப்பளித்துள்ளது. கேரளத்தின் பாசனத் தேவைக்காக இது ஒதுக்கப்படுகிறதா?அதெல்லாம் மலைப்பகுதி. அங்கு நீர் பாசனச் சாகுபடி கிடையாது. கேரள அரசு, கோக்-பெப்சி போன்ற நிறுவனங்களுக்கு தண்ணீரை விற்கக் கூட கேட்டிருக்கலாம்.

சில ஆண்டுகளுக்கு முன்பு கோவை ஆனைகட்டி அருகே முக்காலியில் பவானியின் குறுக்கே கேரள அரசு அணைகட்ட முனைந்ததையும் தமிழகம் எதிர்த்ததையும் இப்பொழுது நினைத்துப் பார்த்துக் கொள்ள வேண்டும். அப்பொழுது முக்காலியில் கோக் நிறுவனத்திறகு தண்ணீர் தர கேரள அரசு திட்டமிட்டது என்று பேசப்பட்டது.

இனி அதே முக்காலியில் இருந்து கேரளம் பவானியின் குறுக்கே அணைக் கட்டலாம். அப்படி அணைக் கட்டினால் ஒரு சொட்டு தண்ணீர் கூட பவானியிலிருந்து தமிழகத்திற்கு கிடைக்காது. தமிழக நீலகிரி மலையில் உற்பத்தியாகி சிறிது தொலைவு கேரள எல்லையில் ஓடி மீண்டும் தமிழகத்திற்குள் நுழைந்து விடுகிறது பவானி. இதற்கு ஆபத்து வந்துள்ளது.

ஆக, 9 ஆ.மி.கவை பவானி, அமராவதி நீரில் இழந்துள்ளோம். இதையெல்லாம் கழித்தால் கர்சாடகத்திலிருந்து தமிழகத்திற்கு எவ்வளவு நிகர நீர் தீர்ப்பின்படி கிடைக்கும்.

ஒதுக்கீடு      -    192 ஆ.மி.க
சுற்றுச்சூழலுக்காக பிடித்தம்   - 10 ஆ.மி.க
கடலில் கலப்பதன் பெயரில் பிடித்தம் - 4 ஆ.மி.க
புதுவைக்கு      - 7 ஆ.மி.க
கேரளத்திற்கு     - 9 ஆ.மி.க
        ----------------------------------- ---------------------------
         30 ஆ.மி.க  162ஆ.மி.க
        ----------------------------------- ---------------------------
மிச்சம் 162ஆ.மி.க தண்ணீர் தான். இதில் தான் 'ஞாயம்" காண்கிறார் கலைஞர் கருணாநிதி. சாதகம் என்கிறார். ஆறுதல் என்கிறார்.

சாகுபடி நிலப்பரப்பில் கர்நாடகத்திற்குப்பாதகம் நேர்ந்து விட்டதாகவும், தமிழ்நாட்டிற்குச் சாதகம் கிடைத்துவிட்டதாகவும் முதலமைச்சர் கூறுகிறார்.

'நடுவர் மன்றத்தில் நாம் வாதாடும் போது தமிழகத்துக்குப் பாசனப்பரப்பு 29.26 லட்சம் ஏக்கர் என்று கேட்டோம். நடுவர் மன்றம் அனுமதித்திருப்பது 24.7 லட்சம் ஏக்கர். இதில் பெரிய வித்தியாசம் இருப்பதாகத் தெரியவில்லை. ஆனால் கர்நாடக மாநிலத்துக்குப் பாசனத்துக்காக அவர்கள் கோரியது 27.28 லட்சம் ஏக்கர். நடுவர் மன்றம் அவர்களுக்கு அனுமதி கொடுத்தது 18.85 லட்சம் ஏக்கர். இதை நான் சொல்வதற்குக் காரணம் நாம் ஒன்றும் நஷ்டப்பட்டு விடவில்லை. நாம் கேட்டதில் கொஞ்சம் குறைவாகக் கிடைத்தது. ஆனால் கர்நாடகம் கேட்டதில் கொஞ்சம் அதிகமாகக் குறைந்து விட்டது என்று ஒரு ஒப்பீட்டுக்காக இதைச் சொன்னேன்.

நடுவர் மன்ற இடைக்காலத் தீர்ப்பில் கர்நாடகம் 11.2 லட்சம் ஏக்கர் அளவுக்கு மேல் பாசனவசதியைப் பெருக்கக்கூடாது என்று உத்தரவிட்டிருந்தது. ஆனால் இறுதித் தீர்ப்பில் 18.85 லட்சம் ஏக்கர் அளவுக்கு உயர்த்தியுள்ளது. வேறொரு விவரத்தை ராமதாஸ் குறிப்பிட்டுள்ளார்.

இறுதித் தீர்ப்பில் உள்ள ஒரு விவரத்தை இடைக்காலத் தீர்ப்பில் உள்ள விவரத்தோடு ஒப்பீட்டு, எனது கருத்து ஆச்சரியமாக உள்ளது என்று அவர் தெரிவித்துள்ளார். தமிழகத்திற்கு இடைக்காலத் தீர்ப்பில் எவ்வளவு அனுமதிக்கப்பட்டது, இப்பொழுது எவ்வளவு கிடைக்கிறது என்று ஒப்பிட்டு பார்த்திருந்தால் இந்தக் கேள்வியே எழுந்திருக்காது"
- முதல்வர் கருணாநிதி, தினமணி 26-02-2007.

1968லிருந்து காவிரிப் பேச்சு வார்த்தையில் கலந்து கொண்டு வந்ததாக மூச்சுக்கு மூச்சு பெருமையடித்துக் கொள்ளும் கலைஞர் கருணாநிதி அவர் கலந்து கொண்ட பேச்சுக்கிளில் உருவான கருத்தொருமைபாடுகள், கண்டறியப்பட்ட புள்ளி விவரங்கள் போலும். எதிர்க்கட்சியினரை மடக்க பழைய செய்தித்தாள்களில் இருந்து மேற்கோள் காட்டும் பழக்கமுள்ள இவருக்கு தமிழினத்தின் உரிமை காப்பதில் மட்டும் பழையதெல்லாம் மறந்து விடுமா?

1972 மே மாதம் அப்போதைய கர்நாடக முதல்வருடன் அப்போதைய தமிழக முதல்வர் பேச்சுவார்த்தையில் இருவரும் ஒப்புக் கொண்ட செய்தி, புதிய உடன்பாடு வரும் வரைக்கும் 1972 மே மாதம் பயன்படுத்திய தண்ணீருக்கு மேல் எந்த மாநிலமும் கூடுதராக நீரை பயன்படுத்தக் கூடாது. கர்நாடகம் 11லட்சம் ஏக்கருக்கு மெல் பாசனப்பரப்பை விரிவு படுத்தக் கூடாது என்பதாகும்.

1972ல் கர்நாடகத்திடம் 11லட்சம் ஏக்கருக்கு ஆயக்கட்டு(பாசன நிலப்பரப்பு) கிடையாது. அம்மாநிலம் எதிர்பார்க்கும் திட்டங்களையும் சேர்த்துச் சொல்லப்பட்டது தான் 11 லட்சம் ஏக்கர்.

இதை உறுதி செய்து கொள்ள, இந்திய அரசின் உண்மை அறியும் குழு எடுத்த விவரத்தைக் காணலாம். அதன்படி 1971ல் கர்நாடகத்தில் காவிரிப் பாசனப்பரப்பு - 4.42லட்சம் ஏக்கர் மட்டுமே. 1971ல் தமிழகத்தின் பாசனப்பரப்பு 25.30 லட்சம் ஏக்கர்.

நடுவர் மன்றம் இடைக்கால தீர்ப்பு வழங்கிய போது (1991-ஜுன் 25) மேற்கண்ட 1972 - முதலமைச்சர்கள் உடன்;பாட்டை கருத்தில் கொண்டு இறுதித் தீர்ப்பு வரும் வரை 11லட்சம் ஏக்கருக்கு மேல் கர்நாடகம் பாசனப்பரப்பை விரிவு படுத்தக் கூடாது என்று நிபந்தனை விதித்தது. தமிழ்நாட்டிற்கு அவ்வாறு நிபந்தனை விதிக்க வேண்டிய தேவையே எழவில்லை. ஏனெனில் அது கர்நாடகத்திடமிருந்து தண்ணீர் பெறும் நிலையில் உள்ளது. பழைய பாசனப்பரப்பை பாதுகாத்தால் போதும் என்ற பரிதாப நிலையில் இருக்கிறது. கர்நாடகமோ காவிரித் துணை ஆறுகளில் புதிய புதிய அணைகள் கட்டி, தமிழகத்திற்கு வரும் தண்ணீரை தடுத்து வந்தது. புதிய பாசனப்பரப்பிற்கான கோரிக்கையே தமிழகத்தரப்பிலிருந்து இல்லை.

1987-இல் தமிழகப் பொதுப்பணித் துறை தயாரித்த ஆவணத்தில், 1986-இல் தமிழகத்தில் உள்ள காவிரி நீர்ப் பாசனப்பரப்பு 25.80 லட்சம் ஏக்கர் என்று முடிவு செய்யப்பட்டது. இப்பொழுது நடுவர் மன்றம்; அனுமதித்துள்ளது தமிழகத்திற்கு 24.7 லட்சம் ஏக்கர் மட்டுமே. 1986-இல் இருந்ததற்கு 1.1 லட்சம் ஏக்கர் குறைவு. நடுவர் மன்றத்தில் தமிழக அரசு கேட்டது 29.26 லட்சம் ஏக்கர் பாசனப்பரப்பு. 5 லட்சம் ஏக்கர் குறைவாக இறுதித் தீர்ப்பு வந்;துள்ளது. 'இதில் பெரிய வித்தியாசமில்லை" என்கிறார் முதலமைச்சர். 5 லட்சம் ஏக்கர் வித்தியாசம் சிறிய வித்தியாசமா?

கீழ் பவானி அணையில் மொத்தப் பாசனப்பரப்பு 2.07 லட்சம் ஏக்கர். இதைவிட 1½
மடங்கு கூடுதல் 5 லட்சம் ஏக்கர் என்பது. முல்லை பெரியாறு அணையின் மொத்த பாசனப்பரப்பு 2.20 லட்சம் ஏக்கர். கீழ்பவானி, முல்லை பெரியாறு அணைகளின் மொத்த பாசனப்பரப்பைவிட கூடுதலாக உள்ள 5 லட்சம் ஏக்கர் பாசனப்பரப்பை நடுவர் மன்றம் ஏற்க மறுத்துவிட்டது. கணக்கில் எடுக்கத் தேவையில்லாத மிக சிறு நிலப்பரப்புப் போல் 5 லட்சம் ஏக்கரை அலட்சியப்படுத்துகிறார் கலைஞர் கருணாநிதி.

மாறாக, கர்நாடகம் கற்பனையாக கேட்ட நிலப்பரப்பான 27.28 லட்சம் ஏக்கரை ஏற்காமல் சுமார் 9 லட்சம் ஏக்கர் குறைத்து, 18.85 லட்சம் ஏக்கர் தான் நடுவர் மன்றம் வழங்கியுள்ளது என்றும் 'கொஞ்சம் அதிகமாகக் குறைத்துவிட்டது" என்றும் சமாதானம் சொல்கிறார்.

உண்மையில் இறுதித் தீர்ப்பு கர்நாடக பாசனப்பரப்பிற்கு இருந்த உச்ச வரம்பை நீக்கி விட்டது. தீர்ப்பின் பிரிவு ஓஏஐஐஐ இதை உறுதி செய்கிறது. நடுவர் மன்றம் கருத்துகளாக வரிசைப் படுத்திய சில வாதங்களையெல்லாம் தீர்ப்பு போல் வர்ணிக்கிறார் கலைஞர்.

உயரதிகாரம் படைத்த ஒரு நீதி மன்றத்தில் நடந்த வழக்கில் நமது அரசு முன் வைத்த வாதங்களையெல்லாம் மறுக்கும் அல்லது புறக்கணிக்கும் ஒரு முதலமைச்சர் உலகத்திலேயே கலைஞர் கருணாநிதியாகத் தான் இருப்பார்.

பதவிக்கு தமிழ்நாடு, வணிகத்திற்கு இந்தியா என அவர் தேவைகள் இடத்திற்கு இடம் மாறுபடக்கூடும்.

காவிரியில் தமிழகத்திற்குள்ள உரிமையை வலியுறுத்தினால் - அதற்காக போராடினால் கர்நாடகத்தில் உள்ள தமிழர்களுக்கு ஆபத்து வந்து விடும் என்று கூறுகிறார்கள். ஏன் தமிழ்நாட்டில் கன்னடர்களே வாழவில்லையா? கர்நாடகத் தமிழர்களுக்கு ஆபத்து வந்தால் தமிழகக் கன்னடர்களுக்கு ஆபத்து வரும்.

கர்நாடகத் தமிழர்கள் மீது உண்மையான அக்கறையும் அன்பும் இவர்களுக்குக் கிடையாது. தங்கள் துரோகத்தை மறைக்க அதை ஓரு சாக்காக பயன்படுத்திக் கொள்கிறார்கள். தமிழினத் தலைவர் காவிரியில் தமிழர்க்கு இழைக்கும் துரோகம் செயலலிதாவுக்கு வசதியாக போய்விட்டது. இந்த அம்மையார் போராடவில்லையே என்பது உருத்தலாக தெரியாது. அம்மையாரின் ஊழல் வழக்கு கர்நாடகத்தில் நடக்கிறது. மற்ற பல கட்சிகள் இந்த இரு கழகங்களோடு உடன்கட்டை ஏற்காதிருப்பவை போல், அமைந்திருக்கின்றன.

தமிழ் இனம் அரசியல் தலைமையற்று இருக்கும் அவலத்தை புரிந்து கொண்ட கன்னட வெறியாளர்கள் 9-02-2007லிருந்து தொடர்ந்து மூன்று நாட்கள் ஓசூருக்குள் புகுந்து, காவிரியும் கன்னடருக்கே, ஓசூரும் கன்னடர்க்கே என்று கூச்சலிட்டுச் சென்றனர். தமிழகக் காவல்துறை அவர்களை கைது செய்யவில்லை. சமாதானம் சொல்லி அனுப்பியது.

தமிழ்நாட்டிலிருந்து பரிக்கப்பட்ட தமிழ்நாட்டோடு சேர வேண்டிய கொள்ளேகாலம், கோலார் தங்க வயல், பெங்களுரு, போன்ற பகுதிகளை தமிழர்கள் கேட்காமல் இருப்பதால் ஓசூரைக் கேட்கும் துணிச்சல் கன்னடர்களுக்கு வந்துள்ளது. காவிரித் தீர்ப்பை எதிர்த்து கன்னடர்கள் நடத்திய போராட்டங்கள், வெறியாட்டங்கள் அனைத்தையும் ஜனநாயக வழிப்பட்டவை என்று கூறி கர்நாடக முதல்வர் குமாரசாமி பாராட்டு தெரிவித்துள்ளார். அவர் கூட்டிய அனைத்துக்கட்சி அப்போராட்டங்களுக்குப் பாராட்டும் நன்றியும் கூறியுள்ளது.

தமிழகத்தில் தமிழ்த் தேசப் பொதுவுடைமைக் கட்சியும், தமிழ்த் தேசிய முன்னணியும் நடுவர் மன்றத் தீர்ப்பை எதிர்த்து போராடிய போது பாய்ந்து பாய்ந்து கைது செய்தனர் காவல்துறையினர். திருச்செந்தூர் குறும்பூரில் தீர்ப்பு நகலை எரித்த த.தே.பொ.க, தமிழக உழவர் முன்னணி மேதாழர்கள் 16 பேரை பிணையில் வர முடியாத பிரிவைச் சேர்த்து திருவைகுண்டம் சிறையில் அடைத்துள்ளது. கர்நாடகத்தில் தீர்ப்பு நகலை மட்டுமல்ல, மூன்று நீதிபதிகளின் கொடும்பாவிகளையே கொளுத்தினார்கள். தொலைக்காட்சிகளில் பார்த்தோம்@ அவர்களை சிறையில் அடைக்கவில்லை. காவிரியில் நடுவர் மன்றம் தந்த மோசமானத் தீர்ப்பை எதிர்த்துத் தீர்ப்பு வந்த மறுநாளும்(6-02-2007) அடுத்த நாளும் த.தே.பொ.க, தமிழ்த் தேசிய முன்னணி அமைப்புகள் கண்டன ஆர்ப்பாட்டங்கள் நடத்தின. பா.ம.க, ம.தி.முக கட்சிகளும் தீர்ப்பையும், தமிழக முதல்வரின் நிலைப்பாடம்டையும் விமர்சித்தனர். ம.தி.மு.க பட்டினிப் போராட்டத்தை நடத்தின. தினமலர், தினமணி ஏடுகள் தீர்ப்பை விமர்சித்து செய்திகளும் கட்டுரைகளும் வெளியிட்டன.

மிகவும் தாமதமாக, மெத்தனமாக 19-2-2007 அன்று அனைத்துக் கட்சிக் கூட்டத்தைக் கூட்டினார் தமிழக முதல்வர். சில விளக்கங்கள், சில திருத்தங்கள் கோர மறு ஆய்வு மனு நடுவர் மன்றத்தில் போடவேண்டும் என தீர்மானம் நிறைவேற்றப்பட்டது.

மறுஆய்வு மனுவெல்லாம் பயன் தராது நடுவர் மன்றம் திட்டமிட்டு, ஏமாற்றிவிட்டதை அதன் தன் முரண்பாட்டை, ஒரு சார்புத் தன்மையை எடுத்து விளக்கி, இவற்றால் 6½ கோடி தமிழக மக்களுக்கு ஏற்பட்டுள்ள பாதகங்களை சுட்டிக்காட்டி உச்சநீதி மன்றத்தில் வழக்குத் தொடர வெண்டும்.

புதிய நடுவர் மன்றம் நியமித்திட ஆணையிட்டு, அது ஓர் ஆண்டுக்குள் தீர்ப்பு வழங்கிட கால வரம்பிடக் கோர வேண்டும். அதுவரை ஏற்கனவே செயலில் உள்ள( ளுவயவரள பரயசயவெநந) நடுவர் மன்ற இடைக்காலத் தீர்ப்பின் படி 205 ஆ.மி.க தண்ணீரை கர்நாடகம் தமிழகத்திற்கு தரவும் ஆணையிட வேண்டும். அரசமைப்புச் சட்ட விதி 131 மற்றும் வௌ;வேறு உச்சநீதி மன்றத் தீர்ப்புகள் துணை கொண்டு வழக்கை தமிழக அரசு தொடுக்க வேண்டும்.

சிறிலங்காவின் 'வெற்றிப் பெருமிதமும் தலைக்குனிவும்'

2007-03-06T21:17:00.001-08:00

சிறிலங்காவின் 'வெற்றிப் பெருமிதமும் தலைக்குனிவும்': ஜேர்மனிய நாளேடு

"மட்டக்களப்பை விட்டு விடுதலைப் புலிகளை விரட்டியடித்து விட்டோம் என்ற சிறிலங்கா அரசின் கூற்று பொய் என்பது வெட்ட வெளிச்சமாகிவிட்டது. வெளிநாட்டு இராஐதந்திரிகள், சிறிலங்கா அரச தலைவர் மகிந்த ராஜபக்சவின் 'பாதுகாப்புப் படைகள்' வெற்றிப்பாதையில் வீறுநடை போடுகின்றனர் என்ற கூற்றைக்கூட சிறிதளவும் மெய்யென்று நம்பமுடியாமல் செய்துவிட்டது".

இவ்வாறு ஜேர்மனியில் வெளியாகும் நாளேடுகளில் ஒன்றான General-Anzeiger நேற்று முன்தினம் புதன்கிழமை (28.02.07) வெளியிட்ட செய்தியில் சிறிலங்கா அரசை எள்ளி நகையாடியுள்ளது.

கடந்த செவ்வாய்க்கிழமை மட்டக்களப்பில் உள்ள வெபர் விளையாட்டு மைதானத்தில் உலங்குவானுர்தியில் இருந்து இறங்க முற்பட்டவேளை இடம்பெற்ற எறிகணை வீச்சுத் தாக்குதலில் வெளிநாட்டு இராஜதந்திரிகள் காயமடைந்த செய்தி பற்றி எழுதும்போதே அந்நாளேட்டின் செய்தியாளர் இவ்வாறு எழுதியுள்ளார்.

அந்நாளேட்டின் செய்தியாளர் வில்லி கேர்முண்ட் முதலில் வெற்றிப் பெருமிதமும் பின்னர் தலைக்குனிவும்' எனத் பெருந்தலைப்பிட்டும், 'இராஜதந்திரிகள் மீதான தாக்குதலில் சிறிலங்கா அரசாங்கம் நாட்டின் பாதுகாப்பு நிலவரம் பற்றி அழகாகப் பேசுகிறது என்று தெரியவந்துள்ளது' எனச் சிறுதலைப்பிட்டும் சிங்கப்பூரிலிருந்து அச்செய்தியினை எழுதியுள்ளார்.

சிறிலங்கா அரசாங்கச் செய்திகளின்படி சிறிலங்காப் படையினரால், விடுதலைப் புலிகள் மட்டக்களப்புப் பகுதியிலிருந்து விரட்டியடிக்கப்பட்டதாக கூறப்பட்டது.

பேரழிவு நிவாரண, மனித உரிமைகளுக்கான அமைச்சர் மகிந்த சமரசிங்க இராஜதந்திரிகளை இப்பிரதேசங்களுக்கு அழைத்துச்சென்று 'எவ்வளவு பாதுகாப்பாக உள்ளது' என்று காட்டமுயன்றபோதே கிட்டத்தக்க பேரழிவுக்குச் சமமான இச்சம்பவம் இடம்பெற்றது. ('எவ்வளவு பாதுகாப்பானது' என்பதை இச்செய்தியாளர் மேற்கோள் குறியிட்டு இகழ்ச்சியுடன் குறிப்பிட்டுள்ளார்.)

இரு உலங்குவானூர்திகளில் ஒன்று விருந்தாளிகளுடன் தரையிறங்கியபோதே இரு எறிகணைகள் வீழ்ந்து வெடித்தன. ஜேர்மனிய தூதுவர் ஜூர்கவன் வீத் காயமடையாமல் தப்பியவர்களில் ஒருவர். அவரது அமெரிக்க நண்பர் றொபேர்ட் ஓ பிளேக் இடது கையில் காயப்பட்டுள்ளார். ஆனால் இத்தாலிய இராஜதந்திரி பியோ மரியாணி உள்ளுர் மருத்துவமனையில் அனுமதிக்கப்பட்டு சிறிய உலோகத்துண்டு அவரது தலையிலிருந்து அகற்றப்பட்டது. மொத்தமாக காயமடைந்தவர்கள் 11 பேர்.

தமிழர்களின் சுதந்திர நாட்டுக்காகப் போராடும் விடுதலைப் புலிகளின் தரப்பு பேச்சாளர் ஒருவர் இத்துரதிர்ஸ்ட சம்பவத்துக்கு வருத்தம் தெரிவித்தார். உலங்குவானூர்தியில் இராஜதந்திரிகள் இருந்ததை தாங்கள் அறிந்திருக்கவில்லை என அவர் மேலும் தெரிவித்தார்.

சிறிலங்கா, தனது தரப்புச் செய்தியில் இது 'விடுதலைப் புலிகளுக்கு' முன்கூட்டியே அறிவிக்கப்பட்டது என்று தெரிவித்தது. தமது சொந்த நாவிலேயே இவர்கள் ஏற்கனவே துரத்தியடிக்கப்பட்டார்கள் என்று முன்னர் தெரிவித்திருந்தனர்.

இப்போது சிறிலங்கா அரசு தலையில் துண்டைப் போட வேண்டியதாக போய்விட்டது. மட்டக்களப்பை விட்டு விடுதலைப் புலிகளை விரட்டியடித்து விட்டோம் என்ற சிறிலங்கா அரசின் கூற்று பொய் என்று வெட்ட வெளிச்சமாகிவிட்டது. வெளிநாட்டு இராஜதந்திரிகள், சிறிலங்கா அரச தலைவர் மகிந்த ராஜபக்சவின் 'பாதுகாப்புப் படைகள்' வெற்றிப்பாதையில் வீறுநடை போடுகின்றனர் என்ற கூற்றைக்கூட சிறிதளவும் மெய்யென்று நம்பமுடியாமல் செய்துவிட்டது.

2002 இல் கைச்சாத்திடப்பட்ட போர்நிறுத்த ஒப்பந்தம் தற்போது மீறப்பட்டுவிட்டது. கடந்த வருடத்தில் மட்டும் 4,000 பேர் மீண்டும் மூண்ட போரில் உயிரிழந்துள்ளனர். இலங்கையின் வடபகுதியிலுள்ள வவுனியா நகரம் மனித நடமாட்டமின்றி வெறிச்சோடியுள்ளது.

ஏனெனில் பல்லாயிரக்கணக்கான குடிமக்கள் சிறிலங்காப் படைகள் தாக்குதல் நிகழ்த்தலாம் என்ற அச்சத்தால் உயிரைக்கையில் பிடித்தபடி வெளியேறியுள்ளனர். இராணுவ நடவடிக்கைகளைக் கண்காணிக்கும் நோர்வேக்குழு ஒன்றுகூட வவுனியாவை விட்டு வெளியேறியுள்ளது.

கடந்த வாரங்களில் தென்கிழக்குப்பகுதியில் தமது நிலைகள் மீது கொழும்புப்படைகள் தாக்குதல் தொடுத்தபோது விடுதலைப் புலிகள் சுழித்துக்கொண்டு தப்பிவிட்டனர். பாகிஸ்தானிய ஆலோசகர்களின் வழிகாட்டலுடன் பறந்த வான்படை விமானம் விடுதலைப் புலிகளின் நிலைகள் மீது தாக்குதலை நடத்தியது.

சிறிலங்காப் படையினரின் வெற்றியும், விடுதலைப் புலிகளின் தற்பாதுகாப்பு பின்வாங்கல் நடவடிக்கைகளும் கொழும்பில் உள்ள சிறிலங்கா அரசின் வெற்றிப் பெருமிதத்தை இந்த இராஜதந்திரிகள், ஐக்கிய நாடுகள் சபையின் பிரதிநிதிகள் அடங்கிய உலங்குவானூர்தி மீதான தாக்குதல் முடிவுக்குக்கொண்டு வந்துள்ளது.

இருந்தபோதிலும் அரச தலைவர் மகிந்த ராஜபக்ச தமிழர்களை விடுதலைப் புலிகளிடமிருந்து விடுவிப்பதற்கு முயற்சிப்பதான தனது கூற்றை அப்படியே தொடர்ந்தும் கூறிக் கொண்டிருக்கலாம். இராணுவ வெற்றி அல்லது இராணுவ ஆலோசனை மூலம் விடுதலைப் புலிகளை பேச்சுவார்த்தை மேசையில் தனது நிபந்தனைகளுக்குக் கட்டுப்பட வைக்கலாம் என்று அவர் நினைக்கின்றார்.

விடுதலைப் புலிகள் கடந்த வாரத்தில் 2002 இல் செய்யப்பட்ட போர் நிறுத்தத்தில் இனியும் தாம் பிணைக்கப்பட்டிருப்பதாக உணரவில்லை என்றும் தாயகம் வேண்டிய ஆயுதம் தாங்கிய போராட்டத்தை மீண்டும் கையில் எடுத்துள்ளதாகவும் தெரிவித்துள்ளனர்.

இராஜதந்திரிகள் பயணம் செய்த உலங்குவானூர்தி மீதான நேற்றைய (27.02.07) தாக்குதல் நடவடிக்கை காட்டுவது இனிதாக்குதல் விடயத்தில் அவர்கள் அடுத்தவர் மீது சிறிதளவு கரிசனை மட்டுமே காட்டுவார்கள் என்பதையே".

இவ்வாறு அச்செய்தியில் தெரிவிக்கப்பட்டிருக்கின்றது.

முதல் தடவையாக யேர்மனிய நாளேடு ஒன்று வழமைக்கு மாறாக இவ்வாறு எழுதியுள்ளது என்பதும் குறிப்பிடத்தக்கது

தமிழன் மலமள்ள ரசிக்கும் திராவிட கட்சிகள்

2007-02-27T20:17:00.001-08:00

தமிழன் மலமள்ள ரசிக்கும் திராவிட கட்சிகள்

இந்தியாவை 50 ஆண்டுகாலம் ஆண்ட காங்கிரஸ் கட்சியும், அதனோடு மாற்றி மாற்றி 40 ஆண்டுகாலமாக கூட்டணி வைத்திருந்த திராவிட கட்சிகளும் மக்களை நரகப்படுகுழியில் தள்ளி தூக்கு போட்டுக் கொண்டு சாகும் அளவுக்கு கொண்டு சென்றுள்ளன.

சமீபத்தில் தமிழகத்தில் மக்களின் அடிப்படை வாழ்வுதரத்தை ஆராய்ந்த லயோலா கல்லூரி திமுக ஆட்சியில் விலைவாசிகள் விண்ணை முட்டிவிட்டதாக சொல்லியிருக்கிறது. இதற்கு முழுக்க, முழுக்க மத்திய அரசும் அதை தாங்கி நிற்கும் திமுகவுமே காரணம் என்கிறார் இடதுசாரி அரசியல் விமர்சகர் சோலை.அடிப்படை பொருட்களின் விலைவாசி உயர்வு பற்றி லயோலா கல்லூரியின் கருத்து கணிப்பு பின்வரும் அபாய அறிவிப்பை செய்கிறது.

"அரிசியைத் தவிர, இதர எண்ணெய், பருப்பு வகைகள், சமையல் பொருள்களின் விலைகள் கிராமங்களில் வானத்தில் ஏறிக் கூத்தாடுகின்றன என்று, கருத்துக் கணிப்பு சிவப்பு விளக்குக் காட்டியிருக்கிறது.

இதனை நாமே கிராமங்களில் நேரடியாக உணர முடிந்தது. என்ன இது? அரிசி விலையைக் குறைச்சுட்டு எண்ணெய், துவரம்பருப்பு, உளுத்தம்பருப்பு விலைகளைக் கலைஞர் உயர்த்திவிட்டாரே என்று பாமரத்தனமாக மக்கள் கேட்டனர். என்ன பதில் சொல்வதென்று மௌனமானோம். .."

விலைவாசி உயர்விற்கும் மாநில அரசுக்கும் சம்பந்தமில்லை. மத்திய அரசின் கொள்கைகளால்தான் விலைவாசியை விண்ணில் ஏற்றி விளையாடுகின்றன என்று பதில் சொல்லலாம். ஆனால், டெல்லியிலும் தி.மு.க. கூட்டணி ஆட்சியில் அமர்ந்திருக்கிறதே என்று அவர்கள் எதிர்க் கேள்வி கேட்பார்கள்.

விலைவாசி விண்முட்ட காரனம் என்ன?திமுக,பாமக காங்கிரஸ் கூட்டணி அரசின் தவறான கொள்கைகள் தான் காரனம் என்கிறார் சோலை. கடும் வார்த்தைகளில் ஐக்கிய முற்போக்கு கூட்டணி அரசை சாடுகிறார் சோலை

"வணிகத்தில் யூக வியாபாரத்தை மத்திய அரசு அனுமதித்தது. கூண்டிற்குள் பசியெடுத்துப் படுத்திருந்த பெரிய வணிகர்களைத் திறந்துவிட்டது. எந்த உணவுப் பொருளை வேண்டுமானாலும் நீங்களே கொள்முதல் செய்யலாம் என்று அனுமதித்தது. அவ்வளவுதான். கொள்முதல் செய்து அவர்கள் பதுக்கி வைத்துவிட்டார்கள். யூக வணிகம் விலைவாசியை உயர்த்திக் கொண்டே போகிறது. இந்த லட்சணத்தில், 'விலைவாசியைக் கட்டுப்படுத்தப் போகிறோம்' என்று நிதி அமைச்சர் வேறு தமாஷ் செய்கிறார்.

எந்த அளவிற்கு விலைவாசி உயர்ந்திருக்கிறது என்பதனை தீபாவளியின்போது சாதாரண மக்களும் உணர்ந்து கொள்வார்கள். அந்த ஆதங்கத்தை இப்போதே அவர்கள் கருத்துக்கணிப்பாளர்களிடம் கவலையோடு தெரிவித்திருக்கிறார்கள்"

தரிசு நிலத்தை விவசாயிகளுக்கு வினியோகிப்பதில் ஏகப்பட்ட குளறுபடிகள் நேர்ந்துள்ளன என்கிறது லய்யோலா கல்லூரியின் கருத்துகணிப்பு.பல ஆண்டுகளாக தரிசு நிலங்களில் விவசாயம் செய்து வந்தவர்களிடமிருந்து அவற்றை பிடுங்கி கழக கண்மணிகளுக்கு தாரை வார்த்துள்ளதாம் திமுக அரசு. இதனால் அடித்தட்டு மக்களிடையே கடும்கோபமும், கொந்தளிப்பும் நிலவுகிறதாம். இதை கடுமையாக கண்டிக்கும் சோலை "அரசு தரிசு நிலங்களை ஏற்கெனவே நிலம் உள்ளவர்கள், வசதியானவர்கள் ஆக்கிரமித்திருந்தால், அதனைக் கைப்பற்றுவதில் தவறில்லை. ஆனால், அந்தத் தரிசு நிலம்தான் ஒரு விவசாயியின் உடைமை என்றால், அதற்குப் பரிகாரம் காணவேண்டும். அந்தத் தரிசு நிலத்தைப் பண்படுத்த அந்த விவசாயி இரவு பகலாக எந்த அளவிற்கு ரத்தமும் வியர்வையும் சிந்தியிருப்பான்? இப்படி ஒரு சில தவறுகள் நடந்திருக்கலாம். ஆனால், அடிபட்டு வீழ்ந்து மூச்சுக் காற்றில் முனகிக் கொண்டிருப்பவர்களுக்கு அந்தத் தவறுகளே ஊன்று கோல்களாகிவிடும்." என்கிறார்.

தமிழகத்தில் கொள்ளை நோய்கள் தாண்டவமாடுகின்றன. இந்தியா முழுக்க டெங்கு, சிக்குன் குனியா என விஷநோய்கள் மக்களை கொன்று குவிக்கின்றன. உண்மையான புள்ளிவிவரங்களை கூட வெளியிட மறுக்கும் தமிழக அரசு சிக்குன் குனியாவில் இதுவரை ஒருவர் கூட சாகவில்லை என புளுகு மூட்டையை அள்ளி தெளித்து கோயபல்ஸ் பாணியில் விளம்பரங்களை அள்ளி தெளிக்கிறது. இந்த விளம்பரங்களுக்கு செலவு செய்யும் காசை சிக்குன்குனியாவில் சாகிறவர்களுக்கு செலவு செய்தாலாவது பயன்பாடாக் இருக்கும் இல்லையா?

ரோம் நகரம் பற்றி எரியும்போது பிடில் வாசித்த நீரோ மன்னன் போல் மக்கள் நோய்வந்து சாக சினிமா காரர்களுக்கு காசை அள்ளிதெளித்து அவர்களிடமிருந்து மலர்கிரீடமும், தங்கபேனாவும் வாங்கி விழா கொண்டாடிக் கொள்கிறார் கலைஞர்.

மத்தியில் உள்ள சுகாதார துறை அமைச்சர் அன்புமணி என்ன கிழிக்கிறார் என்றே தெரியவில்லை. நோய் இருக்கிறது என ஒத்துகொள்வதை விட நோயே இல்லை என சாதிக்கும் போக்கு தான் மத்திய சுகாதார அமைச்சரகத்திடம் காணப்படுகிறது. இதை பற்றி குறிப்பிடும் பதிவர் சிவபாலன் பல அதிர்ச்சி தகவல்கலை தெரிவிக்கிறார். "டெல்லியில் தலைகாட்டிய டெங்கு நோய் இன்று 18 மாநிலங்களில் பரவி 56 உயிர்களை பலிவாங்கியுள்ளது. நாடு முழுவதும் மொத்தம் 3500 பேர் இந்நோய்க்கு ஆளாகியுள்ளனர். கொள்ளை நோய் என அறிவிக்காவிட்டாலும் நிலைமை மோசம் என மத்திய அரசு அறிவித்துள்ளது. இதுவரை 3500க்கும் அதிகமானோர் இந்நோய்க்கு ஆளாகியுள்ளனர். இதற்கிடையில் டெல்லி எய்ம்ஸ் மருத்துவமனையில் நேற்று மட்டும் புதிதாக 28 பேர் டெங்கு நோய் காரணமாக மருத்துவமனையில் அனுமதிக்கப்பட்டனர். கடந்த ஒரு வாரத்தில் மட்டும் இம் மருத்துவமனையில் 6 ஆயிரம் பேருக்கு டெங்கு பரிசோதனை செய்யப்பட்டுள்ளது. நிலைமை மோசமானவர்கள் மட்டுமே மருத்துவமனையில் வைத்து கவனிக்கப்படுகிறார்கள். மற்றவர்கள் மருந்து மாத்திரை கொடுத்து வீட்டுக்கு அனுப்பி வைக்கப்பட்டு வருகின்றனர்."

இதை விட கேவலம் என்னவென்றால் 50 ஆண்டு காலம் ஆட்சி செய்த காங்கிரஸ் கட்சியும், 40 ஆண்டு காலம் தமிழகத்தை ஆட்சி செய்த திராவிட கட்சிகளும் , ஆறாண்டு காலம் ஆட்சி செய்த பா.ஜ.கவும், இன்னும் தம் மக்களை மலம் அள்ள வைக்கும் நிலையில் தான் வைத்திருக்கின்றன என்பதுதான். இந்தியாவில் மலம் அள்ளும் தொழிலை இன்னும் 6.76 லட்சம் பேர் செய்துவருவதாக தகவல்கள் தெரிவிக்கின்றன.

தமிழகத்தில் கோவையில் 40 ஆண்டுகால திராவிட கட்சிகளின் ஆட்சிக்கு பிறகும் தமிழன் மலம் அள்ளும் நிலைமையை பாருங்கள்.

இந்த மாதிரி மனித மலத்தை மனிதன் அள்ளும் கேவலத்துக்கு முழு பொறுப்பும் மாநில அரசுகளும் மத்திய சுகாதார துறையும் தான் என தெரிவிக்கிறது பிரண்ட்லைன் பத்திரிக்கை. 40 ஆண்டுகாலம் தமிழகத்தை ஆண்ட திராவிட கட்சிகள் இதற்கு என்ன பதில் சொல்ல போகின்றன?மத்திய சுகாதார துறை அமைச்சகம் இதற்கு என்ன நடவடிக்கை எடுத்திருக்கிறது?

தமிழனை இன்னும் மலம் அள்ள வைத்து, அவர்களின் பிரதிநிதி நான் என மார்தட்டிக்கொண்டு, புரட்சி தலைவி, தமிழன தலைவர் என பட்டங்களை சுமந்துகொண்டு அடிப்படை மக்களின் பயன்பாட்டுக்கு உள்ள பொருட்களின் விலையை விண்முட்ட ஏற்றிவிட்டு, சினிமாகாரர்களுக்கு ஒட்டுமொத்தமாக வரிவிலக்கு அளித்து கோடீஸ்வர கோமான்கள் வீட்டில் ஏசி ஓடவும், இவர்களுக்கு ஒட்டு போட்ட மக்கள் பீ அள்ளவும் வைத்த திராவிட கட்சிகள் இனி மேலும் நாட்டை ஆண்டால் தமிழ ்நாடு சுடுகாடாகிவிடும்.

--
செல்வன்
தனிமடல் தொடர்புக்கு: holyape@gmail.com

நன்றி செல்வன்

பிளவை நோக்கிய பாதையில் இலங்கை - இலக்கியன்

2007-02-25T20:20:00.000-08:00

பிளவை நோக்கிய பாதையில் இலங்கை..

இலக்கியன்

பூகோள ரீதியாக இந்தியாவின் கீழே கண்ணீர் துளி போல அமைந்திருக்கும் இலங்கை இன்று இரத்தத் துளியாக மாறியிருக்க காரணம் எது? சுதந்திர இலங்கை அமைய பெற்ற பின்னர் சிங்கள இனவெறிக்கு இலங்கையை நகர்த்திய பண்டாரநாயகாவின் ஆட்சியும் அதை தொடந்து வருகிற இனவெறி கொள்கைகளும் அடிப்படை காரணம். பல படுகொலைகளை, யுத்தங்களை, இடப்பெயர்வுகளை சந்தித்து நார்வே நாட்டின் முயற்சியில் தமிழீழ விடுதலைப் புலிகளும், ரணில் விக்கிரம சிங்கே தலைமையில் அமைந்த அரசும் செய்த போர் நிறுத்த ஒப்பந்தம் தற்காலிக சமாதானம் கொண்டுவந்தது.

விமான குண்டு வீச்சுக்களை சந்தித்து பழக்கப்பட்டுப்போன மக்களும் பாதிக்கப்பட்ட தென்னை, பனை மரங்களும் குண்டு சத்தங்களை கேட்டு பல மாதங்கள் கடந்திருந்தது. சமாதானம் பேச கைகோர்த்தபடி புலிகள் இயக்கத்தை உடைக்கும் 'சாணக்கிய' வேலையில் ஈடுபட துவங்கி வடக்கு, கிழக்கு என பிரிவினையை தூண்டி கிழக்கு மாகாண தளபதி கருணாவை பகடைக் காயாக பயன்படுத்தியது. அதை தொடர்ந்து வெடித்த மோதலில் பிரபாகரன் அனுப்பிய படையால் கருணாவும் அவரது அணியினரும் அரச கட்டுப்பாட்டு பகுதிக்கு துரத்தப்பட்டனர். தொடர்ந்து மறைமுகமாக மோதல் துவங்கியது. இந்த மோதலை உருவாக்கிய பெருமை றா, சி.ஐ.ஏ மற்றும் இலங்கை அரசை சார்ந்ததாக கருதப்படுகிறது. தொடர்ந்து இராணுவம் மறைமுக தாக்குதல்களில் ஈடுபட, புலிகள் மறைமுக தாக்குதலை துவங்க இன்று சமாதான புறாவின் இறக்கை பறிக்கப்பட்டு துப்பாக்கி முனையில் சாகடிக்கப்படுகிறது. இந்த மறைமுக யுத்தத்தில் பாதிக்கப்படுவது அப்பாவி தமிழ் மக்கள். குடும்பம் குடும்பமாக படுகொலை, பாலியல் பலாத்காரம், காணாமல் போதல் என ஒரு பக்கம். பயத்திலும் பீதியிலும் குடும்பம் குடும்பமாக மண்ணை, உறவுகளை இழந்து படகில் ஆபத்தான பயணம் செய்து 'அகதி' என்ற முத்திரை குத்தப்பட்டு இராமேஸ்வரம் கரையில் சேர்வது இன்னொரு பக்கம். தமிழகம் நோக்கி வரும் வளியில் ஆபத்தில் சிக்கி பிணங்களாக கரையில் ஒதுங்குவது இன்னொரு அவல நிலை. இப்படியான இவர்கள் வாழ்வில் எதற்காக இந்த சோகங்கள்.

வங்காலை படுகொலை காட்சிகள்

சமீபத்தில் இலங்கை, மன்னார் வாங்காலையில் தமிழ்க் குடும்பம் ஒன்றை படுகொலை செய்து வெறியாட்டத்தை நடத்தியிருக்கிறார்கள். படுகொலை செய்யப்பட்டதில் சிறு வயது குழந்தைகள் இருவரும் அடக்கம். வீட்டு கூரையில் கயிற்றால் கட்டி தொங்கவிட்டு சித்திரவதை செய்து கொல்லப்படும் அளவு இந்த சிறார்கள் செய்த கொடுந்தவறு என்ன? தமிழர்களாக ஒரு தமிழ் குடும்பத்தில் இலங்கை அரசின் ஆளுகையில் பிறந்தது அவர்கள் செய்த தவறா? தந்தையை கண் முன்னே கட்டி தொங்க விட்டு கதற கதற கொலை செய்ததை பார்த்த சாட்சிகளாக அவர்கள் இருந்திருப்பார்கள் என்பதாலா? இத்தனை கொடுமைகளையும் நிகழ்த்திய வெறியர்கள் அந்த மழலைகளின் அன்னையாரை பாலியல் பலாத்காரம் செய்து, கட்டி தொங்க விட்டு சித்திரவதை செய்து கொலை செய்துள்ளனர். இந்த படுகொலையை இரவோடு இரவாக நடத்தியது யார்? அந்த பகுதியில் பகல் வேளையில் இராணுவம் சுற்றி வளைத்து தேடுதல் வேட்டையில் ஈடுபட்டதாகவும்,கொடிய ஆயுதங்களுடன் மாலை வேளையில் நடமாடியதாகவும் அப்பகுதி மக்கள் சாட்சியளிப்பதில் சந்தேகம் இராணுவத்தை நோக்கி செல்கிறது.

அண்மையில் வவுனியா மாவட்டத்தில்

அரச கட்டுப்பாட்டு பிரதேசத்தில்

கொல்லப்பட்டவர்

இராணுவ கட்டுப்பாட்டுப் பகுதியில் இப்படி தமிழர்களுக்கு எதிரான கொலைகள் அதிகரித்து வருவது அரசாங்கம் சமாதானம் மீது நம்பிக்கை இல்லாமல் படுகொலைகளை மீண்டும் ஆயுதமாக கையில் எடுப்பதாக தெரிகிறது. இதற்கு முன்னர் அல்லைப்பிட்டியில் படுகொலை செய்தவர்களையோ, வாங்காலை படுகொலையில் ஈடுபட்டவர்களையோ இதுவரை கைது செய்து முறையான விசாரணைக்கு உட்படுத்தவில்லை. அதிகாரத்தை கையில் வைத்திருப்பவர்கள் யாராக இருப்பினும் மக்களை பாதுக்காக்க நடவடிக்கை எடுக்க வேண்டும். இல்லையேல் அவர்களும் குற்றவாளிகளே.

இலங்கை அரச அதிபர் மகிந்தா ராஜபக்சே கண்களை மூடி நடத்துகிற படுகொலைகளே இலங்கை என்ற அவரது ஒற்றை தேச கொள்கையை உடைக்கப் போகிற வலுவான ஆயுதம். முரண்பாடுகளின் முடிவு மோதல்களும், மோதல்கள் பிரிவினையிலும் முடிவது அறிவியல் தத்துவம். இலங்கை, தமிழீழம் என இரண்டு தேசங்களை உருவாக்க இலங்கை இராணுவமும் அரச இயந்திரமும் படுகொலைகளில் ஈடுபட, உலகக்காவல்காரனும், ஐரோப்பிய கூட்டமைப்பும் மனித உரிமைகளை சவப்பெட்டியில் ஆணியடித்து அடக்கம் செய்கிறது. விடுதலைக் குரல் கொடுத்த மக்கள் வென்றதும் வல்லமை பொருந்திய அரசுகள் வீழ்ந்ததும் வரலாற்றின் பக்கங்களில் பலவற்றை காணலாம். அந்த பட்டியலில் விரைவில் தமிழீழ மக்களும், இலங்கை அரசும் இரு வேறு இடங்களில் இடம் பெறுவர். எல்லைக் கோடுகளை விட மனித மதிப்பீடுகள் உயர்ந்தவை. விடுதலைக்காக எல்லையை பங்கிடலாம், எல்லைக்காக மனித மாமிசத்தை கூறு போடலாமா?

இந்தியாவின் ஜனநாயகமும் - விவசாயமும், சிறு தொழில் துறையும் - அசுரன்

2007-02-23T20:29:00.001-08:00

இந்தியாவின் ஜனநாயகமும் - விவசாயமும், சிறு தொழில் துறையும்

அசுரன்

இந்திய அரசு தனது வர்க்க சார்பை விட முடியாமல் தவிக்கிறது. விவசாயம் இந்தியாவின் முதுகெலும்பான துறை என்பதை யாராலும் மறுக்க இயலாது. இதனை முன்னிட்டுதான் விவசாயத்தில் குறைந்த பட்ச GDP வளர்ச்சியில்லையெனில் இந்தியாவின் GDP இலக்கை அடைய முடியாது என்று அலறுகிறார்கள் பா. சி., மண்டேக் சிங் அலுவாலியா முதலான அமெரிக்க புரோக்கர்கள்.

ஆயினும், இந்த அலறலை மக்கள் மீதான அன்பால் ஏற்ப்பட்ட அலறல் என்று யாரும் தவறாக எண்ணிவிட வேண்டாம். ஏனெனில் உண்மையில் இந்திய விவசாயத்தை வளர்க்க அதில் முதலாளித்துவ பாணி உற்பத்தி முறைகளை கொண்டு வர வேண்டும். ஆனால் இதனை செய்யும் தைரியமும், தனது சொந்த வர்க்கங்களுக்கு துரோகம் செய்யும் நெஞ்சுரமும் இந்த கைக்கூலிகளுக்கு இல்லை.

முதலில், அது என்ன முதலாளித்துவ பாணி உற்பத்தி முறை?

மிகப் பெரிய அளவில், ஒரே இடத்தில், மையப்படுத்தப்பட்ட முறையில் நவீன கருவிகள் உதவியுடன், பெரும் எண்ணிக்கையில் விஞ்ஞான முறைகளின் துணையுடன் செய்யப்படும் உற்பத்தி முறைதான் முதலாளித்துவ உற்பத்தி முறை. இதனை மேலைநாடுகளில் பார்த்திருக்கலாம். பல லட்சம் ஏக்கருக்கு ஒரே ஒரு பயிர்தான். விமானம் மூலம் உரம்-பூச்சி மருந்துகள், நீர் பாய்ச்சுவது மையப்படுத்தப்பட்டிருக்கும், ஒரு குறிப்பிட்ட பெரிய சந்தையை மனதில் கொண்டு திட்டமிடப்பட்ட உற்பத்தி, அதி நவீன ராட்சச யந்திரங்கள் மூலம் அறுவடை. இப்படி ஒரு தொழிற்சாலை போலவே அங்கு விவசாயம் நடைபெறுகிறது. இன்னும் சொன்னால் அங்கு விவசாய முதலாளியும், தொழிலாளியும்தான் உண்டு. விவசாயியோ அல்லது நிலபிரபுவோ கிடையாது.

ஆனால் இந்தியாவில் பெரும்பான்மை மக்கள் பின்னிபிணைந்துள்ள விவசாயமோ இன்னும் சிதறிய சிறுவீத உற்பத்தி எனும் நிலபிரபுத்துவ முறையையே பின்பற்றி வருகிறது. அதிலிருந்து மேலேறி அடுத்தக் கட்டத்திற்கு வரவிடாமல் இந்தியாவின் பொருளாதாரம் ஏகாதிபத்திய முடக்கு வாதத்தால் அவதியுறுகிறது. இதைத்தான் நாம் அரைக்காலனியம், அரை நிலபிரபுத்துவம் என்கிறோம்.

ஏன் இந்திய அரசால் விவசாயத்தை வளர்க்க முடியவில்லை:

விவசாயத்தை அடுத்தக் கட்டத்திற்க்கு கொண்டு வரும் முயற்சிகள் பெரும் நிலவுடமையாளர்களுக்கும், விவசாய உற்பத்தி பொருட்களின் விற்பனை பிரிவு, சந்தை பிரிவுகளில் ஆதிக்கம் செலுத்தும் புரோக்கர் கும்பல்களுக்கு பெரும் ஆபத்தாக இருக்கும் என்பதால்தான் இந்த அரசு அத்தகைய நிலச் சீர்திருத்தம், விவசாய சீர்திருத்த நடவடிக்கைகளை செய்வதில்லை. இது பிரச்சனையின் ஒரு அம்சம் மட்டுமே.

இன்னொரு முக்கிய அம்சம் ஏகாதிபத்தியத்தின் சந்தை தேவையையும், மூல வளங்களின் தேவையையும் நிவர்த்தி செய்யும் ஒரு இழிச்சவாய நாடு என்று முத்திரையை இந்தியாவிற்க்கு தொடர்ந்து குத்துவதில் உள்ள ஆர்வம். இந்த அம்சம் மிக குறிப்பாக உலகமயத்திற்க்கு பிறகு பெரும் முக்கியத்துவம் பெருகிறது.

ஏனேனில், உலகமயத்திற்க்கு பிற்ப்பாடு மேலே சொன்ன முதல் அம்சமான - நிலவுடைமையாளர் மற்றும் விற்பனை மற்றும் சந்தை பிரிவுகளும் கூட MNC, தரகு முதலாளிகளுக்கு திறந்து விடப் படுவதுதான்.

இந்திய விவசாயத்தை இப்படி அரை நிலபிரபுத்துவமாக வைத்திருப்பதில் ஏகாதிபத்திய நாடுகளுக்கு என்ன அரசியல் இருக்க முடியும்?

மூன்று நோக்கங்கள்,

#1) குறை கூலி மனித வளம்:

குறைந்த கூலிக்கு, சொன்னதை அடிமை போலச் செய்யும் உழைப்பாளர்களை தொடர்ந்து உருவாக்கி(பெற்றெடுத்து வளர்த்து) செய்வதற்க்கு கிராம உற்பத்தி உறவுகளை நிரந்தரமாக பாதுகாப்பது அவசியம். இது குறித்து இந்த கட்டுரையில் 'இந்த பாணி உற்பத்தி முறையின் விளைவு என்ன?' என்ற தலைப்பின் கீழ் ஓரளவு விளக்கியுள்ளேன்.

இந்த பாணி உற்பத்தி முறை எப்படி அவனுக்கு குறைந்த கூலி ஆட்களை பெற்றெடுக்கிறது,

விவசாயத்தை சுதாட்டம் போல மாற்றி, விவசாயியை நிலத்தை விட்டு ஒரு பக்கம் விரட்டுகிறது இந்த பொருளாதாரம். இதன் மூலம் நகரங்களில் குறைந்த கூலிக்கு சுரண்ட தொடர்ந்து மனித வளம் கிடைப்பதை உத்திரவாதப்படுத்துகிறது. இன்னொரு பக்கம் அவனது வாழ்வை நகரங்களில் உத்திரவாதப்படுத்தாமல் கிராமம் பாதி நகரம் பாதி என்று அவனை அலைக்கழிக்கிறது. இதன் மூலம் அவன் நகரத்தில் குறை கூலிக்கு சம்பாதித்து அதை கிராமத்தில் மீண்டும் முதலிடுகிறான். அந்த முதலீட்டில் உற்பத்தியாகும் விவசாய பொருளை மிக குறை கூலிக்கு இந்த சமுகமே நுகர்கிறது. இங்கு கிராம நகர(Cost of Living) வேறுபாடு கிராமத்து கூலி தொழிலாளியை எப்படி ட்புள் சுரண்டலுக்கு உட்படுத்துகிறது என்பது புலனாகும். நகரத்திலோ அவனை தற்காலிக தொழிலாளியாக சிறு அளவிலும், சிறு பட்டறைகளில், கட்டுமான இடங்கள், ஹோட்டல் முதலான இடங்களில் உதிரி தொழிலாளியாக பெரும் எண்ணிக்கையிலும் வைத்து சுரண்டுகிறது. அவனை ஜனநாயகப்படுத்தாமல் மிக கவனமாக இந்த சமூக அமைப்பு கையாளுகிறது.

#2) மலிவு விலை மூல வளங்களும், மலிவு விலை சந்தைக்கான உற்பத்தி பொருட்களும்:

அ) சிறுவீத உற்பத்திகளான பட்டறை முதலாளிகளின் வளர்ச்சியை தடுப்பது. திருப்பூர் பனியன் பட்டறை முதலாளியால் திருப்பூரை தாண்டி சென்று விட முடியாது ஏனேனில் சந்தை ஒரு MNC கையிலோ அல்லது தரகு முதலாளி கையிலோ உள்ளது, இதன் மூலம் அவை காலாகாலத்தும் MNC, தரகு கம்பேனிகளுக்கு உற்பத்தி செய்யும் ஒரு தொங்கு சதையாகவே தேங்கி விடுவது.

சிறு முதலாளி, சுதந்திரமான தனது சந்தைகள் அனைத்தும் ஒழிக்கப்பட்டு, இன்று MNC, தரகு கம்பேனிகளிடம் தமது பொருளை விற்க்கிறான். ஒரு விவசாயியின் நிலையைப் போலவே அவனும் தான் உற்பத்தி செய்யும் பொருளுக்கு விலை வைக்க வக்கின்றி இருக்கிறான். ஏனேனில் உற்பத்தி நடந்தால்தான் அவனுக்கு சோறு, உற்பத்திக்கு MNCயும், தரகு முதலாளியும் காண்ட்ராக்ட் தர வேண்டும், அப்படி அவன் காண்ட்ராக்ட் தருவதற்க்கு அவன் சொன்ன விலைக்கு விற்க்க தயாராக இருக்க வேண்டும். இந்த கந்து வட்டி போன்ற விசச் சூழல் மலிவு விலையில் MNC, தரகு முதலாளிகளுக்கு சந்தைக்கான பண்டங்களை உற்பத்தி செய்து கொடுக்கிறது. இது ஓரளவு IT தொழிலாளிக்கும் பொருந்தும்.

ஆ) விவசாயத்தின் நவீன உற்பத்தி முறைகளை தடுப்பது - அதாவது பெரும் விவசாய கூட்டுப் பண்ணைகள், மையப்படுத்தப்பட்ட சந்தை, மையப்படுத்தப்பட்ட விவசாய உற்பத்திக்கான திட்டம் போன்றவற்றை தடுப்பது - இதன் மூலம் சிறுவீத உற்பத்தி மூறையால்(Ex: காண்ட்ராக்ட் Farming) தொடர்ந்து தனது தேவைகளுக்கு மட்டும் இந்திய விவசாயம் சேவை செய்வதை நிரந்தரமாக்குவது.

இதற்க்கு உதாரணம்தான் பூ விவசாயம், இறால் பண்ணைகள் etc. லாபம் எந்த பொருளுக்கு உள்ளது என்பதை அவன் நிர்னயிப்பதன் மூலம் அதனை நாம் உற்பத்தி செய்ய வைக்கிறான். சில மடையர்கள் லாபம் என்பதனை மட்டும் பார்த்து இந்த அடிமை விசச் சூழலை வளர்ச்சி என்கிறார்கள். ந்மது தேவைக்கு உற்பத்தி செய்வதை விடுத்து அவனது சந்தை தேவைக்கு உற்பத்தி செய்வதன் மூலம் பாரம்பரியமான நமது சுயசார்பு பொருளாதார வலைப்பின்னல் சின்னாபின்னமாகிவிட்டது. இந்தியாவின் சுயசார்பை இப்படி அடித்து நொறுக்குவதன் மூலம், அந்த சந்தையையும் அவனே கைப்பற்றிக் கொள்வது (கோதுமை பிரச்சனை).

#3) சந்தை:

சுயசார்பை உடைத்தெறிவதன் மூலமும், இந்திய தொழில் துறையின் வளர்ச்சி என்பது தனது வளர்ச்சியாக மட்டுமே இருக்கமாறும் பார்த்துக் கொள்வதன் மூலமும் இந்த பெரிய சந்தையை தன் இஸ்டம் போல சுரண்டுவது.

(எ-கா: பசுமைப் புரட்சி காலத்தில் அமெரிக்கா, இஸ்ரேல் நாடுகள் தமது காலவதியான ஆயுத மருந்துகளை பூச்சிக் கொல்லியாக உரமாக கொடுத்தது, தற்போதைய BT விதைகள், விதை நெல் சீர்திருத்தம், ரீட்டையல் பிசினெஸில் FDI, சுதந்திரம் அடைந்த குறுகிய காலத்திலேயே அம்பலமான 'கோக்'கின் ஆதிக்கம், பேட்டண்ட்ஸ் ரைட்ஸ் மூலம் மருந்து சந்தைய முழுமையாக கபளீகரம் செய்துவிட்டது etc ).

ஆக,

மலிவு விலையில் கூலி,

மலிவு விலையில் வளங்கள்,

மலிவு விலையில் உற்பத்திப் பொருட்கள்,

உற்பத்தியின் ஒரு பெரும் பகுதியையும் கூட சிறு முதலாளி எனும் இழிச்சவாயனும், விவசாயியும் பார்த்துக் கொள்வது,

இவையெல்லாம் போக அவன் எதை உற்பத்தி செய்தாலும் வாங்கிக் கொள்ள அவனது வர்க்கத்தின் ஆதிக்கம் மட்டுமே உள்ள மிகப் பெரிய சந்தை. இவற்றை மீறி அவனுக்கு உள்ள பிரச்சனையெல்லாம் அவனிடையே உள்ள போட்டி போறாமைதான். இத்தனை சாதகங்கள் இருந்து வெற்றி பெருவதை வெற்றி என்று நாராயன்களும், அல்பை ஆசீமும் பெருமையாகச் சொல்வது நகைப்பிற்கிடமாகவும், உண்மையான சாதனையாளர்களை கிண்டல் செய்வதாகவும் உள்ளது.

ஆக, நாம் உற்பத்தி செய்யும் பொருளை அவன் வந்து இஸ்டம் போல விலை வைத்து வாங்கிச் செல்ல வாய்ப்பார்த்து காத்துக் கொண்டிருப்போம், அதே நேரத்தில் நமக்கு தேவையான பொருளை அவன் இஸ்டம் போல விலை வைத்து விற்று செல்வதையும் நாம் வாய் பார்த்துக் கொண்டிருப்போம்.

இதனைத்தான் நாம் இழிச்சவாயத்தனம் என்போம். சில, தொந்தி வளர்க்கும் அடிமைகள் இதனை வளர்ச்சி, வல்லரசு என்றும் சொல்லுவர். இந்த மேற்சொன்ன சூழல்தான் இன்று நிலவுகிறது. ஒரு பக்கம் கோதுமையை அவன் கேட்ட விலைக்கு விற்று இழிச்சவாயர்களான விவசாயிகள், இன்னொரு பக்கம் கோதுமை விலை ஆறு மாதத்தில் ஆறு ரூபாய் ஏறி நாம் அவனை வாய் பார்த்துக் கொண்டிருப்பது. இந்த சூழல் இன்னும் வெகு துலக்கமான வடிவத்தை பெறவில்லை ஆயினும் அப்படி வரும் வரை காத்திருக்க வேண்டும் எனும் முட்டாள்களுக்காக இந்த பதிவு அல்ல.

இந்த மூன்று காரணத்திற்க்காத்தான் சிதறிய சிறுவீத கிராம விவசாய உற்பத்தி முறையையும், சிறு தொழில் பட்டறை முறையையும் இந்த ஆளும் வர்க்கம் பேணி பாதுகாக்கிறது. ஒரு வேளை விவசாயத் துறையிலொ அல்லது சிறு தொழில் துறையிலோ செய்யப்படும் எந்த மாற்றமும் இந்த மூன்று காரணங்களுக்கு குந்தகம் வாராத வடிவத்திலேயே நடைபெறும். எடுத்துக்காட்டுகள்: காண்ட்ராக்ட் விவசாயம், ஊக வணீகத்தில் விவசாய பொருட்கள், சிறு தொழில் துறையின் வளர்ச்சி.

இந்த பாணி உற்பத்தி முறையின் விளைவு என்ன?

பெரும்பான்மை மக்கள் இத்தகைய சிதறிய சிறு வீத உற்பத்தி முறையிலேயே, வளர்ச்சியின்றி தலைமுறை தலைமுறையாக பினைந்திருப்பது ஒரு சமூகத்தின் ஒட்டு மொத்த அறிவு, பண்பாட்டு வளர்ச்சியை தடுக்கிறது.

அவனை ஜனநாயகமில்லாதவனாகவே வைத்து சுரண்டுகிறது. இதன் பொருளாதார அம்சம் - அந்த சமூகத்தில் மிக பெரும் தொழில்புரட்சி என்றுமே நடந்து விட விடாமல் செய்கிறது.

ரோட்டில் எச்சில் துப்புவது, ஒன்னுக்கடிப்பது, சிக்னலை மதிக்காமல் அவனவன் இஸ்டம் போல நடந்து கொள்வது, சிறு பட்டறை முதலாளியின் வீட்டு வேலைகளையும் சேர்த்தே செய்வது, போலிஸ், நீதிபதி இவர்கள் எல்லாம் ஏதோ வானத்து தேவர்கள் போல நடந்து கொள்வதும் சாதாரண கிராமத்து ஏழை அவர்களுக்கு அது போன்றே மரியாதை கொடுப்பது - இவை எல்லாம் ஜனநாயகமின்மையின் அறிகுறிதான். சமூகம் எனபது சக மனிதர்கள் இயைந்து பழகும் ஒரு அமைப்பு, இதில் அனைவருக்கும் உரிமை, பொறுப்பு உள்ளது என்ற புரிதலெல்லாம் பெரும்பாலானவர்களுக்கு இல்லையென்பதுதான் - இது போல பிறர் உரிமையில் தலையிடும் நடவடிக்கைகளையும், பிறரிடம் அடிமை போல நடந்து கொள்ளும் நடவடிக்கைகளையும் ஒருங்கே மேற்கொள்ள செய்கிறது.

அராஜகமும், அடிமைத்தனமும் ஒரே பொருளாதார அமைப்பு பெற்றெடுக்கும் பிள்ளைகள்தான். இதுதான் இயங்கியலின் விதி. இதைத்தான் ஜனநாயகமின்மை என்கிறோம்.

இது ஏன் இப்படி உள்ளது எனில் தனிப்பட்ட உற்பத்தியில் ஈடுபட்டுள்ள ஒரு சிறுபட்டறை தொழிலாளி, ஒரு விவசாய கூலிக்கு இந்த சமூகம் இயைந்து இயங்குவது போன்ற ஜனநாயக அடிப்படைகளை புரிந்து கொள்ளும் உற்பத்தி முறை கிட்டவில்லை. பெரும் தொழிற்சாலை பாணி உற்பத்தியில் ஈடுபடுபவர்களிடம் இந்த பண்பாட்டை நாம் பெரும்பாலும் காணாலாம்(Exceptions இருக்கும்).

ஏனேனில் அவனது ஒவ்வொரு உற்பத்தி உறவிலும் அவன் கூட்டு உழைப்பினை உணர்கிறான். கூட்டு உழைப்பின் காரணமாக கட்டுப்பாடான தனது பங்களிப்பை செய்யும் கடமையை உணர்கிறான். எனவே தனது உரிமையையும், பிறரின் உரிமையையும் உணர்கிறான். உரிமைகளை மீறப்படும் போது உற்பத்தியில் ஏற்ப்படும் பிரச்சனைகளைப் பார்க்கிறான். ஒரே இடத்தில் தொழிலாளர்களை இணைத்து முதலாளியே அவனை அமைப்பாக ஆக்குகிறார். எனவே ஒற்றுமையின் வலிமையை உணர்கிறான். அவனிடம் இருந்து அடிமைப் புத்தி காணமல் போகிறது.

வேலை முடிந்தால், போட்டுக் கொண்டுள்ள சட்டையைத் தவிர வேலை சார்ந்த எந்த பொறுப்பும் கிடையாது என்பது அவனை சுதந்திர மனிதனாகாவும் - தான் வேறு தனது தொழிற்சாலை வேறு எனபதனையும் - தான் உண்மையில் அந்த தொழிற்சாலையின் ப்ரந்த தொழிலாளர்கள் எனும் பெரும் அமைப்பின் அங்கத்தினன் என்பதையும் உணர வைக்கிறது.

மாறாக, சிறுவீத உற்பத்தியில்(சிறு பட்டறை தொழிற்சாலை, விவசாயம்) விடிந்தால், பட்டறை முடிந்தால் படுக்கை என்று நாள் முழுவது கட்டுண்டு கிடக்கிறான். சுதந்திரம் தவிர்க்கிறான். கூட்டு உழைப்பின் பிரமாண்டத்தையும், முதலாளியே உருவாக்கிக் கொடுக்கும் ஒற்றுமையையும் அனுபவிக்கும் வாய்ப்பின்றி தான் பிறந்து வளர்ந்த நிலபிரபுத்துவ அடிமைத்தனத்தை பேணிக் காக்கும் நிலைக்குத் தள்ளப்படுகீறான். சமூகம், அரசு, வர்க்கம் என்பனவற்றைப் பற்றி சிந்திக்கவே நேரமில்லை என்பதிருக்க, அவனது உற்பத்தி முறைகளும் அதனை உணரவிடாமல் அவனை தொடர்ந்து ஏமாற்றியே சுரண்டுகின்றன.

இந்தியாவின் மிகப் பெரும்பான்மையினர் இது போன்ற உற்பத்தி முறையில்தான் ஈடுபட்டுள்ளனர். எனவேதான் இந்தியாவை ஜனநாயகம் இல்லாத நாடு என்கிறோம்.

ஜனநாயகம் என்பது சட்டத்திருத்தில் நடைமுறைப்படுத்தப்படும் விசயமா?, இல்லை. அது சமூக பரிணாம வளர்ச்சியின் ஒரு கட்டம். அது சமூகத்தின் ஒட்டு மொத்த வளர்ச்சியின் அலகு.

இந்தியாவில் பெரும் தொழிற்சாலைகள் ஒரு சிறு அளவிலான பிரிவினைரை மட்டுமே இது போன்ற தொழிற்சாலை பாணி ஜனநாயக உற்பத்தி முறைகளில் வைத்துக் கொண்டு, வாய்ப்புள்ள இதர பிரிவுகளையெல்லாம் சிறு பட்டறை முதலாளிகளிடம் காண்ட்ராக்ட் கொடுத்து விடுகிறார்கள். இதன் மூலம் இயல்பான முதலாளித்துவ வளர்ச்சி சமூகம் மொத்தத்திற்க்கும் பரவலாகிவிடாமல் தடுக்கப்பட்டு சமூகம் அழுகத் துவங்குகிறது.

இதை தடுக்க என்ன செய்யலாம்?

- இந்தியாவின் விவசாயத்தை ஏகாதிபத்தியங்களின் சந்தைக்காக உற்பத்தி செய்யும் பின்நிலங்கள் என்ற அள்வைத் தாண்டி இம்மிகூட முன்னேற விடாமல் தடுக்கும் அரசையையும், அதிகாரிகளையும் என்ன செய்யலாம்?

- இந்தியாவின் சிறு தொழில் துறையையும் இதே நிலைமையில் வைத்து இந்தியா முழுமைக்குமுள்ள நடுத்தர வர்க்கத்தின் கையிலுள்ள் சிறு மூலதனத்தின் சுதந்திரத்தையும், அவர்களின் இயல்பான சாதிக்கும் தாகத்தையும் முடக்கிப் போட்டு , அவற்றையும் தனது சந்தைக்காக உற்பத்தி செய்யும் பின் நிலங்களாக வைத்திருக்கும் இவர்களை என்ன செய்யலாம்?

- இந்தியனுக்கு ஜனநாயகத்தை மறுக்கும் இவர்களை என்ன செய்யலாம்?

- இது பேசி தீர்க்க முடியக் கூடிய விசயமா? சீர்த்திருத்தத்தில் தீர்வு அடங்கியுள்ளதா? புரட்சி செய்யவோமா?

அசுரன்

காவிரித் தீர்ப்பு:: வஞ்சிக்கப்படும் தமிழகம் -க.அருணபாரதி

2007-02-10T04:27:00.001-08:00

காவிரித் தீர்ப்பு :: வஞ்சிக்கப்படும் தமிழகம்

க.அருணபாரதி

கடந்த 17 ஆண்டுகளாக நடைபெற்று வந்த காவிரி நடுவர் மன்றம் தனது தீர்ப்பை அளித்துள்ளது. காவிரி நதிநீர் பிரச்சினைக்கு தீர்வு காண 1990-ம் ஆண்டு நடுவர் மன்றம் உருவாக்கப்பட்டது. இந்த நடுவர் மன்றம் 1991-ல் அறிவித்த இடைக்கால தீர்ப்பில் கர்நாடகம் ஒவ்வொரு ஆண்டும் தமிழகத்திற்கு 205 டிஎம்சி தண்ணீரை திறந்துவிட கூறியது. கர்நாடகம் இதை ஏற்க வில்லை. கன்னட வெறியர்களும், கன்னட இனப்பற்று கொண்ட அரசியல்வாதிகளாளும் இதனை ஏற்க மறுத்துவிட்டனர். இந்திய தேசியம் பேசும் இந்திய வெறியர்களாளும் இதனை செயல்படுத்த முடியவில்லை. மாறாக தமிழகம் தன் நீதிக்காக பேராட வேண்டியிருந்தது.

இதற்கிடையே நடுவர் மன்றம் காவிரி பாசனப் பகுதிகளில் விரிவான ஆய்வு நடத்தியது. தமிழ்நாடுஇ கர் நாடகாவில் எவ்வளவு ஏக்கர் சாகுபடி பரபரப்பளவு உள்ளது. அவற்றுக்கு எவ்வளவு தண்ணீர் தேவைப்படும் என்று ஆராய்ந்தது. நடுவர் மன்ற நீதிபதிகள் தமிழகம் வந்திருந்த போது அவர்களுக்கு கோயில்களில் அளிக்கப்பட்ட வரவேற்பைக்கூட கையூட்டு பெறுவதாக விமர்சனம் செய்தனர் கன்னடர்கள்.

அந்த ஆய்வின் முடிவில் ஏற்பட்டகணிப்பின் படி காவிரியில் ஓராண்டுக்கு சராசரியாக 740 டிஎம்சி தண்ணீர் கிடைக்கிறது. இந்த அடிப்படையில் தமிழ் நாட்டுக்கு 395 டிஎம்சிஇ கர்நாடகாவுக்கு 250 டிஎம்சிஇ கேரளாவுக்கு 33.40 டிஎம்சிஇ புதுச்சேரிக்கு 7 டிஎம்சி தண்ணீர் தேவை என்று நடுவர் மன்றம் மதிப்பீடு செய்தது.

பிறகு தற்பொழுது வழங்கப்பட்டுள்ள தீர்ப்பின்படி தமிழ்நாட்டுக்கு ஆண்டு தோறும் 419 டிஎம்சி தண்ணீரை கர்நாடக அரசு வழங்க உத்தரவிட்டிருக்கிறது. "கர்நாடகம் தன் பங்காக ஒவ்வொரு ஆண்டும் 270 டிஎம்சி தண்ணீரை பயன்படுத்தி கொள்ள வேண்டும். கேரளாவுக்கு 30 டிஎம்சி தண்ணீர் கொடுக்க வேண்டும். புதுச்சேரி மாநிலத்துக்கு 7 டிஎம்சி தண்ணீர் வழங்கப்பட வேண்டும்" என்றும் தீர்ப்பில் கூறப்பட்டுள்ளது. இந்த உத்தரவை எதிர்த்து கர்நாடகம் மற்றும் தமிழக அரசுகள் அப்பீல் செய்யலாம்.

இது கர்நாடக விவசாயி களிடம் கொந்தளிப்பை உண்டாக்கி உள்ளது. காவிரியில் ஆண்டுதோறும் 740 டி.எம்.சி. தண்ணீர் கிடைக்கிறது. இதை 4 மாநிலங்களும் எவ்வாறு பங்கீடு செய்து கொள்ள வேண்டும் என்று நடுவர் மன்றம் இன்று தீர்ப்பு மூலம் உத்தரவிட்டுள்ளது.

அதன் விபரம் வருமாறு:-

தமிழ்நாடு- 419 டி.எம்.சி.

கர்நாடகா- 270 டி.எம்.சி.

கேரளா- 30 டி.எம்.சி.

புதுச்சேரி- 7 டி.எம்.சி.

சுற்றுச்சூழல் பாதுகாப்பு -10 டி.எம்.சி.

லீக்கேஜ்- 4 டி.எம்.சி.

மொத்தம்- 740 டி.எம்.சி.

கர்நாடகத்தின் குடகுமலையில் உற்பத்தியாகும் காவிரி ஆறு தமிழ்நாடுஇ புதுச்சேரி மாநிலங்கள் வழியாக பாய்ந்து வங்கக் கடலில் கலக்கிறது. காவிரியின் மொத்த நீளம் 802 கி.மீ. இதில் கர்நாடகத்தில் 381 கி.மீ. தமிழ்நாட்டில் 351 கி.மீ. நீளத்துக்கு காவிரி ஆறு ஓடுகிறது.

காவிரி தண்ணீரை பாசனத்துக்கு பயன்படுத்துவது தொடர்பாக கடந்த நூற்றாண்டின் தொடக்கத்தில் தமிழ்நாடு- கர்நாடகா இடையே மோதல் ஏற்பட்டது. இதையடுத்து தண்ணீர் பகிர்வுக்காக 1924-ம் ஆண்டு தமிழ்நாடு -கர்நாடகா இடையே ஒப்பந்தம் ஏற்பட்டது. இந்த ஒப்பந்தம் காலாவதியாகி விட்டதாக 1974-ம் ஆண்டு கர்நாடகம் அறிவித்தது.

இதனால் காவிரி நதி நீர் பிரச்சினை விசுவரூபம் எடுத்தது. இரு மாநில அரசு அதிகாரிகள் பல தடவை சந்தித்து பேசியும் எந்த பலனும் ஏற்படவில்லை. இதற்கிடையே விதிகளை மீறி கர்நாடகம் காவிரியில் புதிய அணைகளை கட்டியது. அதோடு தனது பாசனப் பகுதிகளையும் அதிகரித்தது.

இதன் காரணமாக தமிழகத்தின் நெற்களஞ்சியமான தஞ்சை டெல்டா பகுதி விவசாயிகள் வாடி வதங்கினார்கள். போதிய தண்ணீர் கிடைக்காமல் பயிர் சாகுபடியில் வீழ்ச்சி ஏற்பட்டது. பொறுத்து பொறுத்து பார்த்த தஞ்சை விவசாயிகள் 1986-ம் ஆண்டு சுப்ரீம் கோர்ட்டில் வழக்கு தொடர்ந்தனர்.

தமிழக அரசு அந்த வழக்கில் தன்னையும் சேர்த்துக்கொண்டது. இந்த வழக்கில் சுப்ரீம் கோர்ட்டு அறிவுறுத்தலின் பேரில் நடந்த பேச்சுவார்ததைகளிலும் உரிய தீர்வு எட்டப்படவில்லை. இதையடுத்து 1990-ம் ஆண்டு ஜுன் மாதம் 2-ந்தேதி காவிரி நடுவர் மன்றம் அமைக்கப்பட்டது.

இந்த நடுவர் மன்றம் 1991-ம் ஆண்டு ஜுன் மாதம் இடைக்கால தீர்ப்பு வழங்கியது. அதில் ஒவ்வொரு ஆண்டும் தமிழ்நாட்டுக்கு 205 டி.எம்.சி. தண்ணீர் வழங்க வேண்டும். தமிழ்நாட்டுக்கு உரிய தண்ணீரை கொடுத்த பிறகே கர்நாடகம் தன் அணைகளில் தண்ணீரை தேக்கி வைக்க வேண்டும் என்று கூறப்பட்டது.

நடுவர் மன்றத்தின் இந்த தீர்ப்பை கர்நாடகம் கண்டு கொள்ளவில்லை. மேலும் அடுத்த மாதமே (ஜுலை) சட்டசபையை கூட்டி நடுவர் மன்ற உத்தரவை நிராகரிக்கும் தீர்மானத்தை கொண்டு வந்தது. மத்திய அரசிடமும் மனு கொடுத்தது.

கர்நாடகத்தின் இந்த போக்குக்கு அதிருப்தி தெரிவித்த மத்திய அரசுஇ நடுவர் மன்ற இடைக்கால உத்தரவை 1991-ம் ஆண்டு டிசம்பர் 11-ந்தேதி கெஜட்டில் வெளியிட்டது. இதை எதிர்த்து அப்போது கர்நாடக முதல்வராக இருந்த பங்காரப்பா "பந்த்'' நடத்த அழைப்பு விடுத்தார். 10 நாட்கள் பள்ளிகள் மூடப்பட்டன.

1991-ம் ஆண்டு டிசம்பர் 24-ந்தேதி முதல் 27-ந்தேதி வரை வன்முறை வெறியாட்டங்கள் நடந்தன. நூற்றுக்கும் மேற்பட்ட தமிழர்கள் கொல்லப்பட்டனர். ஏராளமான தமிழர்கள் அகதிகள் போல வெளியேறினார்கள்.

இந்த கொடூரத்துக்குப் பிறகு சுமார் 10 ஆண்டுகள் தமிழ்நாட்டையும்இ தமிழக விவசாயிகளையும் கர்நாடகம் தொடர்ந்து வஞ்சித்தது. குறிப்பிட்ட அளவு தண்ணீரை விடவில்லை. கர்நாடக அணைகளில் தண்ணீர் இருந்த போதும்இ தமிழர்கள் தண்ணீர் கிடைக்காமல் தவித்தனர்.

2002-ம் ஆண்டு காவிரி நதி நீர் பிரச்சினை மீண்டும் கிளம்பியது. சுப்ரீம் கோர்ட்டை தமிழக அரசு நாடியது. இதைத் தொடர்ந்து சுப்ரீம் கோர்ட்டு கண்டிப்புடன் உத்தரவிட்டதால் அப்போதைய எஸ்.எம். கிருஷ்ணா அரசு காவிரியில் தண்ணீரை திறந்துவிட்டது.

இதற்கு எதிர்ப்பு தெரிவித்து கர்நாடக விவசாயிகள் போராட்டம் நடத்தினார்கள். இதனால் கர்நாடக அணைகள் மூடப்பட்டன. இதைத் தொடர்ந்து யார்- யாருக்கு எவ்வளவு தண்ணீர் தேவைப்படும் என்பதை கண்டுபிடிக்க நடுவர் மன்றம் விசாரணை நடத்தியது.

கர்நாடகாஇ தமிழ்நாடுஇ கேரளாஇ புதுச்சேரி மாநிலங்களில் சுற்றுப் பயணம் செய்த நடுவர் மன்ற குழுவினர் மொத்தம் 550 நாட்கள் விசாரணை நடத்தினார்கள். அப்போது தமிழகம் 566 டி.எம்.சி.இ கர்நாடகம் 465 டி.எம்.சி.இ கேரளா 994 டி.எம்.சி.இ புதுச்சேரி 9 டி.எம்.சி. தண்ணீர் வேண்டும் என்று கேட்டன.

இதையடுத்து 4 மாநிலங்களுக்கும் சென்ற நிபுணர்கள்இ காவிரி பாசனம் மூலம் சாகுபடி நடக்கும் பரப்பளவை கணக்கெடுத்தனர். அதன் அடிப்படையில் தண்ணீர் தேவை முடிவு செய்யப்பட்டுள்ளது.

அதன்படி தமிழ்நாட்டில் காவிரி பாசன சாகுபடி 24.70 லட்சம் ஏக்கர் பரப்பளவு இருப்பதாகவும்இ இதற்கு 395 டி.எம்.சி. தண்ணீர் தேவை என்று மதிப்பிடப்பட்டுள்ளது. கர்நாடகத்தில் 18.85 லட்சம் ஏக்கர் பரபரப்பளவு உள்ளது என்றும் இதற்கு 250 டி.எம்.சி. தண்ணீர் தேவை என்றும் மதிப்பிட்டுள் ளார்கள்.

கேரளாவுக்கு 33.40 டி.எம்.சி. தண்ணீரும்இ புதுச்சேரிக்கு 7 டி.எம்.சி. தண்ணீரும் தேவை என்று கணக்கிடப்பட்டுள்ளது.

இத்தீர்ப்பினால் தமிழக விவசாயிகள் மகிழ்ச்சி அடைந்திருப்பது போல திட்டமிட்டு செய்திகள் பரப்பப்படுகின்றன. ஆனால் உண்மையில் தமிழகத்திற்கு கிடைக்ககூடிய நீரின் அளவு 185 டிஎம்சி தான்..

கர்நாடகம் திறந்துவிட வேண்டிய 419 டிஎம்சி நீரில் நமக்கு பயன்பாட்டுக்கு கிடைக்கும் நீரின் அளவு 192 தான். பல அணைகளில் நீர் தேங்கி பின்பு 192 டிஎம்சி நீர் தான் பயன்பாட்டுக்கு கிடைக்கும். இதில் புதுச்சேரியின் பங்கான 7 டிஎம்சி நீரைக் கொடுத்து விட்டால் மீதியுள்ள 185 டிஎம்சி நீரைத் தான் தமிழகம் பெறும். இடைக்கால தீர்ப்பிலேயே 205 டிஎம்சி நீரைப் பெற்ற தமிழகம் தற்பொழுது வெறும் 185 டிஎம்சி தண்ணீரைத் தான் பெற்றிருக்கிறது என்பது வேதனையான உண்மையாகும். தமிழக ஓட்டு அரசியல் கட்சிகள் இதையும் அரசியலாக்கி பார்க்க முயற்சிக்கின்றன. ஆனால் தமிழக போராட்ட அரசியல் அமைப்புகளும் தமிழக விவசாய அமைப்புகளும், இதனை எதிர்த்துள்ளன.

இந்த குறைந்தளவு நீரைக் கொடுப்பதற்கு கூட எதிர்ப்பு தெரிவிக்கும் கன்னட வெறியர்களும் அதன் அமைப்புகளும் அங்கே ஒரு மித்த குரலில் போராடிக் கொண்டிருக்கின்றன. சிறு சிறு கன்னட அமைப்புகள் கூட மாபெரும் மக்கள் விவசாயப் போராட்டங்களை நடத்தி கர்நாடகத் தமிழர்களுக்கு பீதியை ஏற்படுத்தி வருகின்றனர்.

இந்திய தேசியம் பேசுபவர்கள் தற்பொழுது என்ன செய்து கொண்டிருக்கிறார்கள் ??? கர்நாடகத்திற்கு சென்று சொல்லுங்கள் நாம் அனைவரும் இந்தியர்கள் என்று. அவர்கள் என்ன செய்வார்கள் என்று அவர்களுக்கு தெரியாது. ஆனால் தமிழகத்தின் நெய்வேலி மின்சாரம் மட்டும் அவர்களுக்கு தொடர்ந்து போய்க் கொண்டிருக்கும். அதை நாம் தட்டிக் கேட்டால் நாங்கள் "பிரிவினைவாதி : தேசத் துரோகி : தீவிரவாதி"

மத்திய அரசு என்ற பெயரில் பார்ப்பனிய பனியா கும்பல் மற்ற இனவெறியர்களுடன் கைக்கோத்துக் கொண்டு தமிழகத்திற்கு எதிராக செயல்படுவதை எவ்வளவு காலம் தான் தமிழர்கள் பொறுத்திருப்பார்கள் ??

மலையாளிகள் முல்லை பெரியாற்று நீரைத் தர மறுக்கின்றனர். கன்னடர்கள் காவிரி நீரைத் தர மறுக்கின்றனர். இதை பார்த்து தைரியமுற்ற ஆந்திரர்கள் தற்பொழுது பாலாற்றில் அணைக்கட்ட முயற்ச்சித்து வருகின்றனர்..

கல்லணை அணையைக் கட்டி உலகிற்கே பாசன வசதிகளைப் பற்றி சொல்லிக் கொடுத்த தமிழினம் இன்று படும் பாடு யாரால் வந்தது ??

தமிழ்நாட்டை டில்லி அரசுக்கு விற்று பதவி பெறத் துடிக்கும் அரசியல்கட்சிகள், 'வந்தாரை வாழ வைக்கும் தமிழகம்' என சொல்லி கதைக்கட்டி மண்ணின் மக்களை வாழ்விழக்கச் செய்த தேசிய அரசியல் ஆகியவை தான்..

இதற்கெல்லாம் என்ன தான் தீர்வு ?? நதிகள் தேசிய மயமா ? நதிகள் இணைப்பா ? என ஆளாளுக்கு விவாதம் நடத்துகின்றனர். ஆனால் இதற்கான தீர்வு முதலில் மாநில அதிகாரங்கள் மாநிலத்திற்கு இருக்க வேண்டும். அவ்வளவு தான்... புரியவில்லையா ?

செர்மனி நாடு 14 தேசங்களைக் கொண்டுள்ளது. அதில் ஒவ்வொரு தேசத்திற்கும் தனித்தனி அரசியலமைப்புச் சட்டங்கள். தனித்தனியான தன்னுரிமை அதிகாரங்கள் கொண்ட மாகாணங்கள். அங்குமட்டுமல்ல உலகில் எங்கும் இப்படித்த தான் கூட்டாட்சி முறை செயல்படுத்தப் பட்டு வருகிறது. ஆனால் இந்தியாவிலும், இலங்கையிலும் நிலைமை வேறு.

அதை போன்று உண்மையான கூட்டாட்சியை இங்கு செயல்படுத்தினால் எவ்வாறு இருக்கும் ?????

தமிழகம் அத்தியாவசிய உணவுப் பொருட்களை அளிப்பதற்கு கைமாறாக கேரளம் முல்லை பெரியாற்று நீரை அளிக்க வேண்டியதிருக்கும். கர்நாடகத்திற்கு அளிக்கப்பட்டுவரும் மின்சாரத்திற்கு பதிலாக காவிரி நீரைப் பெறலாம்..

ஆனால் அவற்றை செய்யக் கூடிய அதிகாரம் இன்று மத்திய அரசிடம் இருக்கிறது. அதனை முழுமையாக நிர்வகித்து வரும் பார்ப்பனிய பனியா ஆதிக்க சக்திகளுக்கு வருமானம் போய்விடும். மாநில உரிமைகளை அந்தந்த மாநிலங்களுக்கு அளித்தாலேயே பிரச்சனைகள் தீர்ந்து விடும்... அதிகாரங்களை அந்தந்த மாநிலங்களுக்கு கொடுக்கும் வரை இப்பிரச்சனை இருந்து கொண்டே இருக்கும்.. முதலில் இந்திய தேசியம் என்பது நம்மை சுரண்ட பயன்படும் வெற்றுக்கூச்சலே அன்றி வேறில்லை என்பதை உணர வேண்டும்.

கன்னட விவசாயிகளின் போராட்டத்தில் மஞ்சள் சிவப்பு கொடியான கன்னடக் கொடி தான் அனைவரது கண்ணிற்கும் தெரியும். அவர்கள் கன்னடர்களாக இருக்கின்றனர் போராடுகின்றனர். ஆனால் நாம் தான் இந்தியர் என்று போலி வேஷம் போட்டு ஏமார்ந்து கொண்டிருக்கிறோம்...

தமிழ் நமது மொழி.

தமிழர் நமது பண்பாடு.
நாம் தமிழர் என்கிற தமிழத் தேசிய உணர்வு

நமக்குள் இருந்து கொண்டேயிருக்க வேண்டும்.

***********************************************
தோழமையடன்
-----------------க.அருணபாரதி----------------
===www.arunabharathi.blogspot.com==
***********************************************